2-ТЕМА
31
9. Эгерде ата-энеси кызды каргабаса эмне болмок?
а) кыздын кыялы өзгөрмөк эмес;
б) кыз турмушка чыкмак;
в) кыз ата-энесине жардам бермек;
г) кызды ала качып кетишмек.
10. Кыз тал болуп калгандан кийин өз күнөөсүн мойнуна алабы?
а) алат;
б) албайт;
в) сезбейт;
г) оңдойт.
Бишкек баатыр баяны
Илгери-илгери Бишкек деген баатыр киши жашаптыр. Жылдардын
биринде эл Аламүдүндүн Чуңкурчак деген жайлоосуна көчүп барганда,
Бишкек келте менен ооруп калат. Келте оорусу жугуштуу деп эл абдан
коркчу экен. Бишкекти үй-бүлөсү менен Чуңкурчак жайлоосуна жалгыз
калтырып, эл башка жайлоого көчө качып кетет. Бишкек өлөрүн билгенде:
– Балдарым! Бишкек деген ат керт башыма, эрдигиме да таандык.
Алдуу-күчтүү кезимде эрдигиме таянып, журт башкарган билермандар
мени караан кылып урматтап, өздөрүнө жакын алып жүрүштү. Мурда мени
тирек кылган бир дагы байдын, манаптын көңүлүмдү сураганын көрбөдүм.
Армандуу дүйнө деген мына ушундай, балдарым. Эми мен жарык дүйнө
менен түбөлүккө коштошомун. Бирок менин сөөгүмдү Чуңкурчак жайлоо-
суна жалгыз бейит кылып калтырбай, Аламүдүн суусунун боюна, жолдун
түндүк жагындагы жээктеги дөбөгө койгула. Ал жерде да эч көрүстөн
жок. Бирок Анжыян, Ташкен тараптан Токмок жана Ысык-Көлдү карай өтүп
турган жолоочулардын карааны мени жалгызсыратпайт. Колуңардан келсе
күмбөз тургузуп койгула, – деп Бишкек керээзин айтып, дүйнөдөн кайтат.
Балдары атасынын керээзин аткарышат. Бир жылдан кийин күмбөз
да тургузушат.
Өткөндөр ал жерге токтоп, куран окушат. Соодагерлер кербен сарай
салышып, чайкана ачышат. Бара-бара ал жер Бишкек деп аталып, жыл
өткөн сайын чоң шаарга айланат. Кийин ал шаар республиканын бор-
бору болуп калат.
Достарыңызбен бөлісу: 
