Мәдени-тарихи (әлеуметтік) есімдер – діни наным-сенімдер, тотем мен
табуға қатысты және неологизм есімдерді қамтиды.
Мәдени трансмиссия – тұлғаның әлеуметтену үдерісінде мәдени мұраның
бір ұрпақтан екінші ұрпаққа табысталуы. Менталитет – адамның мінез-құлқы, іс-қимылы, ойлау ерекшелігі,
дүниені сезінуі мен қабылдауы, саналық пен бейсаналықтың тұтастығы,
қоғамдағы ұжымдық деңгейде қалыптасатын ойлау және іс атқару жүйесі, ол
қоғамның барлық мүшелеріне тән және барлық жеке тұлғалардың іс-
әрекеттерінде көрінеді. Норма (лат. norma ереже, үлгі; ағыл. norm)– тілдің әрбір нақты даму
кезеңінде тіл құралдарын қолдану және іріктеу қағидаларының жиынтығы; тіл
құрылымына сәйкес келетін, дәстүрлі сипат алған, қарым-қатынас үдерісі
кезінде пайдаланылатын барынша тұрақты тілдік бірліктер жиынтығы.
Ономастика – жалқы есімдерді, олардың қалыптасу және түрлену
тарихын зерделейтін тіл білімінің саласы.
