Әбілқайыр ханның Ресей императорына хат жазуына себеп болған ішкі саяси жағдайларды анықтайды;
Әбілқайыр ханның Ресей императорына хат жазуына себеп болған сыртқы саяси жағдайларды анықтайды.
Бөлім
XVIII ғасырдағы Қазақ хандығы
Тақырып
Қазақ хандығының Ресей империясына қосылуының басталауы
Оқу мақсаты
7.3.2.2 Қазақ хандығының сыртқы саясатының нәтижелерін анықтау
Бағалау критерийі
Білім алушы
Қазақ хандығының сыртқы саясатының нәтижелерін көрсетеді
Ойлау дағдыларының деңгейі
Білу және түсіну
Тапсырма
Суреттер бойынша төмендегі тапсырмаларды орындаңыз.
Әр суретті жеке-жеке сипаттаңыз:
Не көріп отырсыз?
Қандай қорытынды жасауға болады?
Суреттерді қолдана отырып қарастырып отырған тарихи кезең бойынша әңгіме құрастырып, қазақ халқының қоғамдық-саяси өмірі қалай өзгеруі мүмкін екенін жазыңыз.
Дескриптор
Білім алушы:
берілген суреттерді алған білімдеріне сүйеніп сипаттайды;
суреттердің негізінде оқушылар қазақ жеріне Ресей империясының енуіне байланысты болған өзгерістерді анықтайды;
суреттердің негізінде оқушылар Ресей империясының қазақ жерін отарлауына байланысты болған кемінде 1 өзгерісті болжайды.
Бөлім
XVIII ғасырдағы Қазақ хандығы
Тақырып
Абылай ханның ішкі және сыртқы саясаты
Оқу мақсаты
7.3.2.3 Абылай ханның ішкі және сыртқы саясатын бағалау
Жауға шаптым ту байлап,
Шепті бұздым айғайлап.
Дұшпаннан көрген қорлықтан,
Жалынды жүрек қан қайнап,
Елді-жұртты қорғайлап,
Өлімге жүрміз бас байлап!
Қазақтың ханы Абылай
Абылай ханым, бұл қалай?
Ақиықты аспанға
Ұшпастай ғып торлады.
Құлағанға ұқсайды
Қазақтың қамал қорғаны.
Қайғырмаңыз, ханзадам,
Айтпасыма болмады,
Батырың өтті Бөгенбай.
Қиядан қиқу төгілсе,
Аттың басын тартпаған,
Қисапсыз қол көрінсе,
Қорқып жаудан қайтпаған,
Қазақ деген халқынан
Батыр шыққан даңқынан,
Қарсыласқан асылдар
Қорғасындай балқыған,
Батырың өтті Бөгенбай.
Жақсыны алыс, жаманды жақын көрме,
Жақсы атансаң, басқаның хақын жеме.
Жақсымын деп момынның малын жеме,
Жаман адам сол болар, мақұл деме.
Екі арыстан қосылса, дәуді өлтірер.
Ажал келсе, ауру түгіл, сауды өлтірер.
Ауылыңда шайпау тілді жаман болса,
Аман тұрған басыңа дау келтірер.
Берілген өлең жолдарынан қандай ақпарат алуға болады?
ХVIII ғасырдағы шығармалардағы ортақ ой __
ХVIII ғасырдағы ақын-жыраулардың қоғамдағы орны
Дескриптор
Білім алушы
ақын-жыраулардың шығармаларындағы басты ақпаратарды жазады;
ақын-жыраулардың шығармаларындағы ортақ ойды жазады;
XVIII ғасырдағы ақын-жыраулардың қоғамдағы орнын сипаттайды.