Дәрістер «Білім беру жүйесіндегі менеджмент» куpсы бойынша дәрістер тезистері
Тақырып 11.Педагогикалық менеджменттегі іскерлік қарым-қатынас ұстанымдары және әдеп нормасы
жүктеу/скачать 123,66 Kb.
|
Ä?ð³ñòåð «Á³ë³ì áåðó æ?éåñ³íäåã³ ìåíåäæìåíò» êópñû áîéûíøà ä?ð³ñ
- Бұл бет үшін навигация:
- Тақырып 12.Қазіргі іскер адам қызметінің әдебі
- Тақырып 13.Келіссөздерді және әңгімелесуді өткізуді дайындаудағы психологиялық ерекшеліктер
| Тақырып 11.Педагогикалық менеджменттегі іскерлік қарым-қатынас ұстанымдары және әдеп нормасы
Қарым-қатынастың ұлттық ерекшеліктері. Ұлттық стиль; ойлау, мінез-құлықтың қабылдануының ерекшеліктері. Іскерлік қарым-қатынастың американдық стилі: даралығы, тұлға құқығы. Америкалық прагматизм, демократизм жән кәсібилік (профессионализм). Іскерлік қарым-қатынастағы Ресейлік стиль. Факторлардың ықпалы: кеңестік нормалар, іскерлік қатынас ережесі, кеңес уақытыңдағы қалыптасқан құндылық бағыттар. Іскерлік қарым-қатынасы тәжірибесінің кемшілігі. Тақырып 12.Қазіргі іскер адам қызметінің әдебі Шаруашылық жетекшісінің әдебі, қызметтік және әкімшілік әдеп. Басқару әдебі. Қазіргі әдеп. Әдептің негізгі нормалары: Әдептілік. Сыпайылық. Қарапайымдылық. Зайырлы әдеп. Сөйлеу мәнері, киім-кию. Визит картасы. Хаттағы әдеп. Тақырып 13.Келіссөздерді және әңгімелесуді өткізуді дайындаудағы психологиялық ерекшеліктер Дайындық фазасы (қарым-қатынасқа дейін), тікелей қарым-қатынас фазасы (қарым-қатынас) және қарым-қатынастан кейінгі қорытынды. Байланысты анықтау. Басқа адам жайындағы ұсыныстардың бұрмалануы. Ахуалдағы бағыты, сұрақты талқылау, шешім қабылдау, мақсатқа жету. Басқа адамды таныстырудың негізгі тетіктері: эмпатия, теңестіру, рефлекция. Байланыстан шығу біліктілігі. Байланыстан шығудың жолдары. Қарым-қатынас деңгейінің «қарапайымнан жоғары» аралығында. Өзара әрекеттесудің басым жағының түрлері: кооперация немесе бәсекелестік. Келіссөздерді өткізудегі негізгі ұсыныстар: дайындау, жүргізу, соңынан сараптама жүргізу. Әріптестердің іскерлік қарым-қатынастағы келіссөзді өткізудің төрт негізгі стилі. Стиль-негізгі ықылас стилі (әскердегі бағыты) Стиль-негізгі үдеріс стилі (үдеріскебағдарлау) Стиль-негізгі адамның қарым-қатынасы стилі (адамғабағдарлау) Стиль-негізгі адамның қарым-қатынасы стилі, адамның мәселесі (адамға бағдарлау) Қарым-қатынастың себептері. Дәл келетін себептер. Қарама-қайшы себептер. Орынықты себептер. Уақытша себептер. Қарыз-себеп. Қажетті себеп. Қызықты себеп. Қынырлық себеп. Жеке жыныс ерекшеліктері. Психологиялық мінездемелер. Жалпы-тұйықтық. Іскер әңгімелердің түрлерінің жіктелуі. Шатақ адам, 1. Ұжымға басшылық ету процесінде әлеуметтік-экономикалықтан басқа, әлеуметтік-психологиялық қатынас та қалыптасады. Бұл ең алдымен ұйымның әр түрлі статустары, иерархиялық құрылымдары (бір жұмыскердің екіншісіне бағынуы арқылы көрінетін) және жеке адамдар арасындағы қарым-қатынас, олардың әлеуметтік-психологиялық мазмұны, бірін-бірі мойындау, ықпал ету, стиль, мүдделік т. б. болып саналады. Басқарудың дұрыс стилін тандай білу