Кесте 2 – Оқу-танымдық іс-әрекетті белсендіру әдістері

5. рефлексивті, оқушының ізденіс жасауы, жоспарын құрып, саналы іс- әрекетке көшу;

6. теориялық, игерген білімі мен біліктері нәтижесінде танымдық тапсырмаларды орындау;

7. шығармашылық, оқушының өз бетімен мәселені қойып, оның орындалу жолдарын табу, жаңа нәтижеге жету.

Танымдық іс-әрекет күрделі процесс болғандықтан, мұғалім мен оқушының бірлесіп жасайтын тиімді, сапалы әрекетін керек етеді. Егер педагог оқыту жұмысын ұйымдастыруға, ғылыми білімді жүйелі түрде баяндауға, тыңдаушылардың белсенділігін арттыруға күш- жігерін жұмсайтын болса, оқушылар білімді терең мағынада қабылдап меңгеруге, ұғынуға, өздігінен ізденіп, білімін толықтыруға байланысты белсенді түрде іс-әрекет жасауға міндетті.

Оқушылардың дербестік қабілетін дамытуда проблемалық оқытуды ұйымдастырудың, проблемалық жағдайларды жасау мен шешудің, пән бойынша танымдық міндеттерді кеңінен пайдаланудың, оқу процесінде оқушылардың ғылыми ізденістерін ұйымдастырудың, оқып-үйрену барысында техникалық құралдарды, негіздік конспектілерді, тапқырлық ойындарын және т.б. кеңінен пайдаланудың маңызы ерекше зор. Демек, оқушылардың танымдық іс-әрекетін арнайы ұйымдастыру-оқу процесін жетілдірудің басты шарты ретінде қарастыруға болады.

Оқу процесіндегі мұғалімнің басшылық, бағыттаушылық ролі зор. Сондықтан мұғалімге да қояр талап үлкен. Мұғалім оқу-тәрбие жұмысының танымдық, білімдік міндеттерін нақты көрсетілген жоспарын құруды, оның дидактикалық мақсатын, ұйымдастыру технологиясын, көрнекіліктерді, түрлі құралдарды сабақтың тиімділігін арттыруға ықпалын тигізетіндей қолдана білуі керек (Р.С.Омарова).

Мектептерде оқушылардың оқу-танымдық жұмыстарының түрлі формаларын, әдіс-тәсілдерін тиімді пайдалану нәтижесінде оқушылардың іс-әрекетті ұйымдастыру процесі жүзеге асып, оқушылардың жеке тұлғалық мынадай қасиеттерінің дамуына түрткі болады:

1. 
   танымдық қасиеттері;
   
2. 
   шығармашылық, ізденімпаздық қасиеттері;
   
3. 
   ұйымдастырушылық қасиеттері.