1.Эпизоотологиялық – аусылдың эпизоотологиясының ерекшелігі қоздырушының биологиялық қасиеттеріне байланысты. Бұл ауру өте жұқпалы контагиозды /жұғымтал/ түрде өтеді, ал инкубациялық кезеңі қысқа болады, індеттің экологиясы вирустың мал организмінде ұзақ уақыт болуымен байланысты. Аусыл вирусының ең кең таралған А, О, С түрлері, ал SАТ1, SАТ2, SАТ3 түрлері тек Африка мемлекеттерінде кездеседі. Азия 1 түрі Азия мемлекеттерінде ғана болады.
2.Клиникалық– аусылда анық клиникалық белгілер пайда болады: ауыз, тіл кілегейлі қабықтарында афталар, күлдіреуіктер (везикулалар) пайда болады. 12-36 сағаттан кейін афталар жарылып, орындарында қызыл эррозия қалады. Сонымен қатар афталар тұмсықта, жұлықта, желінде, тұяқ арасында байқалады. Ауру малда дене ыстығы көтеріледі, аузынан сілекей ағады, ақсайды, пульсі, тыныс алуы жиілейді.
