Перзентханаларда медициналық көмек көрсетуді ұйымдастыру
Перзентхана-жүктілік, босану, босанғаннан кейінгі кезеңде, гинекологиялық аурулар кезінде әйелдерге стационарлық акушерлік-гинекологиялық көмекті, сондай-ақ жаңа туған балаларға медициналық көмекті қамтамасыз ететін емдеу-алдын алу ұйымы. Медициналық көмек көрсету аумақтық қағидат бойынша жүзеге асырылады. Алайда, алғашқы және шұғыл медициналық көмек барлық жүкті және босанған әйелдерге тұрғылықты жері мен ведомстволық бағыныстылығына қарамастан көрсетіледі.
Перзентханаға емдеуге жатқызу емдеу-алдын алу ұйымының жолдамасы бойынша жоспарлы тәртіппен; жедел медициналық жәрдем бойынша, босандыру қызметінің дамуына, кенеттен пайда болған ауруларға (жай-күйлерге) немесе жазатайым оқиғаларға байланысты пациенттерді бөлімшеге жедел жәрдем бригадалары жеткізгенде; емдеу-алдын алу ұйымын жолдамастан, өз бетінше, өз бастамасы бойынша жүзеге асырылады.
Перзентхананың қуаты мен құрылымы қызмет көрсетілетін аймақ халқының акушерлік-гинекологиялық және перинаталдық көмектің негізгі түрлеріне қажеттілігімен айқындалады.
Перзентхананы бас дәрігер басқарады, перзентхананың қуаттылығына байланысты бас дәрігердің орынбасарлары тағайындалады:
- емдеу жұмысы бойынша;
- медициналық сараптама және оңалту бойынша;
- жоспарлы-экономикалық жұмыс бойынша;
- әкімшілік-шаруашылық жұмысы бойынша.
Перзентхананы басқару аппаратына мыналар да жатады:
- бас бухгалтер;
- бөлімшелер мен бөлімшелердің меңгерушілері;
- кабинет меңгерушілері;
− бас медбике.
Акушерлік стационардың міндеттері мен функциялары
Акушерлік стационарлар қызметінің негізгі мақсаты жүктілік, босану және босанғаннан кейінгі кезеңде әйелдерге акушерлік-гинекологиялық көмек көрсету, сондай-ақ жаңа туған балалар мен ұрпақты болу жүйесі аурулары бар әйелдерге медициналық көмек көрсету болып табылады.
Перзентхана бөлімшесі келесі міндеттерді орындайды:
1) перинаталдық көмекті өңірлендіру қағидаттарын сақтауды ескере отырып, шұғыл және жоспарлы стационарлық акушерлік, гинекологиялық, неонатологиялық көмек көрсету;
2) аумақтық қағидат бойынша амбулаториялық-емханалық көмек көрсететін ұйымдармен және перинаталдық орталықтармен сабақтастық;
3) бекітілген аумақтағы босандыру қызметінің жұмысын талдау және мониторингілеу;
4) ана мен перинаталдық өлім жағдайларын, жүктіліктің, босанудың, босанғаннан кейінгі кезеңнің ауыр асқынуларын және жаңа туған нәрестелердегі ауыр ауруларды талдау;
5) медицина қызметкерлері үшін оқыту семинарларын өткізу;
6) акушерлік-гинекологиялық және неонатологиялық қызметтің негізгі көрсеткіштері бойынша статистикалық деректерді талдау.
