Элемент түрін бірінші орында, оның нөмірін екінші орында белгілеп жазу позициялық белгілеудің міндетті бөлігі болып табылады. Ал көмекші бөлікке элемент қызметін көрсететін əріп жатады. М2М позициялық белгіленуі былайша оқылады: электр қозғалтқышы (бірінші М əрпі), нөмірі 2 (екінші орындағы 2 саны), басты қызмет атқарады (қосымша бөлік-соңғы М əрпі); К4Н-реле, нөмірі 4, сигналдауға қолданылады.
Элементті кеңейтілген тəсілмен көрсеткенде оның нөміріне бөлік кескінінің шартты нөмірін қосып жазуға болады. Элемент бөлігінің шартты белгіленуі элементтің негізгі белгіленуінен нүкте арқылы бөлінеді. Мəселен А4 құрылғысының екі бөлігі үшін позициялық белгілену А4.1 жəне А4.2 деп жазылады
S əрпімен басқару тізбегіндегі ажыратқыш белгіленеді. SВ екі əріпті код кнопкалы ажыратқышты (кнопканы) білдіреді, ал үш əріпті SВТ жəне SВС кодтары сəйкесінше ажырату жəне іске қосу кнопкалары екендігін көрсетеді.
