51-бап. Уәкілетті органның Қазақстан Республикасының бала құқықтары туралы заңдарының сақталуын іске асыруды үйлестіруі Балалар
құқықтарын
қорғау
саласындағы
уәкілетті
органды
Қазақстан
Республикасының Үкіметі белгілейді.
Балалар құқықтарын қорғау саласындағы орталық уәкілетті орган:
1) бала құқықтарын қорғау саласындағы басқа мүдделі уәкілетті органдардың
қызметін үйлестіреді және бағыттайды;
2) баланың негізгі құқықтарын іске асыру жөніндегі әртүрлі бағдарламалар әзірлейді;
3) балалар өмірі көрсеткіштерінің ең төменгі әлеуметтік стандарттарын, нормалары
мен нормативтерін жақсарту жағына қарай жыл сайын қайта қарауды қамтамасыз етеді;
4) балалар құқықтарын қорғау саласындағы уәкілетті органдардың халықаралық
ынтымақатастық ісіндегі қызметін үйлестіреді.
52-бап. Қазақстан Республикасының бала құқықтары туралы заңнамасының сақталуына бақылау жасау 1. Қазақстан Республикасының бала құқықтары туралы заңнамасының сақталуына
бақылау жасау баланың құқықтары мен заңды мүдделерін қамтамасыз етуге бағытталған
және оны уәкілетті мемлекеттік органдар Қазақстан Республикасының заңдарында
белгіленген құзыреті шегінде жүзеге асырады. 2. Жеке және заңды тұлғалардың баланың құқықтарын іске асыруға бағытталған
қызметі бақылау объектісі болып табылады. 3. Бақылау тексерулер (жоспарлы, жоспардан тыс) түрінде жүзеге асырылады. 4. Жоспарлы тексерулер уәкілетті мемлекеттік органдар бекітетін кестелерге сәйкес
жылына бір рет кезеңділікпен жүзеге асырылады. Жоспардан тыс тексерулер баланың қорғалатын құқықтары мен заңды мүдделерін
бұзу қаупін дереу жоюды талап ететін, сондай-ақ азаматтардың өтініштеріне дереу назар
аударуды талап ететін жағдайларда жүзеге асырылады.
Тексеруді жүргізу мерзімі бес күннен аспауға тиіс.
Ескерту. 52-бап жаңа редакцияда – Қазақстан Республикасының 2006.01.31. № 123 (қолданысқа енгізілу тәртібін 2-баптан қараңыз) Заңымен.