Перзентхананың функциялары:
1) жүктілік, босану және босанғаннан кейінгі кезеңде әйелдерге стационарлық акушерлік-гинекологиялық көмек көрсету, жаңа туған балалар мен ұрпақты болу жүйесінің аурулары бар әйелдерге медициналық көмек көрсету;
2) ұрпақты болу жүйесі ауруларының профилактикасын, диагностикасын және оларды емдеуді жүзеге асыру;
3) жүктілікті үзу және жүктілікті үзуге байланысты медициналық көмек көрсету;
4) әйелдерді санитариялық-гигиеналық дағдыларға үйрету, отбасын жоспарлау, бала емізу, ұрпақты болу жүйесі ауруларының алдын алу, жыныстық жолмен берілетін аборттар мен инфекциялардың алдын алу;
5) жүкті әйелдерді, босанатын әйелдерді, босанған әйелдерді, гинекологиялық науқастар мен жаңа туған нәрестелерді жоғары мамандандырылған медициналық көмек көрсету үшін басқа денсаулық сақтау ұйымдарына жіберу мақсатында медициналық көрсетілімдерді айқындау;
6) еңбекке уақытша жарамсыздыққа сараптама жүргізу, жүктілігі және босануы бойынша еңбекке жарамсыздық парақтарын беру, еңбекке қабілеттілігінен тұрақты айрылу белгілері бар әйелдерді белгіленген тәртіппен медициналық-әлеуметтік сараптамаға жіберу;
7) әйелдер, жаңа туған балалар және медициналық персонал арасында ауруханаішілік инфекциялармен сырқаттанушылықтың алдын алу мақсатында санитариялық-гигиеналық және эпидемияға қарсы режимдерді ұйымдастыру және қамтамасыз ету болып табылады;
8) әйелдердің акушерлік асқынулары мен ауыр экстрагениталдық ауруларының, жаңа туған нәрестелер ауруларының себептеріне талдау жүргізу;
9) ана мен перинаталдық өлім-жітім себептерінің статистикалық мониторингі мен талдауын жүзеге асыру;
10) жаңа туған нәрестелерге вакцинопрофилактиканы қамтамасыз ету және оларды белгіленген тәртіппен тұқым қуалайтын ауруларға зерттеп-қарауды жүргізу;
11) әйелдер мен жаңа туған нәрестелердің перзентханада болу кезеңінде тамақтануын ұйымдастыру;
12) бастапқы медициналық-санитариялық көмек ұйымдарымен, сондай-ақ басқа да медициналық ұйымдармен (туберкулезге қарсы, тері-венерологиялық, онкологиялық диспансерлермен, ЖИТС-тың алдын алу және оған қарсы күрес жөніндегі орталықтармен, инфекциялық стационарлармен және басқалармен) ынтымақтастық);
13) есепке алу және есеп беру құжаттамасын жүргізу.
Перинаталдық орталық келесі міндеттерді орындайды:
1) жүктілікті, босануды жүргізу тактикасын таңдау үшін қауіп факторлары бар жүкті әйелдерге консультациялық-диагностикалық көмек көрсетеді, сондай-ақ медициналық көмек көрсету деңгейін айқындайды;
2) стационарлық акушерлік, гинекологиялық, неонатологиялық көмекті жүзеге асырады. Перинаталдық патологияны іске асыру қаупі бар жүкті әйелдерді, босанатын әйелдерді және босанған әйелдерді емдеуге жатқызуға арналған, гестация мерзімі 22 - 33 апта болған кезде мерзімінен бұрын босану, сондай-ақ жүктілігі мен босануы асқынбаған әйелдер емдеуге жатқызылуы мүмкін;
3) мамандандырылған Акушерлік және неонаталдық көмекке мұқтаж жүкті әйелдерге, босанатын әйелдерге, босанған әйелдерге және науқас жаңа туған нәрестелерге, оның ішінде дене салмағы 1500,0 грамм және одан аз, неғұрлым төмен деңгейдегі ұйымнан ауыстырылған шала туған нәрестелерге медициналық көмектің барлық түрлерін көрсетеді;
4) науқас нәрестелерге оңалту іс-шараларын жүргізеді, шала туған нәрестелерге күтім жасауды жүзеге асырады;
5) медициналық-санитариялық алғашқы көмек ұйымдарымен және босандыру бөлімшелерімен ынтымақтасады;
6) акушерлік-гинекологиялық және неонатологиялық көмек көрсетудің өзекті мәселелері бойынша семинарлар, конференциялар ұйымдастырады және өткізеді;
7) акушерлік-гинекологиялық және неонатологиялық қызметтерде диагностикалау мен емдеу хаттамаларын әзірлеуге қатысады және енгізеді;
8) телекоммуникациялық ақпараттық-талдау жүйелерін пайдалана отырып, жаңа туған нәрестелерге медициналық көмек көрсету бойынша консультациялар жүргізеді;
9) республикалық денсаулық сақтау ұйымдарымен "кері байланыс" қағидаты бойынша ақпарат алмасады;
10) әйелдерді жүктіліктің, босанудың және босанғаннан кейінгі кезеңнің асқынған ағымынан кейін оңалтуды жүргізеді;
11) перинаталдық орталық облыс орталықтарында, республикалық маңызы бар қалада, астанада құрылады және мамандандырылған акушерлік, гинекологиялық және неонатологиялық көмек көрсетеді.
