| 5. «Адам-машина-өндірістік орта» жүйесіндегі проблемалар Адамның еңбек қызметі өндірістік ортаға әсер етуде, ұжымда өндірістік процестер мен қатынастарды ұйымдастыруда қалыптасады және өтеді.
Адамның іс-әрекетін екілік ішкі жүйе қатарына бөлуге болады, оның негізін адам құрайды:
1) адам – өндірістік орта (мекеменің микроклиматы, ауадағы зиянды қоспа құрамы мен топталу, жарықтылық және басқа өндірістік сәуле шығару, дыбыстық: шуыл, дірілдеу, электромагнитті және тездетілген тербелу; жұмыс орны кеңістігінің көрсеткіштері мен габариттері; еңбек заттары, құрамдары);
2) адам – өндірістік процесс (физикалық жүктеме, жұмыс тұрысы мен еңбек қозғалысы, жүйкелі-психикалық жүктеме, жұмыс қарқыны мен ритмі, еңбек және демалыс режимі);
3) адам – еңбек ұжымы (ұжымның әлеуметтік құрылымы, еңбек тәртібінің деңгейі, өзара талаптылық пен жауапкершілік, оң қатынастың мүмкіндігі, тұлғааралық байланыс).
Қауіпті жағдай пайда болғанда адамның іс-әрекетін шартты түрде үш кезеңге бөлуге болады, бірақ әрбір нақты жағдайда төтенше жағдай пайда болуына бір фактор әсер етуі мүмкін, бірақ көп жағдайда барлық факторларда өзара әрекетте болады. Төтенше жағдайды анықтайтын және шешуші факторы адам болып табылады.
Достарыңызбен бөлісу: |
