Білім және ғылым министрінің
жүктеу/скачать 53,99 Kb.
|
Негізгі орта білім беру деңгейінің 5-9-сыныптары үшін "Қазақ тілі" пәнінен типтік оқу бағдарламасы (оқыту қазақ тілінде) 1. Түсінік хат 1. Оқу бағдарламасы Қазақстан Республикасы Үкіметінің 2012 жылғы 23 тамыздағы № 1080 Қаулысымен бекітілген Орта білім берудің (бастауыш, негізгі орта, жалпы орта білім беру) мемлекеттік жалпыға міндетті стандартына сәйкес әзірленді. 2. Бағдарлама негізгі орта мектеп оқушысына тілді қатынас және таным құралы ретінде оқытуды, сөз, сөз тіркесі, сөйлемнің мәтін түзімдік қызметін танытуды, тілдік бірліктердің табиғатына сай мәтін құратуды, мәтін құраудағы заңдылықтарды үйретуді, тілдік жағдаяттарда ауызша және жазбаша сөйлеудің нормаларын меңгертуді, әсерлі сөйлеудің лексика-грамматикалық тәсілдерін игертуді көздейді. 3. Білім мазмұны оқушылардың танымдық қабілетін арттыратын, сыни ойлау қабілеті мен шығармашылық әлеуетін дамытатын, әлеуметтік-тұлғалық құзыреттілігін қалыптастыруға мүмкіндік беретін мәтіндер бойынша түзілді. 4. Қазақ тілін қатысымдық-танымдық тұрғыдан оқыту тілдің өз өміріндегі және қоғамдағы рөлін саналы түрде түсінуге, тілдің табиғатын халықтық таным тұрғысынан пайымдауға үйретеді, тілдесім әрекетінде іске асырылатын тілдік бірліктердің табиғи және функционалдық қасиеттерін тануға, оның ішкі мағыналық иірімдерін түсініп қолдануға мүмкіндік туғызады. 5. Сөз бен сөйлемді, мәтінді әрі тілдік, әрі қатысымдық бірлік ретінде оқыту тілдің мәдени-танымдық, қатысымдық, әлеуметтік, кумулятивтік қызметтерін меңгеруіне жол ашады. 6. Пәнді оқыту мақсаты: оқушылардың ұлттық дүниетанымын кеңейтетін, шығармашылық ойлауға төселдіретін, айналадағы адамдармен дұрыс қарым-қатынас жасауды үйрететін, оны тұлға ретінде әлеуметтендіруге мүмкіндік беретін қазақ тілінің танымдық, қатысымдық және кумулятивтік қызметтерін меңгерту. 7. Пәнді оқыту міндеттері: 1) тілдің қоғамдық-әлеуметтік мәнін түсіндіру; 2) тілдің танымдық, қатысымдық, кумулятивтік қызметтерін таныту; 3) тілдік бірліктердің түрлі деңгейлердегі сипатын меңгерту; 4) тілдің мәтін ішіндегі қолданысын игерту; 5) мәтіннің тілдік және танымдық қызметтерін меңгерту; 6) тілдік бірліктердің қолданыстағы мағыналық реңктерін ажырату; 7) тілдік бірліктердің ақпараттық мәнін ұғындыру; 8) дыбыстың, сөздің, сөйлемнің, мәтіннің қолдану барысындағы табиғатын түсіндіру; 9) оқушылардың логикалық ойлау қабілетін қалыптастыру; 10) оқушылардың тілдік сауаттылығын арттыру; 11) әдеби тіл нормаларын меңгерту; 12) тілдік жағдаяттарда қарым-қатынас жасаудың амал-тәсілдерін үйрету; 13) оқушылардың тілдік бірліктерді жұмсаудағы эстетикалық талғамдарын қалыптастыру; 14) шығармашылық ізденіс бағытындағы жұмыс түрлеріне төселдіру; 15) мәтін табиғатына талдау жасай білу. 8. Пәнаралық байланыс оқушының дүниетанымын молайтып, қазақ тілін басқа ғылым негіздерімен ұштастыра меңгеруіне жол ашады. Жалпы білім беретін мектептің негізгі орта деңгейінде "Қазақ тілі" пәнін төменде көрсетілген пәндермен байланыстыру көзделеді: 1) "Қазақ әдебиетімен": қазақ тілі қазақ әдебиетімен тығыз байланысты. Тіл – әдебиеттің бірінші элементі. Қазақ тілін оқытып үйретуде кез келген көркем туынды, әдеби шығарма тіл үшін құнды материал болып саналады; көркем шығармаларды оқу барысында стиль түрлерінің авторлық қолданысын ажырата білу. Әдеби шығармалар арқылы оқушының көңіл күйін, сезімін ояту, көркемдік тәрбие беру. Әдеби шығармаларды талдау арқылы сөз мәдениетіне үйрету; 2) "Қазақстан тарихымен": тілді тарихпен байланыстыра оқыту ұлттық дүниетанымға негізделген білім қорын тілдік деректер арқылы дәйектеуге мүмкіндік береді. Қазақ тілінің пайда болуы, дамып жетілуі оның тарихымен тығыз байланыста болғандықтан, оқушылар тарихи деректерді пайдаланып, өзіндік ой-тұжырымдар жасай біледі; 3) Жаратылыстану циклі пәндерімен: тілдік материалдардың мазмұны жаратылыстану пәндерінің мазмұнымен тікелей байланыста болады. Бұл пәндермен, әсіресе, биологиямен байланыстыру тілді жанды құбылыс ретінде тануға мүмкіндік береді. Басқа пәндермен сабақтастыра оқыту қазақ тілінің терминдер жүйесімен тығыз байланысты; тіл дыбыстары физикалық құбылыс ретінде танылады. Дыбыстау мүшелерінің қатысы тұрғысынан физиологиямен, компьютермен, қазіргі радио, теледидар тілімен де байланысты; танымдық бағытта берілетін материалдар жаратылыстану пәндерінің мазмұнымен тікелей байланыста болғандықтан, оқушылардың дүниетанымын қалыптастырады. 9. Оқу жүктемесінің көлемі: 1) 5-сынып – аптасына 3 сағат, оқу жылында – 102 сағат; 2) 6-сынып – аптасына 3 сағат, оқу жылында – 102 сағат; 3) 7-сынып – аптасына 3 сағат, оқу жылында – 102 сағат; 4) 8-сынып – аптасына 3 сағат, оқу жылында – 102 сағат; 5) 9-сынып – аптасына 1 сағат, оқу жылында – 34 сағат. 2. Оқу пәнінің 5-сыныптағы базалық білім мазмұны 10. Пәнді оқытуға аптасына 3 сағаттан, барлығы 102 сағат берілген. 11. Оқу пәнінің базалық білім мазмұны төмендегідей тақырыптарды қамтиды: 12. "Кіріспе": Ана тілінің қызметі (1 сағат). 13. "Әдеби тіл және мәтін" (8 сағат): 1) қазақ тілінде "әдеби" сөзі "әдебиет" деген сөздің негізінде жасалып, қалыптасқандығы. Әдеби тілдің сөйлеу тілінен жоғары тұрған көркем тіл екендігі, халықтың бәріне бірдей ортақ әрі бәріне бірдей түсінікті болып келетіндігі. Әдеби тіл екі түрлі формада өмір сүреді, олар: ауызша және жазбаша тіл; 2) "Мәтін". Мәтіннің "байланысу, бірігу" деген мағынаны білдіруі. Мәтіндер бойынша жазба әдеби тіл мен ауызша әдеби тілдің ерекшеліктерін аңғарту. Мәтіннің түрлері. Ауызекі сөйлеуге қатысты мәтіндер, ондағы тақырыптық ерекшеліктер. Оның берілу формалары, сөйлем құрау жүйесі. Мәтіннің құрылысы; 3) "Жазбаша мәтіндер". Тақырыбы, негізгі идеясы. Ойдың берілу тәсілдері: әңгімелеу, баяндау, сипаттау, талқылау, мінездеу және т.б. Мәтіннің құрылысы. Абзац. Сөйлем. Сөйлемдердің байланысы. Әр абзацтағы, әр сөйлемдегі тірек сөздер. 14. "Лексика" (48 сағат). 1) "Сөз және оның мағынасы" (28 сағат): 2) сөз мағыналары мен тіл байлығы – лексиканың қарастыратын мәселелері. Дыбысталу – сөздің сыртқы қабығы, мағына – сөздің ішкі мазмұны болатындығы. Сөздің негізі мағынасы – лексикалық мағына. Сөздің бір мағыналы және көп мағыналы болатындығы. Сөздің негізгі қызметі – атау, яғни зат, құбылыс, әрекетті, олардың белгілерін атап білдіруі. Сөздің қосымша мағынасы – грамматикалық мағына. Сөздің грамматикалық мағынасының сөйлемдегі сөздердің өзара қатынасынан туындайтындығы; 2) "Сөздің тура және ауыспалы мағынасы". Сөздің атауыш мағынасы тура мағына деп аталатындығы. Сөздің тура мағыналары толық мағыналы дербес сөздердің бәріне де қатысты болатындығы. Бірнеше лексикалық мағынасы бар сөздердің алғашқы, бастапқы мағыналары тура мағыналары болса, кейінгі мағыналары ауыспалы мағыналары болып табылатындығы; 3) "Ауыспалы мағына" деген ұғымның екі түрлі ұғынылатындығы: жүре келе пайда болған кейінгі атауыш мағынаны да білдіретіндігі және сөздің көркемдеп қолданудан сөйлеу үстінде туатын "жаңа" мағынасын да білдіретіндігі; 4) "Сөздің ауыспалы мағынасы". Сөздің ауыспалы мағынасыда қолданылуы көп мағыналы сөздердің тууына себепші болатындығы; 5) "Көп мағыналық". Тіліміздегі байырғы сөздер жаңа мағыналар жасауға ұйтқы болатындығы. Олар бұрынғы тура мағынаның үстіне жаңадан бір не бірнеше қосымша, яғни туынды мағыналарға ие екендігі. Көп мағыналы сөздердің екі я одан да көп мағынасы болатындығы. Бұлардың бір сөз табына қатысты екендігі. Көп мағыналы сөздердің бір негізден шығатындығы; 6) "Сөздердің мағыналық топтары. Омонимдер". Омоним сөздердің анықтамасы. Омоним сөздердің