6. Перинаталдық орталықтың функциялары:
1) жүкті әйелдерге, жоғары қауіпті топтағы босанатын және босанған әйелдерге және жаңа туған нәрестелерге, сондай-ақ ұрпақты болу функциясы бұзылған әйелдерге қазіргі заманғы емдеу-диагностикалық технологияларды пайдалану негізінде консультациялық-диагностикалық, емдік және оңалту көмегін көрсету;
2) қаупі жоғары топтағы жүкті әйелдерге жоспарлы консультация беруді жүргізу, медициналық көмек көрсету деңгейін сақтау, ауруханаға жатқызу уақтылығы және босанғаннан кейінгі кезеңде оңалту қажеттігі бойынша бақылауды жүзеге асыру;
3) қарқынды терапияны қажет ететін жүкті, босанатын, босанған әйелдер мен жаңа туған нәрестелерді мамандандырылған медициналық көмекпен қамтамасыз ету;
4) жаңа туған нәрестелерге, оның ішінде дене салмағы төмен және өте төмен нәрестелерге реанимациялық көмек және қарқынды терапия көрсету;
5) өңірдің акушерлік-гинекологиялық және неонатологиялық қызметтерінің негізгі көрсеткіштерінің статистикалық деректерін жинау және талдау жүргізу;
6) еңбекке уақытша жарамсыздыққа сараптаманы, жүктілігі және босануы бойынша еңбекке жарамсыздық парақтарын, гинекологиялық науқастарды беруді жүзеге асыру, еңбекке қабілеттілігінен тұрақты айрылу белгілері бар әйелдерді медициналық-әлеуметтік сараптамаға жіберу;
7) әйелдер мен жаңа туған нәрестелерге көмектің көшпелі нысандарын ұйымдастыру (анестезиологиялық-реанимациялық бригада, акушерлік-гинекологиялық бригада, неонаталдық бригада);
8) өз қызметінде ана мен перинаталдық сырқаттанушылық пен өлімді төмендетуге, әйелдердің ұрпақты болу денсаулығын сақтауға және қалпына келтіруге бағытталған профилактиканың, диагностика мен емдеудің қазіргі заманғы және тиімді медициналық технологияларын пайдалану болып табылады;
9) акушерлік, гинекологиялық, неонатологиялық көмек көрсету сапасына сараптама жүргізу;
10) әртүрлі патологиясы бар жаңа туған нәрестелерді емдеу және оңалту нәтижелері туралы деректерді жүйелеу;
11) әйелдерге медициналық-психологиялық көмекті жүзеге асыру;
12) перинаталдық көмек мәселелері бойынша дәрігерлер мен орта медициналық персоналдың кәсіби даярлығын арттыруды, Акушерия, гинекология және перинатологияның өзекті мәселелері бойынша конференциялар/кеңестер өткізуді, сондай-ақ жергілікті жерлерде мастер-кластар өткізуді қоса алғанда, әдістемелік жұмысты ұйымдастыру;
13) халыққа перинаталдық көмек, ұрпақты болу денсаулығы және ана болу қауіпсіздігі мәселелері бойынша қоғамдық денсаулық сақтау бағдарламаларының іске асырылуын қамтамасыз ету болып табылады.
2 Ауылдық медицина ұйымдарының: емхананың, фельдшерлік-акушерлік пункттің, фельдшерлік пункттің,
ауылдық немесе отбасылық дәрігерлік амбулаторияның
қызметі туралы ереже
1. Бастапқы медициналық-санитарлық көмектің ауылдық медицина ұйымдарына: орталық аудандық аурухананың (аудандық аурухананың) емханасы (амбулатория), ауылдық (отбасылық) дәрігерлік амбулатория, фельдшерлік-акушерлік пункт, фельдшерлік пункт жатады.
2. Орталық аудандық аурухананың (бұдан әрі - ОАА), аудандық аурухананың (бұдан әрі - АА) жеке ұйым немесе құрылымдық бөлімше (бұдан әрі - емхана) болып табылады. Емхананың құрылымы "Ауылдық аумақтың емханасының шамамен алғандағы ұйымдастырушылық құрылымы" деген осы Ережеге қосымшада көзделген бөлімшелерден тұрады.
