Сату айналымы (сүзгісі) - клиенттер өзара әрекеттестік сатылары бойынша - бірінші контактіден бастап тауарды сатуға дейін таралатын қағидат. Ол пирамида түріндегі кестені білдіреді: ең үлкен бөлігі әлі де қызықтыруға болатын мүдделі әлеуетті клиенттердің санын көрсетеді, ал төменгі бөлігі жасалған шарттардың санын көрсетеді.
Айналымды талдау нәтижелері бойынша менеджмент сапасы туралы және қандай кезеңде күш-жігерді арттыру қажеттілігі туралы қорытынды жасауға болады. Егер шарт жасалған клиенттер саны жеткіліксіз болса, әлеуетті сатып алушыларды іздеу бойынша көп күш салу керек. Егер қандай да бір кезеңде айналымның қатты тарылуы байқалса, демек алдыңғы кезеңдегі менеджмент сапасы нашар, ал процестің өзі жетілдіруді талап етеді деген сөз.
Айналым - үлкен міндеттер шеңберін шешуге болатын сатуды басқарудың әмбебап құралы. Оны құру үшін әрбір кезеңде статистиканы жинау технологиясын енгізу жеткілікті. Маркетингте айналым әрбір сату кезеңіндегі контактілер мен пайдаланылатын материалдардың санын жоспарлау үшін қолданылады.
Клиенттермен қарым-қатынас жасау мақсаттарына сүйене отырып біз оларды үш кезеңге бөле аламыз: тарту, ұстап қалу және арттыру.
Әрбір кезеңге өз іс–қимылдары тән, ол біз пайдаланатын ортаға - онлайн немесе офлайн (виртуалды немесе физикалық тауарлар) ортаға байланысты болады.