көп мағыналы сөздермен ұқсастығы және айырмашылығы. Омонимдердің бір сөз табынан да, әртүрлі сөз табынан да болатындығы. Омонимдер сөздігі; 7) "Синонимдер". Синонимдердің анықтамасы. Синонимдердің тіл байлығы мен сөз оралымдылығының көрсеткіші екендігі. Синонимдік қатар, ондағы сөздердің мағыналық, реңктік ерекшеліктері, оларды мақсатқа сай талғап, саралап қолданудың мәні. Синонимдік қатарлардың әр сөз табының құрамында кездесуі. Синонимдер мәтінде бірін-бірі алмастырған жағдайда бір ғана сөйлем мүшесі қызметін атқаратындығы. Синонимдік қатарға енетін сөздердің бәрі бірдей бірінің орнына бірі жұмсала бермейтіндігі. Кейбіреуінің басқа сөздермен тіркесу қабілеті шектеулі болатындығы. Синонимдердің мағыналық айырмашылығын ажыратудың жолдары. Синоним сөздердің бір ғана сөз табына қатыстылығы. Синонимдер сөздігі; 8) "Антонимдер". Антонимдердің жұпталған қарсы мәндес сөздерден тұратындығы. Антонимдердің ойды әсерлі, бейнелі түрде жеткізудің оңтайлы құралы екендігі. Мақал-мәтелдердің, жұмбақтардың құрамында антоним сөздердің жарыса қолданылуы. Антонимдердің ойды анықтап, көркемдеп, әсерлі жеткізудегі мәні. Антонимдер сөздігі; 9) "Табу". Халықтың наным-сенімі мен салт-дәстүріне байланысты кейбір зат-құбылыстардың атауын тура айтуға тыйым салынған сөздер екендігі. Қазақ тіліндегі табу сөздердің туу себептері; 10) "Эвфемизмдер мен дисфемизмдер". Эвфемизмдер ойды бейнелеп, көркемдеп жеткізудің тәсілі екендігі. Эвфемизмнің табу сөздерден айырмашылығы, қолданылу жағдайлары. Дисфемизмнің анықтамасы, оның эвфемизмге қарама-қарсы құбылыс екендігі. Қолданылу жағдайлары, әдеби тілге жатпайтындығы. Дисфемизмдердің көркем шығармада ұнамсыз кейіпкерлердің тілінде ұшырасуы; 11) "Фразеологизмдер (тұрақты тіркестер)". Тұрақты тіркестердің өзіндік ерекшеліктері: екі не одан да көп сөздерден құралатындығы, бір ғана мағына білдіруі, құрамындағы сөздердің орын тәртібінің тұрақты болуы, даяр қалпында жұмсалып, сөйлемнің бір ғана мүшесі қызметін атқаратындығы. Фразеологизмдердің ойды әсерлі берудегі мәні. Тұрақты тіркестердің синонимдік баламалары болатындығы. Тұрақты тіркестердің ойды көркемдеп, әсерлі жеткізудің құралы екендігі. Фразеологизмдердің емлесі. Фразеологиялық сөздік; 12) "Мақал-мәтелдер". Мақал-мәтелдердің халықтық рухани қазына екендігі, тіл байлығының көрсеткіші болатындығы. Мақал-мәтелдердің тақырыптық жағынан алуан түрлі болып келетіндігі және олардың қолданыстағы ерекшеліктері. Мақал мен мәтелдердің өзара ұқсастығы мен өзгешелігі. Мақал-мәтелдердің тағылымдық, тәрбиелік мәні. Мақалдардың құрылысына қарай сөйлемге ұқсастығы. Мәтелдің ишара, меңзеу тұрғысында қолданылатындығы. Мәтелдердің фразеологизмдермен ұқсастығы. 15. "Тілдің сөздік құрамы" (20 сағат): 1) "Сөздік қор және сөздік құрам". Тілдің сөз байлығын құрайтын сөздік қор және сөздік құрам жөнінде түсінік. Сөздік құрамның қоғаммен бірге дамып, өзгеріп отыратындығы. Қазақ тілінің сөздік құрамы байырғы сөздер, кірме сөздер, жаңа сөздер, термин сөздер, ауызекі тілге тән қарапайым сөздер және диалектизмдер мен кәсіби сөздерден тұратындығы. Сөздік құрамдағы сөздер қолданылу жиілігіне қарай актив (жиі қолданылатын сөздер) және пассив (сирек қолданылатын сөздер) болып бөлінетіндігі; 2) "Қазақтың байырғы төл сөздері және басқа тілден енген сөздер". Тілдің негізгі сөздік қорын байырғы сөздер құрайтындығы, оның тіл дамуының қайнар көзі екендігі; 3) "Басқа тілден енген сөздердің тілге сіңісу жолдары (сол қалпында және дыбыстық өзгеріске ұшырап енуі)". Олардың сөздік құрамнан алатын орны. Басқа тілден енген сөздердің емлесі, орфоэпиялық нормасы; 4) "Көнерген сөздер мен жаңа сөздер". Көнерген сөздердің тарихи сөздер және архаизмдер болып бөлінетіндігі. Тарихи сөздердің қоғамдық-әлеуметтік атауларға, ал архаизмдердің халықтық салт-дәстүр, әдет-ғұрыптық атауларға қатыстылығы. Қазіргі қазақ тіліндегі кейбір көнерген сөздердің "жаңғыру" үрдісі, этнолингвистикалық атаулардың қайта жандануы; 5) "Жаңа сөздердің жасалуы". Жаңа сөздердің тууының себептері. Қоғамның дамуымен бірге енген жаңа ұғымдарға сай жаңа сөздердің пайда болуы. Тілдің қолданыс аясының кеңеюіне байланысты тілімізде бұрыннан қалыптасқан кірме сөздердің орнына жаңа аталымдардың қолданылуы. Жаңа сөздердің ең әуелі баспасөз, ақпарат құралдары арқылы таралып, тілге сіңісетіндігі, бірте-бірте жалпылама лексикаға ауысатыны. Жаңа сөздердің емлесі; 6) "Сөздердің қолданылу өрісіне байланысты түрлері". Жалпылама лексика. Жалпылама лексикаға жататын сөздердің жалпы халыққа түсініктілігімен, анықтығымен, қарапайымдылығымен ерекшеленетіндігі. Жалпы халықтық лексикаға қолданылу жағынан шек қойылмайтындығы, барлық стильге бірдей ортақ қызмет атқаратындығы. Жалпылама лексика әдеби тілдің негізгі қоры болып табылатындығы; 7) "Диалект сөздер". Диалект сөздердің өзіндік белгілері. Диалектінің аймақтық ерекшеліктермен байланысы. Диалект сөздердің тіл мәдениетіне қатысы. Диалект сөздердің қолданылу өрісі. Диалект сөздердің әдеби тілде баламаларының болуы. Диалект сөздердің әдеби тілге еніп, жалпыхалықтық сипат алатындығы. Диалектологиялық сөздік; 8) "Кәсіби сөздер және терминдер". Кәсіби сөздердің өзіндік белгілері: белгілі бір кәсіпке байланысты қолданылатындығы, сол кәсіппен айналысатындарға ғана түсініктілігі. Кәсіби сөздердің екі үлкен салаға бөлінетіндігі: қолөнер кәсібіне, ауыл шаруашылығына байланыстылығы. Кәсіби сөздердің термин сөздерге ұқсастығы. Диалект сөздерден айырмашылығы; 9) "Термин сөздердің ғылым, техника саласымен байланыстылығы". Терминнің қолдану аясының тарлығы, бір ғана ұғымды білдіретіндігі. Терминдердің жасалу жолдары. Басқа тілден қазақ тіліне аударылған терминдердің төл терминдер деп аталатындығы. Басқа тілден өзгертілмей, сол қалпында алынған терминдердің интернационалдық терминдер деп аталатындығы. Терминдер сөздігі. 16. "Фонетика" (28 сағат): 1) "Фонетика". Фонетиканың қарастыратын мәселелері. Тіл дыбыстары туралы жалпы ұғым. Тіл дыбыстарының сөз мағынасымен арақатынасы. Тіл дыбыстарының жасалу жолдары; 2) "Қазақ әліпбиі". Қазақ әліпбиінің құрамы және әріптер ретін білудің мәні. Әліпбидегі әріптер атауының тілдік жүйеге сәйкес аталу ерекшелігі (әріп атауы – ты, сы, ый, ұу, ыл және т.б.); 3) "Дауысты дыбыстар". Дауысты дыбыстардың өзіндік белгілері: үннен тұратындығы, созылып айтылатындығы, буын құрайтындығы. Орфоэпиясы бойынша бір сөздің ішінде дауысты дыбыстардың қатар тұра алмайтындығы; 4) "Дауысты дыбыстардың жіктелуі". Дауысты дыбыстардың сөйлеу мүшелерінің қатысына қарай жіктелуі: а) тіл қатынасына қарай: жуан, жіңішке; ә) ерін қатынасы қарай: еріндік, езулік; б) жақ қатынасы қарай: ашық, қысаң болып бөлінетіндігі. Қазақтың төл сөздеріндегі дауысты дыбыстардың негізінен не бірыңғай жуан, не бірыңғай жіңішке болатындығы. Дауысты дыбыстардың емлесі. Ашық дауысты дыбыстардың жазылуы. Қысаң дауысты дыбыстардың жазылуы. Еріндік және езулік дауысты дыбыстардың жазылуы; 5) "Дауыссыз дыбыстар". Дауыссыз дыбыстардың өзіндік белгілері: үн мен салдырдан тұратындығы, созуға келмейтіндігі, дербес тұрып буын құрай алмайтындығы. Оларды тек дауысты дыбыстарды селбестіріп немесе тіркестіріп барып қана дыбыстауға болатындығы. Дауыссыз дыбыстардағы үн мен салдыр мөлшерінің қатынасына қарай жіктелуі: а) қатаң дауыссыз дыбыстар (тек салдырдан тұратыны); ә) ұяң дауыссыз дыбыстар (салдыр басым, үн аз қатысатыны); б) үнді дауыссыз дыбыстар (үн басым, салдыр аз қатысатыны); 6) "Дауыссыз дыбыстардың емлесі". Қазақтың төл сөздеріндегі дауыссыз дыбыстардың қолданысы, сөздің басы мен соңында қолданылу