әлеуметтік-психологиялық проблеманың ең актуалдысы. Басқармадағы жұмыскерлердің шынайы мәдениетіне неғұрлым толық, әрі түбегейлі баға, басшы жұмысының стилі бойынша жүзеге асады. Басқару қызметіндегі әрбір басшы тек өзіне ғана тән стильде қызмет міндетін орындайды. Адамдардың қарым-қатынасында, соның ішінде басқару функциясын жүзеге асыруда стильге ерекшс мән беріледі. Қазіргі кезде стильді басшының басқару функциясын тиімді орындау мақсатында өзініқ қарамағындағыларға ықпал етуі бойынша бағалайды. Сонымен, басшылық стилінің мәні сол, басшы қандай әдістермен ұжымның қарқынды және творчестволықпен өзіне бекітілген жұмысты орындауына ықпал ете алатындығында, қарамағындағылардың іс-әрекеті нәтижесін қалай бақылайтындығында. Қабылдаған стиль ұжымға ерекше жағдай мен қарым-қатынас тұғызады. Басшылық стиль тұрақтылығымен, амалдарды жиі-жиі қайталауымен ерекшеленеді. Бірақ мұндай тұрақтылық салыстырмалы түрде, өйткені көптеген мамандардың бағалауынша стильге әдетте ырғақтылық тән, олардың тұжырымдауынша «ең дұрыс басшылық — бүл ырғақтылық» жәнеде «басшылық ете білу — бұл басшылық стилін өзгерте білу». Басшы жұмысының стилі — оның басқару процесінде пайдаланатын тәсілдердің амалдардың және іс-әрекеттерінің жиынтығы. Басшының стилі — бұл, шешім қабылдау және қызметкерлерге тапсырма беру әдісі. Басшылық стилі басқару тәсілімен белгілі бір ара қатынаста және өзара әрекстте болады. Алайда олар бірдей ұғымда емес. Басқару тәсілі — басқару ісін жүзеге асырудың әдістері (амалдары), жұмыскерлер мен еңбек ұжымына мақсатты ыкпал ету, басқару функциясын орындау процесінде олардың іс-әрскеттерін үйлестіруді қамтамасыз ету. Басшының дербес және жалпы стилі болады. Әрбір басшының дербес стилі бар, мұның өзі оның іс-әрекетінде көрініп, басқару аппаратының және бүкіл ұжымның жұмысына елеулі ықпал етеді. Дербес стиль нақты құбылыс — оны түгелдей, егжей-тегжейлі қайталауға болмайды. Басшының дербес стилі алуан түрлі объективтік факторлардың ықпалымен қалыптасады: 1.Іс-әрекет сипаты; 2. Басшы мен бағыныштылар арасындағы өзара байланыс; 3. Психологиялык қасиеті; 4. Орындау тәртібінің жағдайы Басшы мен бағыныштының өзара қарым-қатынас жасауы, ұжымның ықпал ету нәтижесінде басшы стилі үнемі жетілдіріліп отырады. Стильдің қалыптасуы — бұл ұзаққа созылатын, күрделі, мақсатты процесс. Әрбір басшы өзінде және өзінің қарамағындағыларда алуан сипатта тексерілген тәсілдер мен амалдарды қолдана білуі тиіс. 2. Басшының дербестігі істеген ісіне қарай емес, қалай істейтіндігіне де орай сипатталады. Олардың жұмысын бақылай отырып мынаны анықтауға болады: ьасшы бір мәселенің өзін алуан түрлі тәсілдермен, өзінше шешеді. Стиль дегеніміз әлеуметтік құбылыс, өйткені, біріншіден онда басшының көзқарасы мен сенімі бейнеленеді, екіншіден, ол түптен келгенде жүйенің қалыпты жұмыс істеуінің ақырғы нәтижесін ойластырады. Басшы ұстанған стилі оның қарамағындағылардың ұдайы назарында болып, олар мұны өзінше бағалап, өзінше қабылдайды. Әдетте, басшы стилі бүкіл жүйеге таралады, өйткені жұртшылық оның жүріс-тұрысына, ісіне