§2.1. -2.3. тақырыптарға арналған тапсырмалар

1. Жеті картаға 1, 2, 3, 4, 5, 6, 7 цифрлары жазылған. Карталар әбден араластырылғаннан кейін кез келген 4 карта алынды да олар солдан оңға қарай қойылды. Сонда 5 4 6 3 саны шығатындығының ықтималдығы қандай?

Жауабы: 0,0286

2. Экспедицияға 20 машинаның кез келген 5 машинасы тексеруге алынды. Экспедицияда 2 машина істен шыққан болатын.

а) Алынған 5 машинанаың барлығы да жарамды болуының ықтималдығы қандай?

б) Алынған 5 машинаның біреуі істен шыққан, ал төртеуінің жарамды болуының ықтималдығы қандай?

Жауабы: а) 0,55 б) 0,395

3. Жәшіктегі 15 детальдің 10 – ны боялған. Жинаушы кез келген 3 деталь алды. Алынған 3 деталь да боялғандығының ықтималдығы қандай?

Жауабы:

4. Бірінші жәшіктегі 1 – ден 5 – ке дейін, ал екіншімінде 6 – дан 10 – ға дейін нөмерленген шарлар бар. Әрбір жәшіктен бір – бірден шар алынды. Алынған екі шардың нөмерлерінің қосындысы 11 болуының ықтималдығы қандай?

Жауабы: 0,2

5. Студент 60 сұрақтын 50 – ін бледі. Әрбір билет екі сұрақтан тұрады. Алған билеттегі екі сұрақты да білетіндігінің ықтималдығы қандай?

Жауабы: 0,692

6. Топтағы 30 оқушының бақылау жұмысында 6 – ы «5», 10 – ы «4», ал 9 – ы «3»деген бағалар алды. Тақтаға үш оқушы шығарылды. Шақырылған үш оқушының да «2» алғандығының ықтималдығы қандай?

Жауабы: 1/406

7. Белгілі бір 6 дүкендегі 3 ревизор тексеруі керек еді. Әр ревизор 2 дүкенді тексеруі тиіс. Тексеруші ревизорлар кездейсоқ бөлінді. Сонда бірінші ревизордың кез келген екі дүкенге жіберілуінің ықтималдығы қандай?

Жауабы: 0,0667

8. 36 картаның кез келген үшеуі алынды. Алынған үш картаның екеуі тұз болуының ықтималдығы қандай?

Жауабы: 0,027

9. Қорапта нөмерленген бірдей 6 куб бар. Қораптан кез келген ретпен барлық кубтар алынды. Алынған кубтар нөмірлерінің өсу ретімен шығуының ықтималдығын табу керек.

Жауабы: 1/720

10. Дайындалған 10 детальдің 7 – і сапалы. Осыдан алынған кез келген 6 детальдің 4 – сапалы болуының ықтималдығы қандай?

Жауабы: 0,5