Емхананың құрылымдық бөлімшелерінің қызметі туралы ереже ОАА (АА) меңгерушісі немесе бас дәрігері әзірлейді және бекітеді.
3. Емхананың негізгі міндеттері:
1) аудан орталығының халқын және тіркелген аудан халқын білікті амбулаториялық-емханалық жәрдеммен қамтамасыз ету;
2) ауданның амбулаториялық-емханалық бөлімшесінің қызметіне ұйымдастырушылық-әдістемелік басшылық ету және бақылау;
3) аудан кәсіпорындарда, мекемелерінде және ұйымдарында жұмыс істейтін халықтың, уақытша еңбекке жарамдылығынан айырылған және мүгедек адамдардың жалпы және балалар аурушаңдығының алдын алуға және төмендетуге бағытталған іс-шараларды жоспарлау және өткізу;
4) ауданның барлық амбулаториялық-емханалық ұйымдарының жұмыстарының практикасына аурудың алдын алу мен емдеудің осы заманғы әдістерін, амбулаториялық-емханалық жәрдемнің алдыңғы қатарлы тәжірибелерін дер кезінде және кеңінен енгізу;
5) отбасын жоспарлау жөніндегі мәселелерді шешу болып табылады.
4. Емхана көрсетілген міндеттерді жүзеге асыру үшін:
1) жіті және аяқ астынан болған аурулар, жарақаттар, улану және өзге де бақытсыз жағдайлар кезіндегі науқастарға бастапқы және жедел медициналық көмек көрсетуді;
2) бекітіліп берілген халыққа, оның ішінде қосып берілген учаскелерге, емхананың (амбулаторияның) амбулаториялық қабылдауындағыдай денсаулық жағдайына және аурудың сипатына байланысты емханаға келе алмайтын, төсек тәртібін сақтау, дәрігердің жүйелі бақылауында немесе ауруханаға жатқызу туралы мәселені шешуді қажет ететін науқастарға үйде дәрігерлік көмек көрсету кезінде де дер кезіндегі және білікті дәрігерлік көмек көрсетуді;
3) ауданның емдеу-алдын алу ұйымдарынан жіберілген науқастарды консультативтік қабылдауды;
4) емханаға (амбулаторияға) өтініш берген науқастар мен дені саулардың ауруын ерте анықтау, білікті және толық мөлшерде тексеру;
5) адамдарды дер кезінде ауруханаға жатқызуды;
6) науқастарды қалпына келтіре емдеуді; V032601
7) алдын алу тексерулерінің барлық түрлерін; P060856
8) халықты диспансерлеу, оның ішінде: олардың денсаулық жағдайына динамикалық бақылауға және иммундауға жататын адамдарды іріктеу;
9) жасөспірімдердің денсаулық жағдайын динамикалық бақылауды; V032566
10) тиісті аумақтарда халықтың санитарлық-эпидемиологиялық салауаттылығы саласындағы іс-шараларды;
11) науқастардың уақытша еңбекке жарамсыздығына сараптауды ;
12) Қазақстан Республикасының Еңбек және халықты әлеуметтік қорғау министрлігінің аумақтық органына тұрақты еңбекке жарамдылығынан айырылған адамдарды жіберуді;
13) қызмет көрсетіліп отырған халықтың, оның ішінде балалар мен жасөспірімдер арасында салауатты өмір салтын жүргізу жөніндегі санитарлық-ағарту жұмыстарын, алдын алуды, олардың гигиеналық тәрбиесін ұйымдастырады және өткізеді.
5. Емхана:
1) науқастарға консультация беру және осы ұйымдардың дәрігерлеріне практикалық көмек көрсету үшін дәрігерлердің баруын;
2) халыққа емдеу-алдын алу көмегін ұйымдастыру, дәрігерлік-еңбектік сараптау, стационарлар мен тиісті емдеу-алдын алу ұйымдарының мәселесі жөніндегі ұйымдастыру-әдістемелік жұмысты;
3) ауданның амбулаториялық-емханалық ұйымдардың (бөлімшелердің) дәрігерлері мен орта медицина қызметкерлерінің кәсіби біліктілігін арттыруды;
4) отбасын жоспарлау жөніндегі консультативтік қызметтерді жоспарлауға және жүзеге асыруға қатысады.
6. Емханаға басшылықты орталық аудандық аурухананың бас дәрігерінің амбулаториялық-емханалық бөлімінің жұмысы жөніндегі орынбасары немесе емхананың бас дәрігері (меңгерушісі) жүзеге асырады.
