Білім және ғылым министрінің 2020 жылғы «3» сентября
Білім және ғылым министрінің 2020 жылғы « » ____________ № _____ бұйрығына 2- қосымша
жүктеу/скачать 239,37 Kb.
|
Білім және ғылым министрінің2020 жылғы « » ____________ № _____ бұйрығына 2- қосымшаҚазақстан Республикасы Білім және ғылым министрінің 2020 жылғы «13» тамызда № 345 бұйрығына 3-қосымша Коронавирустық инфекцияның таралуына жол бермеуге байланысты шектеу шаралары кезеңінде техникалық және кәсіптік, орта білімнен кейінгі білім беру ұйымдарында оқу процесін ұйымдастыру жөніндегі әдістемелік ұсынымдар 1-тарау. Жалпы ережелер 1. Осы коронавирустық инфекцияның таралуына жол бермеуге байланысты шектеу шаралары кезеңінде техникалық және кәсіптік, орта білімнен кейінгі білім беру ұйымдарында (бұдан әрі – ТжКБ) оқу процесін ұйымдастыру бойынша әдістемелік ұсынымдар 2020-2021 оқу жылында білім беру процесін тиімді ұйымдастыру және ТжКБ ұйымдарының академиялық саясатын іске асыру мақсатында білім беру ұйымдарына көмек ретінде әзірленді. Әдістемелік ұсынымдарды меншік нысанына қарамастан барлық ТжКБ ұйымдары пайдаланады. 2. ТжКБ ұйымдары жергілікті атқарушы органдардың шешімі және тиісті аумақтардың бас мемлекеттік санитарлық дәрігерлерінің келісімі бойынша қашықтықтан, аралас, штаттық форматтарда жұмыс істейді. 3. Ауылдық елді мекендер мен шағын қалалардың ТжКБ ұйымдарында 15 студентке дейін топтарда толымдылықпен штаттық режимде оқытуға жол беріледі. Қазақстан Республикасы Ішкі істер министрлігінің Қылмыстық-атқару жүйесі комитеті жанындағы ТжКБ ұйымдарында және «Қазақстан Республикасы Қорғаныс министрлігінің Кадет корпусы» республикалық мемлекеттік мекемесінде оқыту тиісті уәкілетті органдардың шешімі және тиісті аумақтардың бас мемлекеттік санитариялық дәрігерлерінің келісімі бойынша жүзеге асырылады. 4. Жаңа оқу жылы COVID-19 белсенділігі жағдайында келесі бағыттар бойынша ұйымдастырушылық шараларды жүзеге асыруды қажет етеді: 1) оқу корпустары мен жатақханаларда санитарлық-эпидемиологиялық режимді (бұдан әрі – СЭР) қамтамасыз ету; 2) барлық қызметкерлер мен білім алушыларды СЭР қамтамасыз ету регламентімен таныстыру; 3) карантиндік жағдайларды ескере отырып, білім беру қызметін ұйымдастыру; 4) АКТ пайдалану арқылы жұмыс істеу дағдыларын меңгеру үшін педагогтардын біліктілігін арттыру; 5) әртүрлі білім беру платформаларында жеке білім беру контентін (онлайн курстар) әзірлеу; 6) сапаны қамтамасыз ету саясаты контексінде оқыту сапасының мониторингі; 7) аралық және қорытынды аттестаттауды жүргізу кезінде тұлғаны сәйкестендіру жүйесімен қамтамасыз ету. Осы ұсынымдардың мақсаты – карантин жағдайында қашықтықтан немесе аралас оқыту форматында білім беру процесін ұйымдастыруда әдістемелік көмек көрсету. 5. Осы ұсыныстар келесі міндеттерді шешуге бағытталған: 1) қашықтықтан оқыту форматында білім беру процесін ұйымдастыру және оның сапасын қамтамасыз ету; 2) оқу корпустарында, жатақханаларда және ТжКБ ұйымдарының аумағында санитариялық-эпидемиологиялық режимді қамтамасыз ету; 3) технологияларды/оқыту әдістерін қолдану бойынша ұсыныстар беру; 4) кәсіптік практиканың барлық түрлерін және теориялық оқытуды ықпалдастыру; 5) интернет платформаларында өз курстарын әзірлеу; 6) аралық және қорытынды аттестаттауды қашықтық форматта өткізу кезінде тұлғаны сәйкестендіру жүйесімен қамтамасыз ету. жүктеу/скачать 239,37 Kb. Достарыңызбен бөлісу:
|