ерекшеліктері; 7) "Басқа тілден енген сөздердің жазылуы". б, в, г, д әріптерінің емлесі; қосарлы дауыссыз дыбыстарға аяқталған сөздердің емлесі; 8) "Үндестік заңы". Буын және дыбыс үндестігінің мәні. Сингармонизм заңының қазақ тілінің халықтық сипатын танытатындығы. Қазақ сөздерінде буын үндестігінің сақталуы тілдік заңдылық екендігі. Сөз құрамындағы дауысты дыбыстардың бірыңғай жуан не жіңішке болып келетіндігі (мысалы: балалар (балалер емес); үйлер (үйлар емес). Еріндік, езулік дауыстылар арасындағы үндестік: о-ы, ө-і, ұ-ы, ү-і әріптерінің емлесі. Тіл және ерін үндестігінің орфоэпиялық нормаларды сақтаудағы маңызы; 9) басқа тілден енген сөздердің құрамындағы дауысты дыбыстардың аралас келе беретіндігі, буын үндестігінің сақталмайтындығы. Кейбір кірме сөздердің айтылуы бойынша буын үндестігіне бағынатындығы; 10) буын үндестігіне бағынбайтын қосымшалар, олардың емлесі; 11) "Дыбыс үндестігі". Дыбыс үндестігі – қазақ тілінің тұрақты сипаты. Сөз қолданысындағы дауыссыз дыбыстардың өзара үндесетіндігі, дауысты дыбыстардың дауыссыз дыбыстарға әсер ететіндігі; 12) "Ілгерінді ықпал". Оның ерекшелігі, қолданылатын орындары; 13) "Кейінді ықпал". Оның ерекшелігі, қолданылатын орындары; 14) "Тоғыспалы ықпал". Оның ерекшелігі, қолданылатын орындары; 15) сөз құрамындағы, сөз тіркестеріндегі дыбыстардың үндестігін сақтап айтудың тіл мәдениетімен байланысы; 16) "Орфоэпия және орфография". Сөйлем құрамындағы сөздерді, сөз тіркестерін, мағыналы бөлшектерін дұрыс айту мен дұрыс жазудың нормалары. Олардың тіл мәдениетіне қатысы, қолданылатын орындары. Орфоэпиялық және орфографиялық нормалардың арнаулы сөздіктерде берілуі. Оларды пайдалану тетіктері; 17) "Буын". Буынның анықтамасы. Буынның түрлері: ашық буын, тұйық буын, бітеу буын; 18) "Тасымал". Сөздерді тасымалдау тәсілдері. Қазақ тілінде сөздер айтылуы бойынша буынға бөлінетіндігі, ал жазылуы бойынша тасымалданатындығы; 19) "Екпін". Қазақ тіліндегі екпіннің тиянақтылығы. Екпіннің түрлері: сөз екпіні, тіркес екпіні, логикалық екпін және олардың қолданылатын орындары; 20) "Сөйлеу тіліндегі интонация, кідіріс, логикалық екпіннің мәні". Олардың тілдік этикетпен байланысты болатындығы. Сөйлемдегі ойдың дұрыс берілуіндегі интонация мен дауыс кідірісінің, екпіннің атқаратын рөлі, сөйлеу мақсатымен бірлігі; 21) "Интонация және оның құрамдас бөліктері". Сөйлеу ағымындағы әуен, әуез, тембрі, қарқын, кідіріс. Сөйлеу мәнері. 17. "Сөзжасам" (10 сағат): 1) Сөздің жасалуы туралы: сөздердің түрлі жолдармен жасалатындығы. Жұрнақ арқылы, мағыналарының өзгеруі, тіркесуі арқылы жасалуы; 2) "Сөздердің лексикалық тәсіл арқылы жасалуы". Сөздердің морфологиялық тәсіл арқылы жасалуы. Сөздердің синтаксистік тәсіл арқылы жасалуы; 3) қазақ тіліндегі негізгі сөздер түбір сөз және туынды сөз болып бөлінетіндігі; 4) түбір күйінде тұрып жаңа лексикалық мағынаға ие болған сөздер. Олардың көп мағыналық пен омонимге қатыстылығы; 5) "Туынды сөздер". Жұрнақтар арқылы жасалған туынды сөздер. Туынды сөздер заттың атын, сынын, қимыл-қозғалысын білдіретін сөздер табына қатыстылығы; 6) "Бірігу арқылы жасалған жаңа сөздер. Түбірлердің қосарлануы арқылы жасалған жаңа сөздер. Түбірлердің тіркесуі арқылы жасалған жаңа сөздер". Бірігу, қосарлану, тіркесу жолымен жасалған сөздердің де туынды сөздердің қатарына жататындығы: мағыналық тұтастығы, сұрақтары, қолданылуы. 18. "Тіл мәдениеті" (7 сағат): 1) тіл мәдениеті екі үлкен саланы - ауызша сөйлеу мәдениеті мен жазба тіл мәдениетін қамтитындығы, осы екі бағытқа дағдыландыратын жұмыстар жүргізу; 2) ауызекі сөйлеу тілінің ерекшеліктерін мұғалімнің және оқушылардың өзара сөйлесуіне көңіл бөлгізіп талдату. Ауызша сөйлеу және ауызекі сөйлеу тілі болып бөлінетіндігіне мысал келтіру. Сөз сазы заңдылықтарының қолданылатын орындарын меңгерту. Оқушылардың айналасындағы адамдардың, үй-ішінің ауызекі сөйлеуіндегі қателерді тапқызып, әдеби тілде сөйлеудің үлгісін келтіру. Ауызекі сөйлеу тілі мен әдеби тілдің аражігін ажырата білу дағдыларын қалыптастыру. Ауызша сөйлеу мәдениеті орфоэпия қағидаларын сақтап, мәнерлеп сөйлеумен де байланысты екендігін түсіндіру мақсатында ауыз әдебиеті үлгілерін, шешендік сөздерді әуезді, мәнерлі, құлаққа жағымды етіп айтқызу. Әсіресе, дыбыстарды сындырып айтуға төселдіру. Үнтаспадан немесе арнайы дискілерден, электронды тасымалдағыштардан әртістер мен дикторлардың көркем оқыған үзінділерін тыңдатқызып, салыстыра талдау жасату; 3) сөз қолдану мәдениеті, ең алдымен, сөздің емле ережесіне сай жазылуымен байланысты екендігіне бағытталған жазба жұмыстарын жүргізу; 4) жазба жұмыстарында терминдердің, аң-құс, жан-жануар, өсімдік атауларының, шаруашылық, тұрмыс, мәдениет, өнер салаларына қатысты құрал-жабдық, ұғым атауларының, мамандық, кәсіп атауларының бірде бөлек, бірде бірге жазылуына көңіл бөлгізу; 5) жыл бойы өткен тілдік тақырыптар мен пайдаланған оқу материалдары бойынша әртүрлі топқа жататын сөздердің мағыналық реңктерін ескеріп, әңгімелеу, баяндау, сипаттау, мінездеу, талқылау бағытында мәтіндер құрату. Балалардың жас ерекшелігі, қызығушылығы мен қабілетіне сәйкес мынадай тақырыптар ұсынылады: отбасы, сынып, дос-жаран, табиғат, ауыл, қала тұрмысы, өнер, тұрмыс-салт, әдет-ғұрып және т.б. 3. Оқу пәнінің 6-сыныптағы базалық білім мазмұны 19. Пәнді оқытуға аптасына 3 сағаттан, барлығы 102 сағат бөлінген. 20. Базалық білім мазмұны төмендегідей тақырыптарды қамтиды: 21. "Әдеби тіл және мәтін" (10 сағат): 1) "Қазақ тілінің әдеби тіл ретіндегі қызметі"; 2) "Әдеби тіл нормалары". Орфографиялық, орфоэпиялық нормалар. Әдеби тілдің ауызша және жазбаша түрлерінде тіл нормаларын сақтаудың маңызы; 3) "Мәтін". Ауызша әдеби тілге қатысты мәтіндердің үлгілері. Жазба әдеби тілдік мәтіндер: түрлері, тақырыптары, идеясы, мазмұны, ой бөліктері, стильдік сипаты. Мәтіндерге тілдік талдау. Мәтіннің түрлерінде әдеби тіл нормаларының сақталу қалпы. Орфографиялық нормадан ауытқу амалдары; 4) орфоэпиялық нормалардың қолданылатын орындары. Ән, өлең және жыр шумақтарындағы, шешендік сөздер мен көркем образдар тіліндегі орфоэпиялық нормаларды іске асырудың жолдары. 22. "Сөз құрамы" (10 сағат): 1) "Түбір мен қосымша. Сөз тұлғасы". Дара және күрделі сөздер. Күрделі сөздердің түрлері. Біріккен сөздер мен кіріккен сөздер: анықтамасы, жасалу жолдары. Негізгі түбір және туынды түбір. Бірігетін сөз таптары және олардың жазылуы, емлесі. Қос сөздердің қайталама қос сөздер және қосарлама қос сөздер болып бөлінуі. Олардың анықтамасы, жасалу жолдары. Қосарланатын сөз таптары және олардың жазылу емлесі. Күрделі сөздер мен сөз тіркестерінің ұқсастығы мен айырмашылығы. Тіркес сөздер: анықтамасы, мағыналық тұтастығы, жасалу жолдары; 2) тіркесіп күрделі сөз болатын сөз таптары және олардың жазылу емлесі. Қысқарған сөздер: анықтамасы, жасалу жолдары. Қысқарған сөз болатын сөз таптары және олардың жазылуы емлесі; 3) көне түркі ескерткіштеріндегі сөзжасам тәсілдері. 23. "Морфология" (72 сағат): 1) "Сөздің топтары" (2 сағат). Қазақ тіліндегі сөздердің мағынасы жағынан және тілдегі қызметі жағынан негізгі (атауыш) сөздер, көмекші сөздер, одағай сөздер болып үшке бөлінетіндігі; 2) Атауыш сөздер. Анықтамасы, негізгі белгілері. Көмекші сөздер, анықтамасы, негізгі белгілері. Одағай сөздер, анықтамасы, негізгі белгілері; 3) "Сөз таптары. Зат есім" (68 сағат). Зат есімдердің түрлері. Дара және күрделі зат есімдер. Зат есімнің сұрақтары, зат есім болатын сөздердің мағыналары. Деректі және дерексіз зат есімдер. Дара және жинақтау зат есімдер. Зат есімдер атаулық жағынан жинақтау зат есім, дара зат есім болатындығы, олардың өзіндік белгілері. Жалқы және жалпы есім. Зат есімдер мағынасы мен атаулық жағынан жалқы есім және жалпы есім болып жіктелетіндігі. Жалқы есім болатын атаулар. Жалпы есімге дара зат есімдер мен жинақтау зат есімдердің жататындығы; 4) "Сын есім". Дара және күрделі сын есімдер. Сын есімнің сұраулары; 5) "Сапалық сын есімдер". Сапалық сын есім жасайтын сындық сапалық қасиеттер (түсі, дәмі, көркі, көлемі және т.