Бағдат Оралбайұлы «Тегімізді тануға талпыныс»
жүктеу/скачать 11,37 Mb.
|
- Бұл бет үшін навигация:
- Сәсейіттің Атаханынан Әбіш пен Мұқаш туады.
| Сәсейітқожа Саяқыпұлы
Менің қолымдағы шежірелердегі деректер бойынша Атахан, Атанбек (Аташ), Дайырбек, Тоғайбек, Қылышбек, Асылбек аталарымыз осы Сәсейіт бабамыздың ұрпақтары болып саналады, ал әкелері Нұрқожа деген кісі Сәсейіттің баласы екен. Енді осы Нұрқожаның ұрпақтарын білгенімше таратамын. І-Атахан атадан екі ұл: Әбіш пен Мұқаш. Ал бұл екеуінің ұрпақтары туралы әзірге менің қолымда ешбір дерек жоқ. Білетін адам болса хабарласар деген ойдамын. ІІ-Атанбек (Аташ). Бұл кісіден Сағынбай, Әбділда, Кәріпжандар туады. Сағынбайдан Алтынсары, Төлеусары есімді екі қыз, ұл жоқ. Әбділдадан ұрпақ жоқ. Кәріпжаннан Төкен мен Хасен әкелеріміз дүниеге келіпті. Төкен Кәріпжанұлының Мұқан (Мұхаметрахым), Медетхан, Мұхамет, Жұлдыз деген ұлдары және жеті қыз балалары бар. Өз кезегінде Мұқаннан Ерлан, Еркін, Ермек, Нұрлан туады. Ерланнан Азамат, Ералы. Нұрланнан Әділет деген азамат бар. Медетханнан – Қуаныш пен Дархан, ал Қуаныштан – Ерқанат, Дарханнан – Дарын дүниеге келген. Дарыннан Мадияр. Мұхаметтің Думан және Данияр деген ұлдары бар. оның Думанынан Айсұлтан, Даниярынан Әли мен Мәди тарайды. Жұлдыз Төкенұлының Рүстем деген баласы бар. Хасен Кәріпжанұлы әкемізден Мұхтар мен Мұхаметхан және Бәдигүл, Нұрғайша, Нұрқадиша деген қыздар туады. Мұхтардан Қайрат, Серік, Нұрлат, Архат деген ұлдар, тағы да үш қыз тарайды. Қайраттан Берік пен Ақтөре және екі қыз бар. Серік Мұхтарұлынан екі қыз (есімдерін білмедім). Нұрлат бауырдан Абдуллаһ және бір қыз. Архаттан Мұхаметхан және тағы есімдері белгісіз үш қыз бар. Мұхаметхан Хасенұлынан ұрпақ жоқ, қайтыс болған. ІІІ-Дайырбек Нұрқожаұлынан Нүкібай мен Итемген аталықтары тарайды. Нүкібайдан Садуақас, Мұқатай. Садуақастан Молдаш, Молдағали, Мырзағали және Оралғазы. Молдаштан Сағадат, Әділ, Құрман, Алтай есімді төрт ұл. Сағадаттың жанұясында Айдын, Айдос, Елдос, Жандос ұрпақтар өсіп келеді. Әділден Ермек, Құрманнан Ерзат, Алтайдан Дидар туады. Ал Айдыннан Әмір тарайды. Молдағалидың Бақыт, Балқаш, Бауыржан және Амангелді деген ұлдары бар. Бақыттан Руслан, Русланнан Қаршыға мен Нұрсұлтан. Балқаштан Еркебұлан. Бауыржаннан Назерке, Ақерке. Мырзағалидан Болғария, Нұрлан (қайтыс болған), Ерлан туады. Болғариядан София (ерке қыз), Нұрым, Ерланнан Нұрсұлтан және Ерсұлтан. Оралғазының кіндігінен туғандар: Бағдат→Ардақ және Арай. Итемген атамыздан Жұмаділ, Дәріауыз және Жұмағалидың ұрпақтары тарайды. Итемгеннің осы аттары аталған үш ұлы да екінші дүниежүзілік ұлы отан соғысына қатынасып опат болыпты. Болғанмен бұл аталарымыздың қалған ұрпақтар