7. Емхана Қазақстан Республикасының Конституциясына , денсаулық сақтау саласындағы заңнамалық және нормативтік құқықтық актілерге, Жарғыға және осы ережеге сәйкес жұмыс істейді.
8. Емхана интерн-дәрігерлерді даярлау, медицина колледждері (училищелері) оқушыларының өндірістік практикасын және медицина жоғары оқу орындары студенттерінің жазғы өндірістік практикасын өткізу базасы болуы мүмкін.
9. Емхана белгіленген тәртіппен өз қызметінің есебін жасайды және ұсынады, медициналық құжаттарды жүргізеді.
10. Өз бетінше жұмыс істейтін емхана белгіленген тәртіппен мөрді және мөртабанды пайдаланады.
11. Осы ереже аудандық орталық аурухана болмаған жағдайда ауылдық әкімшілік ауданда ұйымдастырылатын аудандық орталық емханаларға таратылады.
12. Белгіленген тәртіппен ашылуы мен жабылуын денсаулық сақтау органы жүргізетін ауылдық елді мекендердегі фельдшерлік-акушерлік пункт ауылдық дәрігерлік амбулаторияның немесе ауылдық учаскелік аурухананың амбулаториялық-емханалық бөлімшесі болып табылады.
13. Фельдшерлік-акушерлік пунктке:
1) халыққа дәрігерге дейінгі медициналық көмек көрсету;
2) дәрігердің тағайындауларын дер кезінде және толық көлемде орындау;
3) балалар мен жүкті әйелдерді емдеуді, бекітіліп берілген ауыл халқының, Отан соғысы мүгедектерінің денсаулық жағдайын жүйелі бақылау;
4) дәрігердің басшылығымен аурушаңдықты, алдымен бұрын жұқпалы және паразиттік аурулардың, ауылшаруашылығы және тұрмыстық жарақаттанушылықты төмендетуге бағытталған алдын алу, эпидемияға қарсы және санитарлық-гигиеналық іс-шаралар кешенін өткізу;
5) балалар мен аналар өлімін төмендету, оның ішінде халықты иммундау жөніндегі алдын алу іс-шараларын жүргізу;
6) эпидемиялық көрсеткіштері бойынша жұқпалы аурумен ауыратындарды, олармен байланыста болған адамдарды және жұқпалы ауруға күдіктілерді айқындау мақсатында түтін басы аралап шығуды жүргізу;
7) мемлекеттік санитарлық-эпидемиологиялық қызмет органдарын белгіленген тәртіппен жұқпалы аурулар, паразиттік және кәсіби аурулар, халықтың улануы және санитарлық-гигиеналық талаптарды бұзушылықты анықтау туралы хабардар ету жүктеледі.
14. ФАП осы мекеменің санитарлық-гигиеналық талаптары мен міндеттеріне жауап беретін үй-жай жиынтығы болуы, сондай-ақ жарақтандыру және байланыс құралы табеліне сәйкес жабдықталуы тиіс. Фельдшерлік пунктке жүктелген міндеттерді орындауға арналған көлік құралдарды қажеттілігі бойынша ауылдық дәрігерлік амбулатория (ауылдық учаскелік аурухана) ұсынады.
15. Дәріхана, дәріханалық пункттер және дәріханалық киоскілер болмаған кезде шалғайдағы ауылдық жерлерде дәрілік заттарды сатуды Қазақстан Республикасының заңнамасына сәйкес заңды және жеке адамдар фельдшерлік-акушерлік пункт арқылы жүзеге асырады. Бұндай кезде дәрілік заттардың сапасының, қауіпсіздігінің және тиімділігінің сақталуын дәрілік заттарды сатушы медициналық білімі бар аттестацияланған мамандар қамтамасыз етеді.
16. Фельдшерлік-акушерлік пункт белгіленген тәртіппен өзінің жұмысы туралы жоспары мен есебін жасайды және ұсынады, есеп беру-есепке алу медициналық құжаттарын жүргізеді.
17. Фельдшерлік-акушерлік пунктті меңгеруші басқарады, сметасы, атауы көрсетілген мөртаңбасы және мөрі болады.
18. Белгіленген тәртіппен ашылуы мен жабылуын денсаулық сақтау органы жүргізетін ауылдық елді мекендердегі фельдшерлік пункт (бұдан әрі - ФП) амбулаториялық-емханалық бөлімше болып табылады.