б.). Олардың негізінен түбір сын есім болатындығы; 6) "Қатыстық сын есімдер". Қатыстық сын есімдердің басқа сөз таптарының қатысуымен жұрнақтар арқылы жасалуы; 7) сын есімдердің зат есімдермен байланысында заттың сапасын көрсететіндігі. Етістікпен байланысқанда іс-әрекеттің өту сипатын көрсететіндігі; 8) сөйлемдегі сын есімдердің түрлеріне талдау жасатып жұрнақтардың беретін мағыналары мен қызметтерін үйрету; 9) "Сан есім". Сан есім заттың санын, мөлшерін, бөлшегін білдіретін сөз табы екендігі. Сан есімнің сұрақтары. Дара және күрделі сан есімдер. Сан есімнің зат есіммен байланыстылығы; 10) "Сан есімнің түрлері"; 11) "Есептік сан есім". Дара есептік сан есімдер. Күрделі есептік сан есімдер. Есептік сан есімдердің қолданылатын орындары; 12) "Реттік сан есімдер". Реттік сан есімдердің жасалу жолдары. Реттік сан есімдердің қолданылатын орындары, жазылу емлесі; 13) "Жинақтық сан есімдер". Олардың жасалу жолдары. Жинақтық сан есімдердің қолданылатын орындары; 14) "Топтық сан есімдер". Олардың жасалу жолдары. Топтық сан есімдердің қолданылатын орындары, емлесі; 15) "Болжалдық сан есімдер". Болжалдық сан есімдердің жұрнақ арқылы жасалуы. Болжалдық сан есімдердің қосарланып, тіркесіп жасалуы. Болжалдық сан есімдердің қолданылатын орындары, жазылу емлесі; 16) "Бөлшектік сан есімдер". Олардың жасалу жолдары. Бөлшектік сан есімдердің қолданылатын орындары; 17) "Сан есімнің емлесі"; 18) "Есімдік". Сөз табының есімдік деп аталу себебі. Есімдіктің зат, сын, сан есімдердің орнына жүретіндігі, қай сөз табының орнына жүрсе, сол сөз табының сұрағына жауап беретіндігі. Есімдіктердің кейде орынбасар сөздер аталуы; 19) "Есімдіктің түрлері"; 20) "Жіктеу есімдіктері". Олардың қолданылатын орындары, сұрақтары; 21) "Сілтеу есімдіктері". Олардың мағыналық ерекшеліктері, қолданылатын орындары, сұрақтары; 22) "Сұрау есімдіктері". Олардың қолданылатын орындары; 23) "Өздік есімдіктері". Олардың қолданылатын орындары, сұрақтары; 24) "Жалпылау есімдіктері". Олардың қолданылатын орындары, сұрақтары. Жалпылау есімдігінің сызықшамен жазылуы; 25) "Белгісіздік есімдіктері". Олардың қолданылатын орындары, сұрақтары. Белгісіздік есімдіктерінің жазылу емлесі; 26) "Болымсыздық есімдіктер". Олардың қолданылатын орындары, сұрақтары.Болымсыз есімдіктердің жазылу емлесі; 27) "Көне түркі ескерткіштеріндегі есімдіктер"; 28) "Есімдіктердің емлесі"; 29) "Етістік". Заттың қимылын, амалын, жай-күйін білдіретін сөздер етістік деп аталатындығы. Етістіктің тұлғасына қарай негізгі, туынды етістік болып бөлінетіндігі. Көмекші етістік. Етістіктің сұраулары. Дара және күрделі етістіктер, олардың мағыналық бірлігі, жасалу жолдары; 30) "Болымды және болымсыз етістіктер". Болымсыз етістіктердің жасалу жолдары. Болымды және болымсыз етістіктердің мағыналық айырмашылығы; 31) "Салт және сабақты етістіктер". Олардың субъекті мен объектіге қарым-қатынасы; 32) "Етістіктің түрлері"; 33) "Етістер". Етістердің етістіктің өзге түрлерінен ерекшелейтін сипаттары. Етістердің субъекті мен объектінің амалға қатысын, керісінше, амалдың субъекті мен объектіге қатысын білдіретін грамматикалық сипаты. Етіс жұрнақтарының мағыналары мен қызметіне қарай бірнеше түрге бөлінетіндігі; 34) "Ортақ етіс, жұрнақтары". Ортақ етіс жұрнақтарының беретін грамматикалық мағынасы мен қызметі; 35) "Өзгелік етіс, жұрнақтары". Өзгелік етіс жұрнақтарының беретін мағынасы мен қызметі; 36) "Ырықсыз етіс, жұрнақтары". Ырықсыз етіс жұрнақтарының беретін мағынасы мен қызметі; 37) "Өздік етіс, жұрнақтары". Өздік етіс жұрнақтарының беретін мағынасы мен қызметі; 38) "Есімше". Есімшелердің етістіктен қосымшалар арқылы жасалатындығы. Есімшенің етістікке де, сын есімге де қатыстылығы (ұқсастығы) жайында мағлұмат беру. Есімшенің түрлері, олардың беретін мағыналары. Есімшенің жасалуы; 39) "Көсемше". Көсемше етістіктің ерекше түрі екендігі. Көсемшенің жасалу жолдары; 40) "Тұйық етістік". Тұйық етістіктің өзіндік ерекшеліктері; 41) "Қимыл есімдерін жасайтын қосымшалар". Қимыл есімдерінің іс-қимыл процесінің атауын білдіретіндігі; 42) "Үстеу". Үстеулердің мағына жағынан заттың қимылының, іс-әрекетінің және заттың сынының әр алуан белгілерін білдіру үшін қолданылатындығы. Үстеулердің сөйлемде етістікті сипаттайтындығы, яғни істің, қимылдың мән-жайын, амалын, мезгілін, мекенін білдіретіндігі. Үстеудің сұрақтары. Дара және күрделі үстеулердің құрылысы мен құрамы. Үстеулердің құрамына қарай негізгі түбір үстеулер, туынды түбір үстеулер, күрделі үстеулер болып бөлінуі. Түбірге сіңісіп, көнеленіп үстеу тудыратын септік жалғаулары; 43) "Үстеудің түрлері". Үстеудің түрлері үстеу болатын сөздердің мағыналарынан келіп шығады; 44) "Мезгіл үстеулері". Олардың мағыналары, сұрақтары. Мезгіл үстеулердің қолданылатын орындары, қолданылу мақсаты; 45) "Мекен үстеулері". Олардың мағыналары, сұрақтары. Мекен үстеулердің қолданылатын орындары; 46) "Мөлшер үстеулері". Олардың білдіретін мағыналары, сұрақтары. Мөлшер үстеулерінің қолданылатын орындары, қолданылу мақсаты; 47) "Қимыл-сын үстеулері". Олардың мағыналық ерекшеліктері, сұрақтары. Қимыл-сын үстеулерінің қолданылатын орындары, қолданылу мақсаты; 48) "Күшейту үстеулері". Олардың білдіретін мағыналары, сұрақтары. Күшейту үстеулерінің қолданылатын орындары, қолданылу мақсаты; 49) "Мақсат үстеулері". Олардың білдіретін мағыналары, сұрақтары. Мақсат үстеулерінің қолданылатын орындары, қолданылу мақсаты; 50) "Себеп-салдар үстеулері". Олардың білдіретін мағыналары, сұрақтары. Себеп-салдар үстеулерінің қолданылатын орындары, қолданылу мақсаты; 51) "Топтау үстеулері". Олардың мағыналық белгілері сұрақтары. Топтау үстеулерінің қолданылатын орындары, қолданылу мақсаты; 52) "Көне түркі ескерткішіндегі үстеулер"; 53) "Үстеудің емлесі". Үстеудің сөйлемдегі қызметі; 54) "Еліктеуіш сөздер". Еліктеу жайында алғашқы ұғымдарды қалыптастыру. Еліктеу деп аталатын атаудың мәні. Еліктеу сөздер табиғат құбылыстарының дыбыстарына және айналадағы заттардың қозғалуына байланысты белгілерге, түрлі аң-құстардың дыбыстары мен адамның сөйлеу мүшелерінен шыққан дыбыстарына еліктеуден пайда болатыны, мұнымен қоса, адамның, заттың сыртқы тұлғасын сипаттап көрсететіндігі. Сұрақтары. Еліктеудің құрамы, жасалу жолдары; 55) "Еліктеуіш сөздің түрлері". Еліктеу сөздер және бейнелеуіш сөздер. Бұл екеуінің арасындағы мағыналық жақындықтар мен айырмашылықтар; 56) еліктеуіш сөздер мен бейнелеуіш сөздердің қолданылатын орындары, қолданылу мақсаты. Еліктеу сөздердің сөйлемде көбінесе етістікпен тіркесіп келетіндігі. Еліктеуіш сөздердің сөйлемдегі қызметі; 57) "Шылау". Шылаудың өз алдында сөз табы екендігі. Шылаудың көмекшілік сипаты және басқа көмекші сөздерден айырмашылығы мен ұқсастығы, жалпы қызметі жайында түсінік қалыптастыру. Шылаудың түрлері: Жалғаулық шылау. Септеулік шылау. Демеулік шылау. Олардың қызметі, емлесі; 58) "Көне түркі ескерткіштеріндегі шылаулар"; 59) "Одағай". Одағайлардың басқа сөз таптары сияқты мағына жағынан ешбір ұғымды білдірмейтіндігі. Олардың мағыналары адамның әртүрлі сезіміне, көңіл күйіне қатысты болатындығы; 60) "Одағайдың түрлері"; 