Білім беру бағдарламасы 5-модуль мектеп педагогтерінің Әлеуетін арттыру оқУ ҚҰралы

Педагогикалық  ұжымның  ғылыми-әдістемелік  қызметінің  нәтижелілігі  мектептегі 

ғылыми-әдістемелік  жұмыс  бағыты  бойынша  басшылардың  басқару  функцияларын 

сапалы  іске  асыруға  байланысты.  Басқару  ұжымның  бірлескен  қызметінің 

мақсаттылығын,  ұйымдастырылуын,  келісімділігі  мен  тиімділігін  қамтамасыз  етуге,  оны 

бақылауға және қажет болған жағдайда оған түзетулер енгізуге арналған. Бұл үшін белгілі 

бір  басқарушылық  іс-әрекет  келесі  реттілікпен  орындалуға  тиіс:  1)  мақсат  қою;  2) 

жоспарлау  және  ұйымдастыру;  3)  іске  асыру;  4)  нәтижелерді  талдау  және  қорыту;  5) 

түзету; 6) нәтижелерді тәжірибеге енгізу. (2-суретті қараңыз) 

Мектептің  ғылыми-әдістемелік  қызметін  басқарудың  болжамды  жүйесі  мынадай 

компоненттерден тұрады: мақсат қою, жоспарлау және ұйымдастыру, саралау, іске асыру, 

нәтижесі, енгізу. 

1) білім беруді жаңғыртудың негізгі талаптарын іске асыру: оқытуды ізгілендіру, саралау 

және  дараландыру,  білімді  қолжетімді  ету,  оқыту  бейінділігі,  білім  беру  процесін 

ақпараттандыру; 

2) педагогикалық зерттеулер нәтижелерін қолдану негізінде мектепті дамыту: білім беру 

сапасын  арттырудың  және  білім  беру  мекемесін  дамытудың  стратегиялық  және 

тактикалық  міндеттерін  іске  асыру;  педагогтер  қызметінің  мазмұндық  компоненттерін 

әзірлеу; инновацияларды сараптау және бағалау және т. б.;