Вирусты гепатиттерге тән клиникалық белгілер:
Улану белгілері, сарғаю алды кезеңіндегі диспепсиялық өзгерістер.
Сарғаю алды кезеңінен бастап бауырдың үлкейіп, қатаюы, ауыруы.
Сарғаю кезеңіне 1 – 2 күн қалғанда зәр түсінің өзгеруі (зәр түсі қоңыр, нәжісінің ағаруы). Бұл өзгерістер сарғаю кезеңінде күшейеді.
Сарғаю, алдымен склера, жұмсақ таңдай, сосын тері қатпарлары сарғаяды.
Вирусты гепатиттердің ағымы жеңіл, орта, ауыр дәрежеде дамуы мүмкін. Ал кейде қатерлі түрде дамып, бауыр комасына әкеліп соқтырады. Ағымының ауырлық дәрежесін анықтауда улану белгілері мен сарғаюдың шамасына, биохимиялық зерттеулердің нәтижесіне мән беріледі.
А және Е гепатиттері жеңіл, В, С гепатиттері ауыр түрде, ал В + Dельта қосылғанда бауыр комасы дамуымен сипатталады.
А және Е гепатиттерінің ақыры – бауырдың структурасы мен қызметі қалпына келіп, жазылып кетеді. Кейде созылмалы гепатиттерге ауысып, бауыр циррозы немесе обыр ауруы дамиды.
Достарыңызбен бөлісу: |
