Тіл саясаты дегеніміз – мемлекет, қоғамдық ұйымдар тарапынан жүзеге асырылатын қоғамдағы тілдік жағдаятты (языковая ситуация) өзгертуге немесе тұрақтандыруға бағытталған саяси, әлеуметтік және лингвистикалық шаралар жүйесі.
«Тілдік жоспарлау»
1959 жылы Э.Хауген У.Ваинрайхтың еңбегін негізге ала отырып, алғаш рет «Тілдік жоспарлау (Языковая планирования) » терминін енгізді.
Бұл термин бастапқыда «тіл нормасы», «тіл мәдениеті», «тіл этикасы» деген сияқты ұғымдарда қолданылды. Кейін Э.Хауген оны мынадай ұғымдарда қолдануды ұсынды:
1) норма таңдау;
2) нормаларды жүйелеп, бекіту;
3) тілдік бірлестікке жаңа нормалар енгізу.
1969 жылы бұл ұғымды Х.Клосс екі түрлі тұрғыдан қарастырды:
Алғашқысында тілдің ішкі құрылымына, яғни әдеби нормалар қалыптастыру, терминологияны дамыту, орфографияны жетілдіру т.б. қолданса, екіншісін тілдің қоғамдағы күйін, атқаратын қоғамдық қызметін, өзге тілдермен қарым-қатынасын сипаттауда пайдаланды.