61) "Көңіл күй одағайлары". Жағымды көңіл күйді білдіретін одағайлар. Жағымсыз көңіл күйді білдіретін одағайлар. Көңіл күй одағайларының қолданылатын орындары, қолданылу мақсаты; 62) "Ишарат одағайлары". Бұған адамға арнайы айтылатын мағыналары бұйыру, жекіру, тыйым салу одағайлары жататындығы. Ишарат одағайларының қолданылатын орындары, қолданылу мақсаты; 63) "Шақыру одағайлары". Бұған төрт түлік малға, ит, мысық сияқты үй хайуандарына арнап айтылатын одағайлар жататындығы. Шақыру одағайларының қолданылуы. Орындары, қолданылу мақсаты; 64) "Одағайлардың емлесі"; 65) "Көне түркі ескерткіштеріндегі одағайлар"; 66) "Көмекші сөздер" (2 сағат). Көмекші сөздердің тілдік табиғаты, олардың дербес толық мағынаға ие бола алмайтындықтан, негізгі сөздердің шылауында тіркесіп, көмекшілік қызмет атқаратындығы. Көмекші сөздердің түрлерінен мәлімет беру; 67) "Көмекші есім". Көмекші есімдердің мағынасы. Көмекші есімдердің зат есімдермен тіркесіп берілетіндігі; 68) "Көмекші етістік". Көмекші етістіктің түрлері. Көмекші етістіктің сөйлемде негізгі етістікпен тіркесіп жұмсалатындығы. Етістіктің негізгі және көмекші қызмет атқара беретіндігі. 24. "Тіл мәдениеті" (10 сағат): 1) сөз мәдениетінің ауызша сөйлеу мәдениеті мен жазба тіл мәдениетінің астасып жатуын талап етуі. Сөйлеу тілі де, жазба тілі де адам ойын жеткізуге қызмет ететіні. Сөйлеу мәдениеті. Ойды жеткізудің тілден тыс көмекші құралдары (ым-ишара, дауыс ырғағы, күші, қимыл қозғалысы). Көпшілік алдында айтылатын ауызша сөздің жазба сөзге қарағанда құрылысы жағынан ықшам келетіндігі. Қаратпа, қыстырма, одағай сөздердің жиі қолданылатындығы. Жазба тілде қойылатын тыныс белгілері. Ойды жеткізудегі дауыс ырғағы, дауыс кідірісінің мәні; 2) "Жазудың маңызы". Сөзді дұрыс жазу мәдениеті. Орфографиялық нормадан ауытқуға болмайтындығы, оны сақтаудың міндеттілігі. Емле ережесіндегі соңғы толықтырулар мен өзгерістер тіл фактілері негізінде талқыланып, олардың дағдыға айналуы. 4. Оқу пәнінің 7-сыныптағы базалық білім мазмұны 25. Пәнді оқытуға аптасына 3 сағаттан, барлығы 102 сағат бөлінген. 26. Оқу пәнінің базалық білім мазмұны төмендегідей тақырыптарды қамтиды: 27. "Қазақ тілі – қазақ халқының әдеби тілі, мемлекеттік тіл" (2 сағат). 28. "Әдеби тілдің нормалары" (8 сағат): 1) орфографиялық және орфоэпиялық нормалардың сақталу орындарын практикалық жұмыстар жүргізу арқылы қайталау; 2) "Әдеби тілдің лексикалық нормалары". Жалпы халыққа бірдей түсінікті, жиі қолданылатын сөздердің әдеби тіл нормасына жататындығы. Әдеби тілдің лексикалық нормасына жатпайтын сөздер. Дублет сөздер мен варианттардың мәні; 3) "Мәтіндерге тілдік талдау". Мәтіндердің тақырыптық және идеялық мәнін ашу. Ұлттық белгілерді білдіретін, ғылыми түсінік беретін және діни сипаттағы мәтіндермен жұмыс; 4) мәтіндегі сөздер мен сөз тіркестерін әдеби тілдің орфографиялық және орфоэпиялық нормалары тұрғысынан талдау. Орфографиялық және орфоэпиялық сөздіктермен жұмыс істеу. Қосымшалардың орфографиялық нормаға сәйкес жалғануын анықтау. Оқшау сөздердің орфоэпиялық нормаға сәйкес оқылуын қалыптастыру. Мәтіндердегі сөз таптарының арақатынасын ашу. 29. "Морфология" (70 сағат): 1) "Зат есімнің түрленуі"; 2) "Зат есімнің көптелуі". Көптік жалғауын қабылдайтын зат есімдер. Көптік жалғауы жалғанбайтын зат есімдер. Көптелмейтін зат есімдерге көптік жалғауы белгілі бір мақсатта қосылатындығы; 3) "Зат есімнің тәуелденуі". Оңаша тәуелдеу ортақ тәуелдеу. Тәуелдік жалғаулардың беретін граматикалық мағыналар қызметі; 4) "Көне түркі ескерткішіндегі көптік немесе тәуелдік жалғаулар. Септік жалғаулар"; 5) "Зат есімнің септелуі". Жай септеу. Тәуелдеулі септеу. Септік жалғаулардың беретін мағыналары. Атау септіктің қызметі. Ілік септіктің грамматикалық мағынасы, қызметі. Барыс септіктің грамматикалық мағынасы, қызметі. Табыс септіктің грамматикалық мағынасы, қызметі. Жатыс септіктің грамматикалық мағынасы, қызметі. Шығыс септіктің грамматикалық мағынасы, қызметі. Көмектес септіктің грамматикалық мағынасы, қызметі; 6) "Зат есімнің жіктелуі". Жіктелген зат есімдер тобы. Зат есімге жалғанған жіктік жалғаудың қызметі. Зат есімнің сөйлемдегі қызметі; 7) "Сын есімнің түрленуі"; 8) "Сын есімнің шырай формаларына енуі". Салыстырмалы шырай, жасалу жолдары. Күшейтпелі шырай, жасалу жолдары; 9) "Сын есімнің сөйлемдегі қызметі"; 10) "Сын есімнің заттануы". Заттанған сын есімнің көптелуі, септелуі, жіктелуі; 11) "Сан есімнің түрленуі". Сан есімнің сөйлемдегі қызметі. Есімдіктің түрленуі. Жіктеу есімдіктерінің түрленуі. Сілтеу есімдіктерінің түрленуі. Сұрау есімдіктерінің түрленуі. Өздік есімдіктерінің түрленуі. Болымсыздық есімдіктерінің түрленуі. Жалпылау есімдіктерінің түрленуі. Белгісіздік есімдіктерінің түрленуі. Есімдіктің сөйлемдегі қызметі; 12) "Етістіктің түрленуі"; 13) "Есімшенің түрленуі". Есімшелердің сөйлемдегі қызметі; 14) "Көсемшенің түрленуі". Көсемшенің сөйлемдегі қызметі; 15) "Тұйық етістіктің түрленуі". Тұйық етістіктің емлесі; 16) "Етістіктің шақтары". Шақтың мазмұны соған лайық формалары мен қызметтері. Шақтық мезгіл ұғымдарымен байланысты екендігі. Шақ жасаудағы есімше мен көсемшенің қызметі; 17) "Осы шақ". Мазмұны, осы шақтың түрлері мен жасалу жолдары; 18) "Көне түркі ескерткіштеріндегі осы шақ"; 19) "Өткен шақ". Мазмұны, өткен шақтың түрлері және жасалу жолдары; 20) "Көне түркі ескерткішіндегі өткен шақ"; 21) "Келер шақ". Мазмұны, келер шақтың түрлері, жасалу жолдары. Көне түркі ескерткішіндегі келер шақ; 22) "Етістіктің райлары". Ашық рай. Ашық райдың мағынасы. Ашық райдың жасалу жолдары; 23) "Бұйрық рай". Бұйрық райдың мағынасы. Бұйрық райдың мағынасының 1, 2, 3-жақтардың бәріне қатыстылығы. Бұйрық райдың етістіктің жалаң я күрделі түрлері арқылы; 24) "Шартты рай". Шартты райдың мағынасы. Шартты райдың жасалу жолдары; 25) "Қалау рай". Қалау райдың мағынасы. Қалау райдың жасалу жолдары; 26) "Етістіктің жіктелуі". Отыр, тұр, жүр, жатыр етістіктерінің жіктелуі. Жедел өткен шақ пен шартты рай формалы етістіктің жіктелуі. Бұйрық рай формалары етістіктердің жіктелуі; 27) "Етістіктің сөйлемдегі қызметі". 30. "Синтаксис" (12 сағат): 1) "Сөздердің байланысу түрлері". Қиысу. Баяндауыштың бастауышпен жақ жағынан үйлесе байланысуы. Матасу. Ілік септігі мен тәуелдік жалғауы арқылы байланысуы. Матасу – есімді сөз тіркесі. Меңгеру. Барыс, табыс, жатыс, шығыс, көмектес септік жалғаулары мен септеулік шылаулар арқылы байланысуы. Есімді, етістікті меңгеру болатындығы. Қабысу. Орын тәртібі жағынан іргелес тұру арқылы байланысуы. Жанасу. Жанасудың дәнекер сөздер арқылы байланысатындығы. Жанасудың қабысудан айырмашылығы; 2) "Сөз тіркесін білдіретін синтаксистік қатынастар". Анықтауыштық қатынас. Матаса, қабыса байланысқан есімді сөз тіркестерінің сыңарлары бір-бірімен анықтауыштық қатынаста жұмсалуы. Толықтауыштық қатынас. Меңгеріле байланысқан есімді, етістікті сөз тіркестері сыңарларының бір-бірімен толықтауыштық қатынаста жұмсалуы. Пысықтауыштық қатынас. Меңгеріле, қабыса, жанаса байланысқан етістікті сөз тіркестері сыңарларының бір-бірімен пысықтауыштық қатынаста жұмсалуы. 31. "Тіл мәдениеті" (10 сағат): 1) тіл мәдениетінің білім беру, ғылым, әдебиет, өнер жалпы рухани өмірдің барлық саласында қызмет ететіні туралы. Сөз мағынасы – тауып сөйлеудің кілті. Сөйлеудің түрлері: диалог, монолог. Тіл мәдениеті және шығармашылық жазу жұмыстары. Қосымшалардың тіл мәдениетіне қатысы. Қосымшалардың сөзге жалғану шегі, сөзді таңдап, талғап барып жазуы. Қосымшаларды дұрыс жалғау дағдысын жетілдіру. Ісқағаздары үлгілері мен публицистикалық сипаттағы мәтіндерді талдау. Баспасөз бетінде қосымшаларды қолданудағы нормадан ауытқыған жағдайлар. Сөйлем мүшелерінің орын алмасуымен сөздердің тіркесіп жұмсалуда нормадан ауытқитын жағдайларды тапқызу. 