Дипломдық жұмыс 6В01515- «Химия» Қызылорда, 2021 Қазақстан Республикасы Білім және Ғылым министрлігі

Саралап оқытудың мақсаты: жеке тұлғаның жеке ерекшеліктерін ескере отырып, яғни оның мүмкіндіктері мен қабілеттері деңгейіне негізделген білім беру процесін ұйымдастыру болғандықтан, оқушының даралығын көру және оны сақтау, баланың өзіне сенуіне көмектесу, оның барынша дамуын қамтамасыз ету үшін сабақ барысында оқытудың екі әдісін ұсынамын.

Топтық жұмыс ішкі саралаудың көптеген мүмкіндіктерін ұсынады. Топтық жұмыс кезінде тапсырманы орындау үшін сынып 3 - 8 адамнан тұратын топтарға бөлінеді. Көбінесе 4 адамнан тұрады. Тапсырма жеке оқушыға емес, топқа беріледі. Шағын топта оқушы өзінің бүкіл сыныппен жасаған жұмыстарға қарағанда анағұрлым қолайлы жағдайда болады. Шағын топтағы әңгімеде ол өз пікірін айта алады, өзінің қызығушылықтары мен қабілеттеріне сәйкес білім беру мәселелерін шешуге белсене қатыса алады. Белгілі бір жолмен біріктірілген топтар оқушы үшін қолайлы болады. Бұған, ең алдымен, мұғалімнің оқушының даму деңгейіне қарай құратын топтары жатады.(әдетте білім деңгейі / немесе ақыл-ой қабілетіне байланысты). Мұндай жағдайларда күшті топқа қиынырақ, ал әлсіз топқа жеңілірек тапсырмалар беріледі. Топты оқушылардың өз қалауы негізінде құруға болады. Бұл жағдайда қызығушылықтары, жұмыс стилі және туыстас достықтары бар оқушылар бірлесіп жұмыс жасайды.

Мұндай топта жұмыс жасау жеке қасиеттердің көрінуіне қолайлы жағдайлар жасайды. Сонымен қатар, мұнда сіз топтарға өздері таңдаған тапсырмаларды ұсына аласыз. Алайда, топтық жұмыста белсенді оқушылар ыждағаттылығы енжар, әлсіз және жалқау оқушылар үшін тапсырманы өздері шешіп қойып жатады. Ондай кемшіліктерді болдырмас үшін біз кейбір оқушыларға жеке (өзіндік) жұмыс ұсынамыз. Мұндағы даралау негізінен оқушыларға бірдей тапсырмалар берілмейтіндей, бірақ оқушылардың жеке ерекшеліктеріне байланысты өзгеріп отыратын тапсырмалар, сонымен қатар оқушыларды сынып ішінде әр түрлі критерийлер бойынша топтастыру арқылы жүзеге асырылады.

Сынып ішіндегі саралаудың кең таралған түрлерінің бірі- оқушылардың әр түрлі деңгейдегі тапсырмаларды орындауы. Тапсырмалардың күрделенуі жұмыс түрлерінің күрделенуіне, тапсырманы орындау кезінде қажетті шығармашылық белсенділік деңгейінің жоғарылауына байланысты болуы мүмкін. Мысалы, қарапайым деңгейде студенттерге оқулықтағы абзацты оқып, сол бойынша негізгі ұғымдарды түсінгендерін айту ұсынылады. Ал орташа деңгейде – параграфты оқып, оған жоспар құрып , сұрақтар жасау болса, қиын деңгейде – тақырыпты оқып, аннотация беру және оқушының жеке жұмысын (ғылыми жоба) жасау тапсырылады. Сараланған тапсырмалар арасында әртүрлі бағыттағы тапсырмалар кең таралған: сабақ барысында кеткен қателіктерді жоятын, толықтыратын тапсырмалар және оқушылардың тақырып бойынша алдын ала алған білімдерін тексеретін тапсырмалар.