бар. олар, Жұмаділден Бекен (қайтыс болған), Бекеннен Қанат, Қуат, Сымбат, Даурен, Медет және төрт қыз бар. Қанаттан Жомарт, Қуаттан Дәулет пен Дастан туады. Дәріауыз атамыздан Серікқали, Серікқалидан Ержан, Ержаннан Қуаныш туып ұрпақты жалғастыруда. Дәріауыз атамыздың шын аты Айтқожа деп аталады екен. Жұмағали Итемгенұлынан Төкен және Тілеуғайша есімді екі апайымыз соғыста опат болған Жұмағали әкеміздің соңында қалған ізіндей болып өмір сүріп жатыр. Өкінішке қарай, бұл әкейден түтінін шығар ұл баласы қалмады. ІV-Тоғайбек Нұрқожаұлы Бұл атадан тараған ұрпақтары: Әлімғазы, Нұрғазы, Ысқақ, Мұхаметқазы және Мұхаметрахым. Бұлардың ішінде Нұрғазыдан, Мұхаметқазыдан және Мұхаметрахымнан ұрпақ қалмады. Ысқақ атадан Шерубай аға, одан Қанат, Марат, Талғат деген бауырлар бар. Қанаттан Асылмұрат, Мараттан Сұлтан мен Руслан, Талғаттан Шалқар туып ұрпақты жалғастыруда. Әлімғазы Тоғайбекұлынан Шәмет, Шайзат және Мағауиялар туады. Шәметтен Зияда мен Мұхтар бар. Зиядадан Ғаділбек және Асылбек, ал Мұхтардан Ерсін туады. Шәйзат ағамыздан: Сағимұрат, Қайрат, Болат, Жанат, Нұрлан бауырларымыз бар. Сағимұраттан Мирас Қайраттан Ақжол, Әбдінұр және Амандық туады. Болаттан Бекзат, Әділ және Нұрәлі есімді жеткіншектер бар. Жанаттан әзірге ұрпақ жоқ. Нұрланнан Бектас, Ақниет есімді өскіндер өсіп келеді. V-Қылышбек Нұрқожаұлының ұрпақтары: Асанқұл мен Ахмет. Бұлардың қалдырған ұрпағы Төлеуғали болып табылады. Төлеуғали ағадан Қажымұрат жалғыз ұл. Қажымұраттан Талғат және Алмас деген ұлдар, бірнеше қыз артында қалды. VІ-Асылбек Нұрқожаұлы. Бұл атадан Абдолла туады, Абдолладан Берік және бірнеше балалары бар. Өкінішке орай есімдері белгісіз болғандықтан бұл шежіреге кіргізе алмадым. Бұл кітапты оқыған ұрпақтар өздері ары қарай жалғастырып әкетер деген ойдамын. Осы жағдайға ұқсас, тағы бір мәселе, менің қолымда толық талданбаған бір атамыздың шежіресі бар, толықтыруға мүмкіндік болмады. Себебі, тарата алатындай адам кезікпеді. Мен тек қолымда бар деректерді ғана келтірмекпін. Сонымен, Сәсейіттің Атаханынан Әбіш пен Мұқаш туады. Осы екі бабамыздың біреуінен (қайсысынан екені туралы нақты дерек жоқ). Ералы және одан Ақмыш, Ақмыштан Мұқыш туады. Мұқыштан Жұмабек, Түсіп, Түсіпбек тарайды. Жұмабек әкейден Секен, Бекен және Каукен (қыз) туады. Секеннен ұрпақ жоқ, Бекеннен Бауыржан бар. Каукеннің (қыз) екі қызы бар (Маржан, Меруерт) және Нұржан есімді ұлы ұрпақ жаюда. Ал енді Түсіп пен Түсіпбектен ұрпақ жоқ. Ескерту: Сәсейіт қожаның шежіресін жасағанда Дәріауызов Серікқали ағаның, Тоғайбеков Мұхтар бауырдың және Кәріпжанова Нұрқадиша қарындастың берген деректері ескеріле отырып құрастырылды. жүктеу/скачать 11,37 Mb. Достарыңызбен бөлісу:
|