5. Оқу пәнінің 8-сыныптағы базалық білім мазмұны 32. Пәнді оқытуға аптасына 3 сағаттан, барлығы 102 сағат бөлінген. 33. Оқу пәнінің білім мазмұны мынадай тақырыптарды қамтиды: 34. "Кіріспе". Қазақ тілі – ұлттық мәдени, рухани асыл мұра (1 сағат). 35. "Әдеби тілдің грамматикалық нормалары" (4 сағат): 1) тілдегі грамматикалық тұлғалардың бірқалыпқа түсіп, дағдыға айналып жұмсалуы. Әдеби тілде қосымшаларды дұрыс қолданудың мәні. Нормадан жөнімен ауытқу. Әдеби тілдің грамматикалық нормаларына сөйлем мүшелерінің дұрыс орналасуы жататындығы. Сөздердің тіркесу қабілеті, олардың мағыналық үйлесімі мен грамматикалық сипатының өзара сәйкестігіне сүйенетіндігі. Мәтіндерге тілдік талдау; 2) қоғам, ұлт, өнер, махаббат тақырыбындағы мәтіндердің ой түйіндерін анықтату. Ойдың желісін сақтап, қайта әңгімелету. Жаңа сөздердің қолданысына түсінік бергізу. Ауыспалы мағынадағы сөздер мен фразеологизмдердің мақал-мәтелдердің қолданылу мақсатын айқындау. Лексикалық тіркестер мен граматикалық тіркестердің, сондай-ақ жаңа тіркестердің тіркесімдік мүмкіндіктеріне талдау жасау. 36. "Синтаксис" (89 сағат): 1) "Сөйлем" (6 сағат). Сөйлем туралы түсінік. Сөйлемге тән белгілер. Сөйлемнің сөз тіркесінен құралатындығы. Сөйлем болудың шарттары. Сөйлемдердің мазмұнына, айтылу мақсаты мен интонациясына қарай бөлінетіндігі; 2) "Сөйлемнің айтылу мақсатына қарай түрлері"; 3) "Хабарлы сөйлем". Оның мазмұны. Хабарлы сөйлем іс-әрекеттің белгілі бір шақта жүзеге асатындығын, айтушының іс-әрекетке көзқарасын, ой-пікірлерін білдіретіні туралы. Хабарлы сөйлемнің баяндауыш формалары; 4) "Сұраулы сөйлем". Оның жасалу жолдары, мағыналары. Негізгі сұрақ, жетек сұрақ, анықтауыш сұрақ. Лепті сөйлемдердің жасалу жолдары. Лепті сөйлемнің интонациялық ерекшеліктері. Бұйрықты сөйлем, оның мағыналары. Бұйрықты сөйлемдердің жасалу жолдары. Бұйрықты сөйлемнің интонациялық ерекшеліктері; 5) "Көне түркі жазбаларындағы сөйлем түрлері"; 6) "Сөйлемнің құрамы" (28 сағат); 7) "Сөйлем мүшелері". Сөйлем мүшелерінің құрамына қарай дара, күрделі және үйірлі мүше болып бөлінетіндігі; 8) "Сөйлемнің тұрлаулы мүшелері"; 9) "Бастауыш пен баяндауыштың тұрлаулы мүше болатын себептері. Бастауыш, бастауыш болатын сөз таптары". Дара бастауыш. Күрделі және үйірлі бастауыш. Бастауыштың сұрақтары, сөйлемдегі орны; 10) "Баяндауыш, баяндауыш болатын сөз таптары". Дара баяндауыш. Күрделі баяндауыш. Үйірлі баяндауыш. Бар, жоқ сөздерінің баяндауыштық қызметте жұмсалатындығы. Баяндауышқа сұрақ қою ерекшеліктері. Баяндауыштың сөйлемдегі орны; 11) "Бастауыш пен баяндауыш арасына қойылатын сызықша"; 12) "Сөйлемнің тұрлаусыз мүшелері"; 13) "Толықтауыш, анықтауыш, пысықтауыштардың тұрлаусыз мүше аталу себептері"; 14) "Толықтауыш". Оның түрлері: тура толықтауыш, жанама толықтауыш. Толықтауыш болатын сөз таптары. Дара және күрделі толықтауыш. Үйірлі толықтауыш. Толықтауыштың баяндауышпен байланысты екендігі. Толықтауыштың сұрақтары, мағынасы; 15) "Анықтауыш". Анықтауыш болатын сөз таптары. Дара, күрделі және үйірлі анықтауыштар. Анықтауыштың бастауыш және толықтауышпен байланысты екендігі. Анықтауыштың сұрақтары, мағыналары; 16) "Пысықтауыш". Пысықтауыш қызметінде жұмсалатын сөздер. Дара және күрделі, үйірлі пысықтауыштар; 17) "Пысықтауыштың мағыналық түрлері". Мезгіл пысықтауыш, мақсат пысықтауыш, мекен пысықтауыш, амал пысықтауыш, себеп пысықтауыш, мөлшер пысықтауыш. Пысықтауыштың баяндауышпен байланысты екендігі; 18) "Пысықтауыштың сұрақтары, мағыналары"; 19) "Сөйлемнің айқындауыш мүшелері". Оның анықтауыштан айырмашылығы. Айқындауыштың түрлері, қызметі, тыныс белгілері. Оңашаланған, қосарлы айқындауыштар; 20) "Сөйлемнің бірыңғай мүшелері". Бірыңғай мүше болудың шарттары. Бір сөз табынан болатындығы, бірдей сұраққа жауап беретіндігі, бір сөйлем мүшесінің қызметін атқаратындығы. Бірыңғайлана байланысатын сөйлем мүшелері. Бірыңғай мүшелі сөйлемдегі жалпылауыш сөздер. Сөйлемнің бірыңғай мүшелерінің тыныс белгілері; 21) "Көне түркі жазбаларындағы сөйлем мүшелері". Сөйлем мүшесі болмайтын сөздер тобы; 22) "Оқшау сөздер". Оқшау сөздердің синтаксистік ерекшеліктері. Оқшау сөздерге тән ортақ белгілер. Оқшау сөздердің түрлері; 23) "Қаратпа сөз". Қаратпа қызметінде жұмсалатын сөздер. Қаратпа сөздің сөйлемдегі мәні, орны, тыныс белгілері; 24) "Қыстырма сөздер". Қыстырма қызметінде жұмсалатын сөздер мен сөз тіркестері. Қыстырма сөздердің беретін мағыналары. Қыстырма сөздің сөйлемдегі орны, тыныс белгілері; 25) "Одағай сөздер". Одағайдың мағыналық топтары. Одағайдың сөйлемдегі мәні, орны, тыныс белгілері; 26) "Жай сөйлемнің түрлері" (7 сағат). Жай сөйлемдер құрамына қарай, сөйлем мүшелерінің қатысына қарай жақты, жақсыз, жалаң, жайылма, толымды, толымсыз, атаулы болып бөлінетіндігі; 27) "Жақты, жақсыз сөйлемдер". Олардың сипаттамасы, жасалу жолдары; 28) "Жалаң және жайылма сөйлемдер". Олардың анықтамасы, стильдік қызметі; 29) "Толымды, толымсыз сөйлемдер". Сөйлемнің толымсыз болып, құралу себептері; 30) "Атаулы сөйлем". Оның стильдік мәні; 31) "Құрмалас сөйлем" (40 сағат). Құрмалас сөйлемге тән белгілер. Оның жай сөйлемнен өзгешелігі. Құрмаластағы жай сөйлемдердің байланысуы тәсілдері: салаласа, сабақтаса аралас байланысуы; 32) көне түркі жазбаларындағы құрмалас сөйлемдердің берілу жайы; 33) "Құрмалас сөйлемнің түрлері"; 34) "Құрмалас сөйлем жайында түсінік". Құрмалас сөйлем құрамындағы жай сөйлемдердің салаласа, сабақтаса және араласа құрмаласуы арқылы берілетіндігі; 35) "Салалас құрмалас сөйлем". Оның жасалу жолдары туралы түсінік. Салалас құрмалас сөйлемнің түрлері; 36) "Ыңғайлас салалас". Мағынасы, сұрақтары. Құрамындағы жай сөйлемдердің бір-бірімен мезгілдес, бағыттас ыңғайлас мәнде қарым-қатынаста болуы. Ыңғайлас салалас құрмаластың құрамындағы жай сөйлемдердің жалғаулық шылаулар арқылы, шылаусыз іргелес тұрып байланысуы. Тыныс белгілері; 37) "Себеп-салдар салалас". Мағынасы, сұрақтары. Себеп-салдарлық қатынастың салалас құрмалас арқылы берілуі. Салаласа құрмаласудың тәсілдері: жалғаулықты шылаусыз, іргелесе құрмаласу. Жалғаулықты шылаулар арқылы құрмаласуы. Тыныс белгілері; 38) "Қарсылықты салалас". Мағынасы, сұрақтары; 39) "Қарсы мағынаның салалас құрмалас арқылы берілуі". Салаласа құрмаласудың тәсілдері: жалғаулықсыз құрмаласу; жалғаулықты шылаулар арқылы құрмаласу; 40) "Қарсылықты салаластың тыныс белгілері"; 41) "Түсіндірмелі салалас". Мағыналық қарым-қатынасы. Түсіндірмелі салалас. Мағыналық қарым-қатынасы. Түсіндірмелі салалас құрмаластың жасалу жолдары, тыныс белгілері; 42) "Талғаулы салалас". Мағыналық қарым-қатынастары. Талғаулы салалас құрмаластың жасалу жолдары, тыныс белгілері; 43) "Кезекті салалас". Мағыналық қарым-қатынастары. Кезекті салалас құрмаластың жасалу жолдары тыныс белгілері; 44) "Көп салалы құрмалас салалас сөйлем"; 45) "Сабақтас құрмалас сөйлем". Сабақтас құрмалас сөйлемнің жасалу жолдары туралы түсінік; 46) "Сабақтас құрмалас сөйлемнің түрлері"; 47) "Шартты бағыныңқылы сабақтас". Құрамындағы жай сөйлемдердің мағыналық қарым қатынасы. Шартты бағыныңқылы сабақтастың жасалу жолдары; 48) "Қарсылықты бағыныңқылы сабақтас". Құрамындағы жай сөйлемдердің мағыналық қарым-қатынасы. Қарсылықты бағыныңқылы сабақтастың жасалу жолдары; 49) "Мезгіл бағыныңқылы сабақтас". Құрамындағы жай сөйлемдердің мағыналы қарым-қатынасы. Мезгіл бағыныңқы сабақтастың жасалу