Байланысты: Б Түсіпқалиев Балалар ауруының пропедевтикасы
Өткізгіштігі бұзылуына байланысты брадикардия. Атриовентрикулярлы блокада – І дәрежесі ваготонияның, жүрек гликозидтерін және
β-адреноблокаторлар қабылдау, кардиттер, туа біткен жүрек ақаулары (ЖАПМ,
атриовентрикулярлы канал, қалыптастрылған магистральды тамырлардың транспозиция-
сы және басқалар) нәтижесі болып келеді. ЭКГ-де емшек жасындағы балаларда Р-Q
арақашықтығы 0,15 секундке, басқа балаларда 0,18 секундке дейін ұзарады.
Ем талап етпейді.
АВ-блокада ІІ дәрежесі – импульстің жүрекшеден қарыншаға өтуінің кезекті үзілуі.
ЭКГ-де Мобитц І типтес блокадада (Венкебах кезектісімен), QRS кешенінің түсіп
қалуымен аяқталатын Р-Q арақашықтығының қарқынды ұзаруы байқалатын синустық
ырғақ анықталады. Мобитц ІІ типтес блокадада QRS кешенінің түсіп қалуы кенеттен
дұрыс синустық ырғақ және Р-Q арақашықтығының тұрақтылығы фонында жүреді.
Ауруларда Морганьи-Адамс-Стокс ұстамасы (бозғылттық, цианоз, есініен айрылуы,
құрысу) пайда болуы мүмкін.
Емі: клиникалық белгілері байқалмаса жүргізілмейді. АВ-блокаданың ІІІ-дәрежесі
дамуы мүмкін.
АВ-блокаданың ІІІ-дәрежісі (толық), кардит немесе туа біткен жүрек ақаулары
негізінде, туа біткен немесе пайда болған болуы мүмкін; ЭКГ-де қалыпты, ырғағы QRS
кешенінің баяу (алмастырушы) ырғағынан (енсіз немесе кең) тәуелді болмайтын, қалыпты
Р-тісшесі анықталады.
Емі: көптеген жағдайда электрокардиостимуляция жасалады.
Балалар ырғақ және өткізгіштігінің бұзылуларын емдеу қағидалары: ▪ барлық антиаритмиялық препараттардың айқын және көптеген жағымсыз әсерлері
болғандықтан оларды мүмкіндігінше аз қолдану
(95 кесте); ▪ негізінен жалпы бекітуші және кардиотрофикалық дәрілерді қолдану;
▪ негізгі ауруларды табандылықпен емдеу.
Диспансерлік бақылауды балалар кардиологы жеке жоба бойынша жүргізеді.
95 КЕСТЕ