19. Фельдшерлік пунктке:
1) халыққа дәрігерге дейінгі медициналық көмек көрсету;
2) дәрігердің тағайындауларын дер кезінде және толық көлемде орындау;
3) балалар мен жүкті әйелдерді патронаждауды, бекітіліп берілген ауыл халқының, Отан соғысы мүгедектерінің денсаулық жағдайын жүйелі бақылау;
4) дәрігердің басшылығымен аурушаңдықты, алдымен жұқпалы және паразиттік аурулардың, ауылшаруашылығы және тұрмыстық жарақаттанушылықты төмендетуге бағытталған алдын алу, эпидемияға қарсы және санитарлық-гигиеналық іс-шаралар кешенін өткізу;
5) алдын алу іс-шараларын, оның ішінде халықты иммундау жүктеледі.
20. Эпидемиялық көрсеткіштері бойынша жұқпалы аурумен ауыратындарды, олармен байланыста болған адамдарды және жұқпалы ауруға күдіктілерді айқындау мақсатында түтін басы аралап шығуды жүргізу.
21. Мемлекеттік санитарлық-эпидемиологиялық қызмет органдарын белгіленген тәртіппен жұқпалы аурулар, паразиттік және кәсіби аурулар, халықтың улануы және санитарлық-гигиеналық талаптарды бұзушылықты анықтау туралы хабардар ету.
22. ФП осы мекеменің санитарлық-гигиеналық талаптары мен міндеттеріне жауап беретін үй-жай жиынтығы болуы, сондай-ақ жарақтандыру және байланыс құралы табеліне сәйкес жабдықталуы тиіс. Фельдшерлік пунктке жүктелген міндеттерді орындауға арналған көлік құралдарды қажеттілігі бойынша ауылдық дәрігерлік амбулатория (ауылдық учаскелік аурухана) ұсынады.
23. Дәріхана, дәріханалық пункттер және дәріханалық киоскілер болмаған кезде шалғайдағы ауылдық жерлерде дәрілік заттарды сатуды Қазақстан Республикасының заңнамасына сәйкес заңды және жеке адамдар фельдшерлік-акушерлік пункт арқылы жүзеге асырады. Бұндай кезде дәрілік заттардың сапасының, қауіпсіздігінің және тиімділігінің сақталуын дәрілік заттарды сатушы медициналық білімі бар аттестацияланған мамандар қамтамасыз етеді.
24. ФП сметасы, атауы көрсетілген мөр таңбасы және мөрі болады.
25. ФП белгіленген тәртіппен өзінің жұмысы туралы жоспары мен есебін жасайды және ұсынады, есеп беру-есепке алу медициналық құжаттарын жүргізеді.
26. Ауылдық (отбасылық) дәрігерлік амбулатория (бұдан әрі - амбулатория) өз қызметі шегінде аурушаңдықты, ерте анықталған ауруларды ескерту және төмендету жөніндегі кеңейтілген алдын алу іс-шараларын өткізуді; науқастарды ерте анықтауды; дені саулар мен науқастарды диспансерлеуді; халыққа білікті медициналық көмек көрсетуді жүзеге асырушы емдеу-алдын алу ұйымы болып табылады.
27. ОДА белгіленген тәртіппен ауылдық елді мекендерде, қала типтес жұмысшы кенттерінде, курортты кенттерде, елді мекендерден тыс құрылыс объектілерінде ұйымдастырылады.
Амбулаторияға бекітілген халық контингенті мен санын тиісті денсаулық сақтау органы, аудандық орталық аурухананың бас дәрігері белгілейді.
28. ОДА жеке ұйым болуы немесе ауылдық учаскелік аурухананың құрамына енуі мүмкін.
29. ОДА-ның негізгі міндеттері:
1) тікелей амбулаториялар мен үйге бекітілген ауруханадан тыс дәрігерлік көмек көрсету;
2) жарақаттанушылықты және аурушаңдықты, оның ішінде халық арасындағы паразитарлық және кәсіби ауруларды төмендету және алдын алу жөніндегі іс-шараларды әзірлеу және жүзеге асыру;
3) ана мен бала денсаулығын сақтау жөніндегі емдеу-алдын алу іс-шараларын жүргізу;
4) практикаға осы заманғы әдістерді және аурудың алдын алу, диагностикалау және емдеу құралдарын, амбулаториялық-емханалық мекемелердің алдыңғы қатарлы тәжірибелерін енгізу;
5) оған бағынатын фельдшерлік-акушерлік пункттердің қызметіне ұйымдастыру-әдістемелік басшылық және үйлестіру болып табылады.
