Білім және ғылым министрлігі Қазақстан Республикасы «Talap» коммерциялық емес акционерлік қоғамы» сейтпанов п. К., Каpтабаев а. Т., Алпысбаев а. А
жүктеу/скачать 6,14 Mb. Pdf көрінісі
|
Металл кесу
| Тесіктерді хонингтеу.
Хонингтеудің (хонинг-процесс) мәні алты (кейде одан да көп) абразивті жылжымалы брусоктары бар, ілгерілемелі қозғалыс жасайтын арнайы айналмалы «головкамен» (хон) алдын-ала алынған, ажарланған немесе кеңейтіліп жонылған тесіктерді механикалық түрде жетілдіру болып табылады. Абразивті брусоктарды радиалды бағытта жылжыту механикалық, гидравликалық немесе пневматикалық құрылғылармен жүзеге асырылады. Хонингтеуге арналған станоктар гидравликалық беріліспен бір және көп шпиндельді (6 шпиндельге дейін) болып келеді. Іштей ажарлауға қарағанда хонингтеудің келесі артықшылықтары бар: - іштей ажарлау станоктарында жұмыс істеу кезінде орын алатын құралды сығу саңылауына байланысты тесік бетінің цилиндрлілігін қамтамасыз ету; - іштей ажарлау станоктарында жиі байқалатын тербелістердің болмауы; - гидравликалық беріліспен қол жеткізілетін хонингтік «головка» жүрісінің жайлылығы. Хонингтеуге әдіп (0,05-0,10 мм) 1-2 минуттың ішінде алынуы мүмкін. 75 Зенковкалау – тесіктердің кіре берісінде болт, винт, заклепкалардың емін-еркін кіруін қамтамасыз ететін ойықтар мен фаскалар жасау операциясы. Цековкалау – бекіткіш сақиналарды, бобышкаларды шайба мен гайкға ыңғайлап, шеткі беттерді тазалау операциясы. Бұл операция тұрақты бұрғылау жабдықтарында орындалады [14].. Зенкерлеу, зенковкалау және цековкалау операцияларын орындау үшін арнайы аспаптар (шенкерлер, зенковкалар, цековкалар) қолданылады. Зенкерлердің бұрғылармен салыстырғанда көптеген (үш немесе төрт) кескіш қырлары болады. Олар өңделген беттердің дәлдігі мен кедір- бұдырлығын жоғары деңгейге жеткізуде маңызды рөл атқарады. Конструкциясы бойынша бұтін насадкалы зенкерлер болады. Цековкалар приливтер мен бобышкалардың шеткі беттерін таза кесуге арналған. Олар бір жақты және екі жақты болып келеді. Ұңғылау – тесіктерді таза өңдеу операциясы. Зенкерлеу сияқты, ұңғылау да алдын-ала бұрғыланған, зенкерленген, штамталған, құйылған немесе басқа да әдістермен алынған тесіктердің дәлдігін артыру мақсатында жүргізіледі. Бұл операция слесарлық (қолмен) немесе станоктық ұңғылар көмегімен жүзеге асырылады. Тістерінің қадамы біркелкі емес ұңғылар, әдетте тесіктерді қолмен өңдеуде қолданылады. Олар «огранканы», яғни бұрыс цилиндрлік форманың қалыптасуын болдырмайды. Қолдық ұңғының құйрықшасы воротқа орналастыру үшін квадратты болады. Диаметрі 10 мм-ге дейін машиналық ұңғылардың құйрықшасы цилиндpлік, диаметрі 10 мм-ден жоғары ұңғылардікі конустық боп келеді. жүктеу/скачать 6,14 Mb. Достарыңызбен бөлісу:
|