«Табиғат жайлы әңгімелесу». Міндеті. Балалардың дүниетанымын, тіл байлығын дамыту.
- Табиғат дегеніміз не?
Табиғат – жер, тау, ағаш, су, орман, өсімдіктермен жан-жануарлардан тұратын қоршаған орта.
(сөйлеуді дамыту, қоршаған ортамен танысу)
Дидактикалық ойын "Ұшады, жүзеді, секіреді". Міндеті: әртүрлі жануарлардың қозғалу іс-әрекеттері туралы білімдерін бекіту.
Мысалы:
Балық - жүзеді, аққу - ұшады, қоян - секіреді.
(қоршаған ортамен танысу, сөйлеуді дамыту, қазақ тілі)
"Туған елдің ұлымын" өлеңін жаттау. Аспанымдай мөлдірмін,
Жайлауымдай жазықпын
Өзенімдей өршілмін,
Гүлдерімдей нәзікпін.
Қуат алған өзіңнен,
Туған елдің ұлымын.
Бақытты етіп өсірген
Отанымның гүлімін.
А.Сәрсеков
(сөйлеуді дамыту және көркем әдебиет)
"Көктем белгілерін ажыратамыз" дидактикалық ойын. Міндеті. Балаларды тез ойлауға тәрбиелеу.
Ойынның барысы:
- Балалар, сендермен ойын ойнайтын боламыз. Мына жерде жыл мезгілдерінің белгілерін білдіретін суреттер тұр. Осылардың ішінен қыс мезгілінің белгісін ажыратып алуымыз керек. Ал, ендеше, балалар, суреттерді тезірек ажыратып алайық.
Балалар суреттерді жылдам қойып шығады.
(сөйлеуді дамыту, қоршаған ортамен танысу)
«Көктем». Көктем келді бүгін,
Күнім төкті нұрын.
Сайрап барлық құстар,
Ән салуға құштар.
