Білім алушыларға арналған тәжірибелік дағды және білік кәсіби алгоритм жиынтығы
жүктеу/скачать 3,09 Mb.
|
аллгоритмы на каз. яз2
- Бұл бет үшін навигация:
- Құрал-жабдықтар
- Іс-әрекет алгоритмі
| 117. Мұрын қуысынан жағынды алу
Мақсаты: диагностикалық: жұқпалы аурудың қоздырғышын анықтау. Көрсеткіштері: мұрын микрофлорасын тексеру, жұқпалы ауруға күдік болғанда. Құрал-жабдықтар: залалсыздандырылған: мақта-дәке тампондарымен аузы (тығынмен) тығыз жабылған пробиркалар штативімен, материал алу үшін құрғақ мақта тампондары бұралып жасалған темір өзегі бар таяқша, крафт пакетіндегі шпатель, пробиркаларды тасымалдауға арналған бикс, стеклограф, жолдама бланкасы, қолғап, бет перде, вазелин майы, турундалар, ҚЖКЖК. Іс-әрекет алгоритмі: Науқасқа емшара барысы мен мақсатын түсіндіріп, емшараны жүргізу үшін науқастың келісімін алыңыз. Бактериологиялық зертханаға жолдама жазыңыз. Жолдама нөміріне сәйкес нөмірді стеклографпен пробиркаға белгілеңіз: «Мүрын-2» , пробирканы штативке орнатыңыз. Гигиеналық деңгейде қол деконтаминациясын жүргізіп, бет перде мен қолғапты киіңіз. Науқастың бетін жарыққа қаратып отырғызып, басын сәл артына шалқайтуын сұраңыз. Науқасқа қарама-қарсы отырыңыз. Науқастың мұрын қуысын қарап, оның таза екендігіне көзіңізді жеткізіңіз. Мұрын қуысының алдыңғы бөлігін тазартып алыңыз (науқастың мұрнын сіңбіруін сұраңыз), вазелин майымен оларды жібітіп алып мұрын ішіндегі қабыршақтарды тазалап алыңыз. Содан кейін құрғақ мақта турундасымен тазартыңыз. Беті жабық «Мүрын-2» деген пробирканы сол қолдың III-IV-V саусақтары астына алыңыз, ал оң қолмен тығынынан ғана ұстап, пробирканың (оң қолдың саусақтары тек пробирканың тығынына ғана тиуі тиіс) ішіндегі мақта оралған темір өзекті шығарып алыңыз. Науқастың мұрынының үшын сол қолдың үлкен саусағымен көтеріңіз, ал оң қолмен тампонды жеңіл айналмалы қозғалыспен бір мұрын қуысына, содан кейін екінші мұрын қуысы ішіне 1,5-2 см тереңдікке, мұрын қабырғаларына, мұрын қалқасына тығыз жанастыра тигізіп енгізіңіз. Мұрын қуысынан тампонды шырышпен шығарыңыз. Ептеп пробирканың жиегіне немесе сыртқы беттеріне тигізіп алмай өзекті оның ішіне тампонды енгізіңіз. Пробирканың ауызы тығыз жабылғанын қадағалаңыз. Пробирканы штативке орналастырып, сосын бикске оны «кілтке» жабыңыз. Қолғапты, бет пердені шешіп, ҚЖКЖК- ға салыңыз. Қолыңызды жуып, кептіріңіз. Алынған материалды бикспен және жолдамасымен бактериологиялық зертханаға 2 сағаттан кешіктірмей жіберіңіз. жүктеу/скачать 3,09 Mb. Достарыңызбен бөлісу:
|