Бағыты: Математика Секция: Математика Тақырыбы

Содержимое разработки

Логикалық есептер жинағы

Логика жайлы ақпарат

Адамның жоғарғы жүйке физиологиясы адам ағзасында өтетін физиологиялық үдерістердің механизімі мен заңдылықтарын қарастырады. Психология адамның түрлі топтарының ойлау ерекшеліктерін,олардың өзара әрекетін  айқындайды, олардың жасерекшелігіне қарай  дене және психикалық  дамуын зерттейді.  Ал, педагогика ғылымы оқыту мен тәрбиені ерекше бірлік пен бүтіндік деп танып, өсіп келе жатқан ұрпақты қоғам өміріне үйрету мақсатына бағытталған қызметі ретінде зерттейді.

Танымдық әрекеттің күрделі үдерісі – ойлау. Ойлау сыртқы дүние заттары мен құбылыстарының байланыс-қатынастарының миымызда жалпылай және жанама түрде бейнеленуі. Ойлауды зерттеумен айналысатын ғылымдардың бірі логиканың ойды зерттеудегі әдіс-тәсілдерінде өзіндік ерекшелігі – бүкіл адамзатқа ортақ ой әрекетінің заңдары мен формаларын айқындайды, адам ойының нақты нәтижесі болып табылатын ұғым, пікір, дәлел, ой формаларының табиғатын зерттейді. Ойлаудың негізгі формалары: ұғым, пайымдау және ой тұжырымы. Ұғым – деген сөздің өзі  «ұғу» деген етістікпен бір түбірлес.

Біздің қандай да бір нәрсе  не құбылыс туралы біліміміз болса, оның қасиеті туралы  басқа нәрселермен қатынасын білген жағдайда  ғана оны басқалардан ажыратамыз  және сол нәрсе туралы ұғымымыз болады. Бірнеше ұғымнан тұратын ойлаудың формасының бірінші түрі – ұғым.