жолдары; 50) "Себеп бағыныңқылы сабақтас". Себеп бағыныңқы сабақтастың жасалу жолдары. Құрамында жай сөйлемдердің мағыналық қарым-қатынасы; 51) "Қимыл-сын бағыныңқылы сабақтас". Құрамындағы жай сөйлемдердің мағыналық қарым-қатынасы. Қимыл-сын бағыныңқылы сабақтасты жасалу жолдары; 52) "Мақсат бағыныңқылы сабақтас". Құрамындағы жай сөйлемдердің мағыналық қарым-қатынасы. Мақсат бағыныңқы сабақтың жасалу жолдары; 53) "Көп бағыныңқылы сабақтас". Жарыспалы, сатылы көп бағыныңқы сабақтас құрмалас сөйлем; 54) "Аралас құрмалас сөйлем". Құрамындағы жай сөйлемдердің әрі салаласып, әрі сабақтасып байланысатындығы. Құрамындағы жай сөйлемдердің мағыналық қарым-қатынасы. Аралас құрмалас сөйлемнің жасалу жолдары; 55) "Құрмалас сөйлемнің тыныс белгілері". Салалас құрмаластардың тыныс белгілері. Сабақтас құрмаластардың тыныс белгілері. Аралас құрмаластың тыныс белгілері; 56) "Орхон-Енисей жазбаларындағы құрмалас сөйлемнің түрлері"; 57) "Төл сөз, төлеу сөз" (8 сағат); 58) "Төл сөз бен төлеу сөз туралы түсінік". Төл сөз бен төлеу сөздің айырмашылығы. Төл сөз бен автор сөзінің байланысы. Төл сөздің орналасу тәртібі. Төл сөздің тыныс белгілері. Төлеу сөз. Төл сөзді төлеу сөзге айналдыру жолдары. Төлеу сөздің жасалуы. Көне түркі ескерткіштер тіліндегі төл сөздің берілуі жайында қосымша мәлімет. 37. "Тіл мәдениеті" (8 сағат): 1) "Дұрыс сөйлей, дұрыс жаза білудің шарттары". Сөз қолданудың негізгі принциптері; 2) "Сөз әдебі". Сөз әдебі сөз иесінің сөзді сыпайы қолдану мәдениетімен байланысты екенін, сөйлеушінің, жазушының әр сөзі мәдениетті, сыпайы да ізетті болуын талап ету керектігін мысалдармен түсіндіру. "Жақсы сөз – жарым ырыс" деген мақалдың мәнін ашу. Бір ауыз жақсы сөз адамды жадыратып, көңілін көтеретіндігін: қуат беріп, шабыттандыратынын мәтін арқылы дәлелдеу; 3) сөз құдіретін танытатын мақал-мәтелдер мен даналық сөздерді талдату. Тілдегі сөйлеу этикетіне жататын сөздер тізбегін жасату. Халқымыздың жақсы сақтап келген шешендік сөз үлгілерін әрі қарай дамытып, оны оқушылардың сөйлеу дағдысына сіңіру бағытындағы жұмыс түрлерін жүргізу; 4) халықтың салт-дәстүріне байланысты айтылатын табу сөздер мен дөрекі сөзді жұмсартып жеткізу мақсатындағы эвфемизмдердің тіл мәдениетіндегі орнын түсіндіру, олардың сөз әдебімен байланысын ашқызу, көркем мәтіндерден осындай тілдік құбылыстарды теріп жаздырту; 5) өркениетті елдер мен Қазақстанда болып жатқан оқиғаларға баға бергізіп, ауызша және жазбаша сөйлеу тілін жетілдіру, сауаттылықты меңгерту. 6. Оқу пәнінің 9-сыныптағы базалық білім мазмұны 38. Пәнді оқытуға аптасына 1 сағаттан, барлығы 34 сағат бөлінген. 39. Оқу пәнінің базалық білім мазмұны төмендегідей тақырыптарды қамтиды: 40. "Қазақ тілінің қоғамдық мәні" (1 сағат). Қазақ тілі – қазақ халқының ұлттық әдеби тілі. Қазақстан Республикасының мемлекеттік тілі. Қазақ тілінің мемлекеттік тіл ретіндегі қызметі, қолданылатын орындары. 41. "Қазақ тілі – қазақ халқының ұлттық тілі" (2 сағат). Қазақ тілі түркі тілдер семьясының батыс ғұн бұтағына, оның ішінде қыпшақ тобына енетіні. Түркі халықтарына ортақ ескерткіштері мен әдеби мұралары жайында түсінік. 42. "Мәтін және стиль" (3 сағат). Мәтіннің ойлау жүйесін дамытудағы рөлі. Тақырып және мәтін. Мәтінді жоспарлаудың жолдары. Сөйлем мүшелерінің мәтіндегі қызметі. Құрмалас сөйлемдердің мәтіндегі қызметі. Мәтіндегі сөз таңдау, сөз қолдану (қисыны), сөз әрлеу. Н.Назарбаевтың "Тәуелсіздік толғауы" мәтінінің тақырыбы мен идеясы. Толғау мәтінінің құрылымдық бөліктері. Толғаудағы сөздік қолданыстар қисыны, қайталама сөздердің, қаратпа сөздердің қолданыс ерекшелігі: 1) "Стилистика және тіл мәдениеті" (12 сағат): 2) "Сөздердің стильдік түрлері" (3 сағат). Сөйлеу тілінің лексикасы, оның түрлері. Стильаралық бейтарап лексика. Экспрессивтік-эмоционалды лексика; 3) "Қазақ әдеби тілінің стильдері" (9 сағат). Қазіргі кітаби тіл туралы түсінік; 4) "Стиль". Стиль ұғымының сөйлеу және оның формаларымен байланысты қаралатындығы, стильдердің негізгі арқауы сөйлеудің ауызша және жазбаша формалары екендігі; 5) "Сөйлеу стилі". Ауызекі сөйлеу стилінің тікелей қатынас жасауда көрінетіндігі. Оның ауызша және жазбаша түрлері. Сөйлеу стилінің қолданылатын орны, диалог лексикасы. Ауызекі сөйлеу стилінің қолданылатын формалары: жарыссөз, лекция, консультация, баяндама, әңгімелесу. Сөйлеу стилінің ерекшеліктері; 6) "Көркем әдебиет стилі". Көркем әдебиет стилі сөз арқылы өрнектелетіні. Мұнда сөздердің, сөз тіркестерінің, сөйлемнің бейнелі қолданылатындығы. Тілдің эстетикалық қызметі көркем әдебиет стилінде ерекше көрінетіндігі. Көркем әдебиет стиліне көп мағыналық, бейнелік сипаттардың тән болатындығы. Мақал-мәтелдер мен фразеологизмдердің кеңінен қолданылатындығы. Көркем әдебиет стилінің басқа да ерекшеліктері; 7) "Ресми ісқағаздар стилі (кеңсе стилі)". Өтініш, сенімхат, арыз, қатынас қағаз, мінездеме, хабарландыру, мәжілісхат, өмірбаян, мәлімдеме және ресми құжаттар: заң ережелері, өкімет қаулылары, халықаралық шарт, т.б. Ресми ісқағаздарының айырықша қарым-қатынас жасау құралы болып саналатындығы. Ісқағаздар стилінің ерекшеліктері, лексикасы; 8) "Публицистикалық стиль". Публицистикалық стильде қоғамдық-саяси мәселелердің көрінетіндігі. Қоғамдық-саяси мәселелердің бұл стильде ауызша және жазбаша түрде қалыптастырылатындығы. Публицистикалық стильдің жұмсалу формалары (әдістері): газет-журнал, радио-теледидар. Публицистикалық стильде шешендік өнердің қажеттігі. Публицистикалық стильдің ерекшелігі ресми стильге және көркем әдебиет стильдеріне жақындығы; 9) "Ғылыми стиль". Бұған әр салада жазылған ғылыми мәтіндер жататындығы. Ғылыми мәтіндерде мазмұн анықтама, сипаттама, баяндама немесе талқылама түрінде берілетіндігі. Ғылыми стильдің ерекшелігі. Сөздердің негізгі мағынасында жұмсалатындығы, термин сөздердің молдығы, көп мағыналы, образды сөздердің, ойдың күрделілігі, т.б. Ескерту. 42-тармаққа өзгеріс енгізілді - ҚР Білім және ғылым министрінің 18.06.2015 № 393 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен. 43. "Тіл мәдениеті және пунктуация" (14 сағат): 1) пунктуацияның тіл мәдениетіне қатысы. Тыныс белгілердің стиль түрлерінде атқаратын рөлі.Тыныс белгілердің сөйлем ішінде келетін және сөйлем соңында келетін деп бөлетіндігі; 2) сөйлем соңында қойылатын тыныс белгілеріне нүкте, сұрау белгісі, леп белгісі, көп нүкте жататындығы. Сөйлем соңында қабаттасып қойылатын тыныс белгілерге сұрау және леп белгілері, сұрау белгісі және көп нүкте, леп белгісі және көп нүктелердің қойылатындығы; 3) сөйлем ішінде келетін тыныс белгілерге үтір, сызықша, қос нүкте, нүктелі үтірлер жататындығы; 4) тыныс белгілерінің қолданылатын орындары. Қос нүктенің қолданылатын орындары. Нүктелі үтірдің қолданылатын орындары. Нүктенің қолданылатын орындары. Сұрау белгісінің қолданылатын орындары. Леп белгілерінің қолданылатын орындары. Көп нүктенің қолданылатын орындары; 5) бірыңғай мүшелерге байланысты қойылатын үтір, қаратпа сөздерге байланысты қойылатын үтір, оңашаланған айқындауышқа байланысты қойылатын үтір, қыстырма сөздерге байланысты қойылатын үтір, одағайға байланысты қойылатын үтір, құрмалас сөйлемге қойылатын үтір; 6) бастауыштан кейін қойылатын сызықша, бірыңғай мүшелерден кейін қойылатын сызықша, оңашаланған айқындауыштың сызықшамен ажыратылатын жағдайлары, құрмалас сөйлемдерге байланысты қойылатын сызықша, төл сөз бен автор сөзіне қойылатын сызықша, сөйлемді ықшамдап қолдануға байланысты қойылатын сызықша; 7) жақша, тырнақшаның қолданылатын орындары. Сөйлемдегі негізгі ойды, немесе бір сөйлем мүшесін айқындап, дәлелдеп, қосымша түсінік беру үшін қолданылатын қыстырма мәнді сөз, сөз тіркесі не сөйлемнің жақшаға алынуы. Тырнақшаның мағынаға байланысты қойылуы. 