Анамыздың туған күніне
Он төртінші сәуірде, келіпсіз сіз өмірге,
Сіздің туған күніңіз зор қуаныш ол бізге.
Бір ұядан баптап, өсіріп-ұшырдыңыз,
Мақтан тұтсақ өзіңізді ол тегінбе?
Сіңірген еңбегіңіз шексіз біздер үшін,
«Қатарға қосамын» - деп салған күшін.
Еңбектеріңізді ешқашан ұмытпаймыз,
Нәзік жаныңыз көтерген нардың жүгін.
Артта қалды көп түндер көз ілмеген,
Шаршап-шалдығып, біз үшін бейнет көрген.
Бұл күнде ер жеттік анажан, арманыңыз,
Орындалды өмірден күтіп, үміт еткен.
Жарқырап жүріп жасай берші, жан анамыз,
Шапағын шашып, атқан таңғы арайымыз.
Бар жақсылығын өмірдің өзіңізге қалаймыз,
«Өмір берген асылымыз» - деп мәңгі бақи санаймыз.
Жыл сайын тойлай берейік туған күніңізді,
Ести берейік қамқор, әдемі әндей үніңізді.
Өзіңізбен жарасады, толысады сәніміз де,
Сізге арнап шырқаймыз той күні әнімізді.
Денсаулығыңыздың мықты болуын сұраймыз Алладан,
Өшпейсіз жүректен, кетпейсіз ой-санадан.
Өмірдің шынайы бақытын әрқашан тілейміз,
Қабыл алыңыз балаларыңыздың тілегін арнаған.
Достарыңызбен бөлісу: | 