зер салады, соған еліктейді, содан үлгі-өнеге алуға, үйренуге талаптанады. . Басшыға ұжымның барлық мүшелерін қанағаттандыратын жұмыс стилін қалыптастыру оңайға түспейді. Бағыныштыларына ықпал етудің кейбір амалдары алуан түрлі бағалануы мүмкін. Егер бір басшы оларға сенім көрсету арқылы ықпал ететін болса, екіншісі: «тиістісің», «міндеттісің» секілді қағиданы басшылыққа алады. Кейбір басшылар бағыныштыларына қатаң тәртіп орнатып, оларды озінен «аулақ ұстайды» да, ұсақ түйек мәселеге дейін өзі шешеді. Енді бір басшылардың есігі әрқашанда ашық, оған кез келген мәселе туралы пікірлесуге, ұсыныс айтуға болады. Бір директор күн сайын бригадаларды аралап отырады, ал екінші біреуі мұны кажет санамайды. Басқару стилінің типі түбелікті қалыптаспаған, сондықтанда отандық және шет елдік әдебиеттерде оның өзі түрліше жіктеледі. Мәселен, X. Кох (Германия) басшы стилін былайша бөледі: 1. Бір жақты автократтық стиль; 2. Билікті біркелкі қолдана отырып басқару стилі; 3 Өндіріс процесіне немесе тұтастай жұмыс процесіне бір-келкі катыса отырып басқару стилі; 4. Парламенттік сипаттағы басқару стилі; 5. Бағыныштылар негізінен дербес, жоғарғы басшылардың тікелей қатысуынсыз-ақ әрекет ететін басқару стилі. Автократтық және парламентарлық стильдер қолайсыз деп сапалады, өйткені алғашқысында бағынышіылар тарапынан ешкандай дербестік болмайды, ал екіншісінде жұмыс жоспарсыз жүргізіліп, бағыныштылар мүлде дербес, әрекет етеді. Ең қолайлысы кооперативтік стиль— «жақсы ынтымақтастық», «ұйымдасып әрскет ету», қиын-қыстау жағдайда өзара бірлесе, ынтымаақтаса отырып күш біріктіру. Басшы жұмыскерлерді мүқият тыңдайды, олардың ұсыныс, пікірлерін ескереді, нақты міндеттер қойып, шешімді жоспарлайды және қабылдайды. Мұндай стильде қойылған міндеттер іскерлікпен орындалады, өйткені дәл осындай жағдайда қызметкерлер өзін іске қатыстымын деп есептейді. АҚШ-та мынадай стильдер белгілі (басқару жүйесі деп аталады): 1.Функцияны беру стилі; 2. Міндетті бөлісіп басқару; 3. Ерекшелеу тәсілімен басқару; 4. Жүйені ретке келтіру арқылы басқару. а) «Функцияны беру стилі» әрбір қызметкерге, өз басқара алатын нақты істі тапсыруды көздейді. Бұл қызметкер өзіне бекітілген іске толық жауап береді, ал оның бастығы басқару жауапкершілігін саналы түрде шектейді. б) «Міндетті бөлісіп басқару жүйесінде» басшы мен бағыныштылар алдағы міндеттерді бірлесіп қарастырады да, әрбір адамныңц міндет аясы белгіленіп, нәтижесіне орай жауапкершілігі айқындалады в) «Ерекшелеу тәсілімен басқаруда» басшының міндеті өз қызмекерлерінің мүмкіндікті тиімді пайдалануына қолайлы жағдай тұғызу болып саналады. Төменгі лауазымдағы қызметкерлер белгіленген сңбек нормасына және жұмыс нәтижесін бағалау критерийіне сәйкес көмек қажеттігін хабарлайды, ал көмек қажет бола қалса, қай уақытта екендігін мәлімдейді. д). «Жүйені ретке келтіру арқылы басқаруда» белгіленген тәртіпті қатаң басшылыққа алу, жұмыс процестері мен еңбек тәсілдерінің шаруашылық-зкономикалық қызметін жеңілдету көзделеді. жүктеу/скачать 123,66 Kb. Достарыңызбен бөлісу:
|