30. Осы міндеттерге сәйкес амбулаторияға:
1) үйдегі науқастарды амбулаториялық қабылдауды жүргізу және көмек көрсету;
2) жіті ауру кезінде және бақытсыздыққа ұшыраған жағдайда (жарақаттар, уланулар және т.б.) және медициналық көрсеткіштерге сәйкес өзге де емдеу-алдын алу ұйымдарына науқастарды жіберуді қамтамасыз ету көрсеткіштері кезінде алғашқы медициналық көмек көрсету;
3) ерте анықталған ауруларды, науқастарды осы заманғы амбулаториялық тексеру мен емдеу, стационарлық емдеуге мұқтаж науқастарды анықтау және оларды ауруханаға жатқызу үшін дайындау;
4) науқастарды тексеру және емдеуде стационармен, жедел және кезек күттірмейтін медициналық көмекпен сабақтастықты қамтамасыз ету;
5) уақытша жарамсыздығын сараптау және еңбекке жарамсыздығы парағын беру жөніндегі жұмыс;
6) мүгедектік мәселесін шешу үшін белгіленген тәртіпте еңбекке жарамдылығын тұрақты жоғалтқан адамдарды Қазақстан Республикасы Еңбек және халықты әлеуметтік қорғау министрлігінің аумақтық органына жіберу;
7) диспансерлеуге жататын адамдарды (дені саулар мен науқастар) алдын алу медициналық тексеруді жүргізу, олардың денсаулық жағдайына динамикалық байқауды қамтамасыз ету, емдік-сауықтыру іс-шараларын жүргізу;
8) ауыл шаруашылығы жұмысшыларын ерекше медициналық көмекпен қамтамасыз ету және оларға жаппай дала жұмыстары кезеңінде медициналық көмекпен қамтамасыз ету жөніндегі іс-шараларды өткізу;
9) ана мен бала денсаулығын сақтау;
10) кешендік санитарлық-эпидемиологиялық іс-шараларды (алдын алу екпелерін және т.б.) жүргізу;
11) белгіленген тәртіппен санитарлық-эпидемияға қарсы станцияларды жұқпалы аурулар, паразиттік және кәсіби аурулар, халықтың улануы және анықталған санитарлық-гигиеналық талаптарды бұзушылық туралы хабарлау;
12) жұмыста практикалық көмек көрсету және бақылау үшін ФАП-ке бағынатын дәрігерлердің жоспарлы шығулары жүктеледі.
31. ОДА-ның құрамына:
1) тіркеу орны, медициналық статистика кабинеті;
2) дәрігерлік қабылдау: терапиялық, педиатриялық, хирургиялық, акушерлік-гинекологиялық, стоматологиялық, жұқпалы аурулар кабинеттері;
3) қосалқы-диагностика кабинеті, зертхана, тиісті жарақтандырылған рентген кабинеті;
4) күндізгі стационар;
5) әкімшілік-шаруашылық бөлімі;
6) ФАП, ФП, жеке үй-жайсыз медицина қызметкерлері;
7) күндізгі стационар кіруі мүмкін.
32. ОДА Қазақстан Республикасының Конституциясына , денсаулық сақтау саласындағы заңнамалық және нормативтік құқықтық актілерге, Жарғыға және осы ережеге сәйкес жұмыс істейді.
33. ОДА-ны медициналық аппаратпен, аспаптармен, қатты мүккәмалдармен және шаруашылық мүліктермен жарақтандыру бекітілген нормативке сәйкес белгіленген тәртіпте жүргізіледі.
34. Жеке ОДА заңды тұлға құқығын қолданады, дөңгелек мөрі және мөртаңбасы болады.
35. Амбулатория белгіленген тәртіпте өзінің жұмысы туралы жоспары мен есебін жасайды және ұсынады, есепке алу құжаттарын жүргізеді.
36. ОДА-ның қызметіне басшылықты денсаулық сақтау органы тағайындайтын және босататын бас дәрігері (аға дәрігер) жүзеге асырады.
Достарыңызбен бөлісу: |
