3. Атом құрылысы және периодтық заң
Қайталау сұрақтары
1. Э.Резерфорд қандай тәжірибе жасады және атом құрылысының қандай теориясын ұсынды?
2. Э.Резерфорд теориясының қандай кемшіліктері болды?
3. Элементтің реттік нөмірі нені көрсетеді және оның физикалық мәні қандай?
4. Атом құрылысы туралы Н.Бор теориясының негізгі қағидалары қандай? Бор теориясы бойынша тұрақты орбиталдардың радиусы және сол орбиталдарды айналып жүрген электрондардың жылдамдығын қандай формулалардың жәрдемімен табады. Элемент атомының электрондары 3-орбитаға орналасқан. Осы орбитаның радиусы мен ондағы электрондардың жылдамдығын анықта.
5. Бас, орбиталь, магнит, спин квант сандары электрондардың қандай күйлерін көрсетеді? п=4 болғанда басқа квант сандарының мәндері қандай?
6. В.Паули принципі деген не және оның атомдардағы электрондардың орналасуын түсіндірудегі маңызы қандай?
7. Клечковскийдің ережелерін айтып атомдағы электрондардың деңгейлер мен деңгейшелердегі орналасу ретін сызып көрсет.
8. Гунд ережесі қалай айтылады және оны пайдаланып азот, оттек, фтор, неон атомдарының электрондық-графикалық формулаларын жаз.
9. Электрондық-графикалық формуладан элементтің валенттілігін қалай анықтайды? P, S, Cl, Ar атомдарының қалыпты және қозған күйлеріндегі валенттіліктерін анықта.
10. α, β-, β+-ыдыраулар және ядроға электрон қосып алу деген не?
Достарыңызбен бөлісу: | 
