Диссертацияға қойылатын талап деңгейіндегі ғылыми нәтижелері.
Диссертация құрылымы кіріспеден, негізгі екі тараудан, қорытындыдан уұрады. Соңында пайдаланылған әдебиет тізімі берілген. Жұмыстың тараулары мен бөлімдеріндегі нәтижелерді жинақтап айтқанда, Ж.Т.Маханованың «Қытай қазақтары тілін тарихи зерделеу және синхрондық талдау» атты диссертациялық зерттеуінің қорытындысы бойынша мынадай ғылыми нәтйжелерге қол жеткізілген:
Қытайдағы біржарым миллионғажуыққазақтардыңтіл ерекшеліктері ондағы аймақтық ерекшеліктердің молдығымен әрі күрделілігімен көзге түсетіндігі нақты тілдік деректермен дәлелденген.
Қазақтілініңшығыссөйленістертобынажататын Қытай қазақтарының тіліне толыққанды тарихи талдау жасалған.
Шыңжаңдағы қазақтардың тіліндегі диалектілік, аймақтық құбылыстардың этномәдени және прагматикалық сипаты, тілдік бірліктердің семантикасы мен жасалу уәждері, этимологиясы ашылған.
Бұлар жұмыстың қол жеткен табыстарын танытып, философия докторы (РҺО) дәрежесін алу үшін қорғалатын диссертацияға қойылатын талаптардың деңгейіне сәйкестігін көрсетеді.
Ізденушінің диссертациясында тұжырымдалған әрбір нәтижесінің (ғылыми қағидасының), тұжырымдары мен қорытындыларының негізделу және шынайылық дәрежесі.
«Қытай қазақтары тілін тарихи зерделеу және синхрондық талдау» тақырыбындағы зерттеу нақты тілдік деректер мен теориялық еңбектерге негізделген.
Атап айтқанда, зерттеу еңбегіндегі бірінші нәтиже аталмыш мәселе туралы өзіне дейінгі жазылған, жарық көрген арнаулы әдебиеттерді пайдалана отырып, Қытай қазақтарының тілдік ерекшеліктері, Шыңжаңдағы қазақтар тілінің жалпыхалықтық қазақ тілімен салыстырыла қарастырылуы диалектология тұрғысынан зерттеудің теориялық негізін
анықтауға арналған тілдік материалдарға қажетті ғылыми әдістер негізінде алынған.
Диссертация тақырыбының көкейкесті мәселесі болып табылатын екінші нәтиже геотарихи тұрғыдан алғанда байырғы қазақ даласының бір бөлігінде өмір сүріп жатқан Қытай қазақтарының тіліне тарихи тұрғыдан ғылыми талдау жасауы диссертанттың жинаған тілдік материалдарға жасаған өзіндік ғылыми жіктемесінің негізінде түйінделген.
Қазақ тіл білімінде бұрын-соңды арнайы толыққанды нысан ретінде зерттелмеген Қытай қазақтарының тілдік жүйесін семантикалық, этимологиялық, этнолингвистикалық тұрғыдан саралап жіктеуі ізденушінің зерттеу қорытындысынан алған тағы бір нәтижесі болып табылады.
| 
