№10 Лекция. Электр және магнит өрісінің жылжымалы зарядқа әсері ..............................................................................................
74
№11 Лекция. Заттың магниттік қасиеттері ........................................
КІРІСПЕ Физика - материя қозғалысының формаларын, қасиеттерін зерттейтін ғылым. Материя қозғалысының механикалық, молекулалық, электромагниттік, атомдық және ядролық формалары бар. Сондықтан физиканы оқып үйрене отырып, студенттер көптеген табиғат құбылыстарымен және оларға берілген ғылыми түсініктермен танысады, оқушылардың бойында дүниенің материалдылығы туралы, қандай да болдсын жаратылыстан тыс күштің жоқтығы, адамның қоршаған әлемді тану мүмкіндігінің шексіздігі туралы сенім қалыптасады. Физика мен техниканың даму тарихы мен таныса келе, адамның ғылыми білімдерге сүйене отырып, айналадағы шындық болмысты қалай өзгертетінін, өзінің табиғатқа билігін қалай арттыратынын түсіне бастайды. Осыларды ескере отырып, электромагниттік қозғалыстарды оқып үйренудің орны ерекше екендігіне көз жеткізіледі. Студенттердің логикалық ойлауын, танымдық қабілеттерін дамытуда, олардың Физикалық теориялар мен заңдарды оқып үйрене отырып, құбылыстар арасындағы себеп-салдарлық байланыстардың құпиясын анықтауда, лабораториялық сабақтарды орындау және нақты физикалық есептерді шешу үлкен роль атқарады.
Электр магнитизм курсында болашақ мамандар электр және магнит құбылыстарын практикалық мақсатқа қолдану тәсілдерімен танысады. Электромагниттік өрістің сырын ашатын заңдылықтарды оқып үйренеді. Электрлік тізбектерді жинауды және электромагниттік құбылыстарға байланысты есептер шығаруды үйренеді. Техниканың даму заманында электр және магнитизм курсын игере отырып, студенттер оны іс жүзінде жаратылыстану, информатика және математика пәндерімен тығыз байланысты болатындығын айқындайды. Электр және магнитизм курсы студенттердың ой-өрісін кеңейтіп, табиғаттағы санқырлы құбылыстарды теория жағынан түсінуге мүмкіндік береді және физиканың басқа салаларын игеруге базалық роль атқарады.
№1 Лекция. ЭЛЕКТРОСТАТИКА
