Студенттің өздік жұмысының (СӨЖ) тапсырмасы
Төмендегі тақырыптар бойынша әдебиет тізімін
құрастырып, библиография құру нормаларына сәйкес
ресімдеңіз:
Адамның шығу тегі жөнінде қазіргі философиялық тұрымдамалар
Қазақ тіліндегі өлшем (ұзындық, көлем, салмақ, уақыт) мағыналы фразеологизмдердің ұлттық-таным-
дық ерекшеліктері
4-тақырып. ҒЫЛЫМИ МӘТІННІҢ БАСТЫ ЖАНРЛАРЫ
4.1 Ғылыми мақала
Ғылыми мақала дегеніміз - ғылыми зерттеулер нәтижелерін сипаттау. Ғылыми мақала зерттеу тақырыбы бойынша нақты жекелеген мәселелерді қамтитын, нәтижесі берілетін, автордың ғылыми басымдығы көрінетін жарияланымның бір түрі болып табылады. Ғылыми мақала маманның жетістігін көрсетеді.
Ғылыми мақаланы іштей үшке бөлуге болады:
Ғылыми-теориял ық мақалалар теориялық ізденістер мен зерттеліпотырғанмәселеніңзаңдылығынтүсіндіругеарналады.Теориялық мақалалар кез келген зерттеуді жүргізудің негізі болып табылады. Ғылымда тек теориялық пайымдаулардың көмегімен тың жаңалықтар ашылып, кейін тәжірибе мен эксперименттер арқылы дәлелденген оқиғалар аз кездеспеген. Кейбір салаларда тек қана теориялық әдістер арқылы зерттелетін нысанның маңызын ашуға болады.
Ғылыми-практикалық мақалалар ғылыми эксперименттер мен шынайы тәжірибеге арналады. Оларда эксперимент жүргізу әдістері не зерттелетін қүбылысты бақылау құралдары мен оларды тіркеу тәсілдері сипатталады. Зерттеу барысында алынған нәтижелерді баяндау мен оларды түсіндіру мұндай мақалалардың негізгі бөлігі болып табылады.
Ғылыми-әдістемелік мақалалар ғылыми немесе қолданбалы міндеттерді шешуге мүмкіндік беретін әдістер, тәсілдер, құралдар мен үдерістерге шолу жасауға арналады.
Достарыңызбен бөлісу: |
