Максаты: диагностикалық: аурудың қоздырғышын айқындау, дәрілік сезімталдықты анықтау, науқасты өз бетінше зәрді жинауға үйрету.
Көрсеткіштері:бүйрек аурулары.
Құрал-жабдықтар: жылы қайнатылған су, сабын, қағаз сүлгі, қағаз салфеткалар, қақпағы бар залалсыздандырылған ыдыс, лабораторияға жолдама, ҚЖКЖК.
Мейірбикенің іс-әрекет алгоритмі:
Науқасқа зәрді жинау мақсаты мен ережесі туралы хабарлаңыз.
Науқастан дәрет алу бөлмесіне кіріп, белден төмен қарай шешінуін сұраңыз.
Науқастың іс-әрекет алгоритмі:
Қолыңызды жылы сумен сабындап жуып, сүлгімен құрғатыңыз.
Жыныс мүшесін ұстаңыз, жыныс мүшесінің басын босатыңыз және оны сабындап сумен жуыңыз.
Салфетканы қолдана отыра, жыныс мүшесінің басын құрғатыңыз.
Салфеткаларды қауіпсіз жоюға арналған контейнерге тастаңыз.
Зәрді жинауға арналған ыдысты алыңыз, қақпақтың ішкі бетіне тигізбей ыдыстың қақпағын ашыңыз, қақпақты қағаз сүлгіге ішкі бетін жоғары қаратып қойыңыз.
Зәрді жинауға арналған ыдысты зәр шығаратын каналдын тесігіне ұстаңыз.
Зәр ағымының «алғашқы бөлігін» унитазға жіберіңіз, содан соң «1», «2» есебінде зәр шығаруды тоқтатыңыз.