44. "Стиль мен пунктуацияның тіл мәдениетіне қатысын" қайталау (2 сағат). 7. 5-сынып оқушыларының дайындық деңгейіне қойылатын талаптар 45. Пәндік нәтижелер бойынша 5-сыныптың соңында оқушылар: 1) лексиканың тіл біліміндегі орны мен маңыздылығын; 2) сөздердің мағыналық топтарына қарай түрлерін; 3) сөздердің тура және ауыспалы мағынасының айырмашылығын; 4) омонимдер мен көп мағыналы сөздердің ерекшеліктерін; 5) тұрақты тіркестер мен мақал-мәтелдердің өзіндік белгілерін; 6) қазақ тілінің сөздік құрам тармақтарының ішкі салаларын; 7) сөйлемге лексикалық талдау жасай алуы; 8) лексикалық терминдерді дұрыс ажыратып, орынды қолдана, т.б. білуі; 9) фонетиканың тіл біліміндегі орны мен маңыздылығын; 10) фонетикалық ұғымдардың мәнін; 11) сөз құрамындағы дыбыстардың түрлерін және олардың жіктелуін; 12) үндестік заңы туралы ұғымдарды; 13) буын мен екпіннің түрлерін; 14) орфографиялық және орфоэпиялық нормаларды; 15) қазақ әліпбиінің құрамын, ретін; 16) сөйлемге фонетикалық талдау жасай білуі; 17) сөзжасамның тіл біліміндегі орны мен маңыздылығын; 18) сөздердің жасалу тәсілдерін және олардың жасалу жолына қарай жіктелуін; 19) мәтіннің құрылымын ажыратып, мәтіннің жанрлық белгілерін анықтай білуі; 20) оқыған мәтіндеріне сапалық жағынан талдау жасап, өзінің берген бағасын дәйектеп айта білуі; 21) тақырыпқа сәйкес жоспар жасап, мәтін құрай білуі тиіс. 8. 6-сынып оқушыларының дайындық деңгейіне қойылатын талаптар 46. Пәндік нәтижелер бойынша 6-сыныптың соңында оқушылар: 1) тілдің қызметін және қоғамдық мәнін; 2) түбір сөз бен туынды сөздің белгілерін; 3) тіркесті сөздердің ерекшеліктерін және емлесіне сай жаза алуы; 4) қос сөздер, біріккен сөздер, т.б. емлесін; 5) морфологияның тіл біліміндегі орны мен маңыздылығын; 6) атауыш, көмекші, одағай сөздердің белгілерін; 7) сөз таптарының өзіндік белгілерін және бір-бірінен ажырай білуі; 8) сөз таптарының мағыналық топтарын; 9) сөз құрамына қарай талдау жасай білуі; 10) сөйлемге морфологиялық талдау жасай алуы; 11) мәтіндегі сөздердің тізбекті, параллельді байланысын анықтай білуі; 12) мәтіннің құрылысын, тақырыбын, идеясын, т.б. дәйектей білуі; 13) сипаттау, суреттеу және түсіндіру мәтіндерін құрауда сөзжасам мен морфологиядан алған білімдерін еркін пайдалана білуі тиіс. 9. 7-сынып оқушыларының дайындық деңгейіне қойылатын талаптар 47. Пәндік нәтижелер бойынша 7-сыныптың соңында оқушылар: 1) сөз таптарының түрлену заңдылықтарының сөз мәдениетімен бірлігін тани алуды; 2) ұсынылған мәтіндегі авторлық идеяның, тақырып пен мазмұнның берілуіндегі сөз таптарының қызметін түсіндіруді; 3) мәтін құрауда әдеби тілдің морфологиялық нормасын лексикалық нормамен сабақтастықта қолдануды; 4) мәтінді құрайтын сөздер тобының әр сөз табына қатысты стильдік бояуын ажырата алуды; 5) ғылыми-көпшілік және көркем әдебиеттен алынған мәтіндерге тілдік талдау жасауды білуі тиіс; 6) морфологияға қатысты тілдік ұғымдардың мәнін анықтауды; 7) әр сөз табының түрленуін, сөйлемдегі қызметін; 8) сөздердің байланысу түрлерін; 9) тілдің негізгі бірліктерін қасиетіне қарай ажыратуды; 10) тілдік бірліктерді салыстырып, олардың ұқсастықтары мен өзіндік белгілерін түсіндіруді меңгеруі тиіс. 10. 8-сынып оқушыларының дайындық деңгейіне қойылатын талаптар 48. Пәндік нәтижелер бойынша 8-сыныптың соңында оқушылар: 1) синтаксистің тіл біліміндегі орны мен маңыздылығын; 2) сөз тіркесінің өзіне тән белгілерін, тіркесу тәсілдерін ажыратуды; 3) сөздердің байланысу тәсілдерін; 4) сөздердің байланысу түрлерінің ерекшеліктерін; 5) сөйлемнің мағынасына және құрылымына қарай бөлінуінің жолдарын; 6) сөйлем мүшелерінің түрлерін; 7) сөйлемнің бірыңғай мүшелеріне тән белгілерді; 8) төл сөз, төлеу сөз, автор сөзінің ерекшеліктері мен тыныс белгілерін; 9) сөйлемге синтаксистік талдау жасай алуы; 10) жай сөйлемдердің құрмаласу тәсілдерін ажыратуы; 11) құрмалас сөйлем сыңарларын байланыстыратын жалғаулық шылауларды айырып, оларды сөйлеу тілінде еркін қолдана білуі; 12) салаласа, сабақтаса байланысатын құрмаластың түрлерін меңгеріп, оларды қатыстырып мәтін құрай білуі; 13) аралас құрмаластың жасалу жолдарын түсіндіре білуі; 14) құрмалас сөйлемдерге байланысты қойылатын сызықшаны білуі; 15) әртүрлі жанрдағы мәтіндерге мазмұндық-құрылымдық талдау жасай білуі; 16) мәтіндерге кешенді тілдік талдау жасай білуі; 17) мәтіндегі сөздердің байланысын анықтай алуы; 18) мәтіндегі сөздердің стильдік бояуын мәтін ерекшелігімен байланыстырып түсіндіре алуы; 19) мәтіндегі авторлық көзқарасты білдіретін синтаксистік тілдік құралдарды дәйектей білуі; 20) тарихи, ғылыми-көпшілік сипаттағы ауызша және жазбаша мәтін құруда жай сөйлемнің түрлерін шығармашылықпен қолдана білуі тиіс. 11. 9-сынып оқушыларының дайындық деңгейіне қойылатын талаптар 49. Пәндік нәтижелер бойынша 9-сыныптың соңында оқушылар: 1) әдеби тілдің нормаларын меңгеруі; 2) стиль түрлері мен түрлі мәтіндерді өз бетімен оқи, түсіне, баяндай және интерпретациялай білуі; 3) сөйлеу мәдениетінің нормалары мен шешендікке қойылатын талаптарды меңгеруі; 4) ұжымдық қатынаста және мәтін түзуде сөз таңдай алуы; 5) мәтін талдауда оқу алгоритмін қолдана білуі; 6) тілдік құралдарды дәлдікпен қолдана отырып, түрлі стильде, жанрда мәтін құрауды білуі; 7) төл сөз бен төлеу сөздің ерекшеліктерін, төл сөздің орналасу тәртібін, тыныс белгілерінің қойылу себебін; 8) бірыңғай мүше, оңашаланған айқындауыш, қыстырма, одағайға байланысты тыныс белгілерінің қойылуын; 9) бастауыштан кейін қойылатын сызықшаны; 10) бірыңғай мүшелерден кейін қойылатын сызықшаны; 11) оңашаланған айқындауыштың сызықшамен ажыратылатын жағдайларын; 12) төл сөз бен автор сөзіне қойылатын сызықшаны; 13) сөйлемді ықшамдап қолдануға байланысты қойылатын сызықшаны; 14) қос нүкте, жақша, тырнақша қойылатын орынды; 15) ауызша және жазбаша қарым-қатынастарда дұрыс сөйлеп, дұрыс жаза білудің шарттарын білуі тиіс. 50. Тұлғалық нәтиже 5-9-сынып оқушыларының: 1) Қазақстан Республикасы Конституциясына құрмет көрсетуінен; 2) тілдің әлеуметтік-қоғамдық мәнін көрсетуінен; 3) тілді ұлттық құндылық ретінде тануынан; 4) жаңа әлеуметтік рөлдерді игеріп, қарым-қатынас мәдениетін көрсетуінен; 5) рухани-адамгершілік, азаматтық-елжандылық өмір салты қажеттіліктерін игеруінен; 6) құндылық ретінде өзі туралы және басқа адамның тұлғасы туралы ұсыныстар жүйесін меңгере білуінен; 7) қоғамдағы өзіндік әлеуметтік мәртебесіне саналы қызығушылығын көрсетуінен; 8) қазақ халқына және Қазақстанда өмір сүріп жатқан басқа да ұлыстардың тарихына, мәдениетіне, салт-дәстүріне және басқа да құндылықтарына құрмет көрсетуінен көрініс табуы тиіс. 51. Жүйелі-әрекеттік нәтижелер бойынша 5-9-сынып оқушылары: 1) нақты жағдаятқа талдау жасап, проблеманың пайда болу себептерін көрсетуі; 2) проблеманы шешуге бағытталған өз әрекеттеріне мақсат қоя отырып, әрекеттің жоспарланған өнімін бағалауы; 3) ұсынылған ақпаратты тапсырмаға сәйкес жіктеп, ұқсастықтары мен айырмашылықтарын көрсетуі; 4) қойылған міндеттерді шешу үшін іріктелген ақпараттардан қорытынды жасауы; 5) нақты міндеттерді шешу үшін белгілі әрекеттер технологиясын қолдануы; 6) туындаған мақсатқа сәйкес сөйлеу жанры мен мазмұнын анықтауы; 7) қарым-қатынас мақсатына сәйкес тілдік қатынасқа түсіп, мәтін құрауы; 8) көпшілік алдында сөйленетін сөздің құрылымын анықтап, өз ойын мазмұнды әрі әсерлі жеткізе алуы тиіс. жүктеу/скачать 53,99 Kb. Достарыңызбен бөлісу:
|