Егемкулов нурлыбай аликулович
жүктеу/скачать 1,9 Mb.
|
| Майды орау және сақтау.
Сары және қорытылған май өлшенетін және оралған түрде өндіріледі. Сары майды 24 кг дейін ағаш жәшікке; 20 кг дейін картон қораптарға салады. Жәшіктерге салар алдында оған пергамент немесе фольга төселеді. Қорытылған майды 40 және 80 кг—нан бөшкелерге салады. Бөлшек сауда үшін майды брикет түрінде пергаментке немесе фольгаға 100, 200, 250 г-нан орайды; қорытылған майды шыны ыдысқа 450, 600 г-нан, қаңылтыр банкеге 350 және 2700 г-нан салады. Тұтынушылық ыдыстағы әрбір өнім бірлігінде келесідей мәлімет болу керек: кәсіпорын аты, тауарлық белгісі немесе кәсіпорын нөмірі, нетто массасы, май түрі, 100г өнімінің тағамдық және энергетикалық құндылығы, орау күні, өткізу мерзімі, стандарт нөмірі. Сары май –3оС дейін температурада 80% салыстырмалы ауа ылғалдылығында: пергаментте оралған – 10 күн; фольгада – 20 күн; полимерлі стакандар мен қорапта – 15 күн; металл ыдыста - 90 күн сақталады. Қорытылған май 0-ден -3оС дейін температурада шыны банкіге салынса 3 ай, ал металл ыдысқа салынса 12 ай сақталады. Сақтау кезінде майды жарық әсерінен қорғап ауа айналымын қамтымассыз ету керек. Барлық май түрлерін өңдеуде шаруашылық майы өндірісінде сиыр сүтінің 1 және 2 сорттары жарамды. Әрине, майлылығы жоғары сүттен алынатын майдың сапасы да жоғары болады. Сүт майы сүттің энергетикалық бағалы компоненті, сонымен қатар, сүт тағамдарының дәмін, консистенциясын, тағамдық қасиетін арттырады. Сүт майы суда ерімегенмен, органикалық еріткіштерде эфир, бензин, хлороформда жақсы ериді. Сүттегі май орташа 3,6 % құрайды. Сүт майының құрамы тым күрделі. Негізгі бөлігі үш глицерид. Оның сыртында майға ұқсас фосфолипид, стеарин және басқалары болады. Бір сөзбен айтқанда бұларды липидтер деп дейді. Липидтер жан - жануарлар жасушалары мен ұлпаларының ажырамас құрамдас бөлігі. Олар қуат көздері болып саналады, яғни ағзаны энергиямен қамтамасыз етуші жасушалар мен ұлпаларды қоректендіруші. Ғалымдар сүт майының құрамында май қышқылдарының 100-ден астам түрінің кездесетінін, оның 12 түрі ғана барлық күрделі заттың 1% көлемінен сәл ғана көбірек болып, қалғандары мүлде аз мөлшерде жүретіндіктен майдың физикалық және химиялық қасиеттеріне мүлде әсері жоқ болатынын анықтаған. Қышқылдар қаныққан және қанықпаған болады. Осылардың ішінде қаныққандары сүт майы қышқылдарының 65% құрайды. Сүт майы қышқылдарының мөлшері мен құрамы малдың түріне, тегіне, жыл мерзіміне және азық құрамына қарай әркелкі болады. Майдың ерігіштігі үш глицеридке байланысты. Жаңа сауылған сүтте май түйіршіктері сұйық күйінде болады. 30оС-қа дейін салқындатқанда бірінші жоғары температурада балқитын үш глицеридтер қатады. Одан төмендеткенде басқа фракциялары қатады. Майдың осы қасиеті сары май алуда ескеріліп, шайқау температурасын дұрыс таба білуге мүмкіндік береді. Дәріс № 6. Тақырыбы: 1. Кілегейді шайқау және май алу технологиясы. жүктеу/скачать 1,9 Mb. Достарыңызбен бөлісу:
|