Хандықтың алғашқы кездегі халқының құрамы Батый ханның Шайбани ханға найман,бұйрұқ және қарлұқ тайпаларын қосып беруінен түрік тілдес болғандығы байқалады.Екінші бір басты дерек, Әбілқайырды хан сайлағанда жиырмадан астам тайпалардың өкілдері қатынасқан.Олардың ішінде атақты қият,маңғыт,өкіреш найман,үйсін,қоңырат сияқты басқа да көптеген түрік тілдес ру-тайпалар болған.Ал Тоқсан екі баулы өзбек деген шежіреге қарағанда,Өзбек ұлысы немесе Әбілкайыр хандығы 92 ру-тайпадан тұрған. Тарихшы Рузбиханның жазуы бойынша,бұл хандық негізгі үш халықтан – шайбанилерден,қарақалпақтардан, қазақтардан тұрған. Олардың ең көбі және ержүректері қазақтар еді дейді. ХІҮ ғасырдың аяғы мен ХҮ ғасырдың бірінші жартысында осы тайпалар «өзбектер» деген жалпы этникалық –саяси атпен белгілі болды. Хандық құрамындағы Иасы, Отырар, Сығанақ, Үзгент қалаларында қолөнер, сауда-саттық, егіншілік, дәстүрлі мал шаруашылық дамыды. Әбілхайыр хандығы ХҮ ғасырдағы Орта Азия мен Қазақстанның этно-саяси тарихында маңызды орын алды.
