Дереккөз:Инклюзивті білім беру негіздері: Оқу құралы. - Алматы: ЖК «Балауса» -2016. -320 бет.
Практикалық тапсырма Арман, 2-сыныптың 8 жасар оқушысы
Арман толық, әлеуметтік жағдай орташа отбасында тәрбиеленіп отырған бала. Ата-анасының екеуі де жұмысбасты, жоғары мәдениетті адамдар. Отбасы бала тәрбиесіне үлкен жауапкершілікпен қарайды. Анасы баласының тәртібі мен оқу үлгерімін үнемі қадағалап отырады.
Арман мектепалды сыныпта оқымаған. Ол ата-анасының өтініші бойынша бірден 1-сыныпқа қабылданған. Анасының айтуы бойынша, Арман әдетте мектепке қуана-қуана барады, бірақ кейде өз-өзімен тұйықталуды әдетке айналдырды. Ата-анасы Арманның бұл қылығын түсіне алар емес. Осындай күндері бала қатты қобалжитын болды. Мұғалімдер де оны әрең сабаққа тартатын.
Баланың оқуында едәуір олқылықтар бар. Арман үшін үй тапсырмасын орындау қиын, ол тіпті тырыспайды да, өз-өзіне сенімсіз, ынта-жігерсіз, енжар, жаңа жағдайға қиындықпен әрең бейімделеді. Өзі тамақтана алады, бірақ киініп-шешінгенде көмекке мұқтаж, мектеп кеңістігінде, сыртта әрең бағдарланады. Бірінші сынып оқыған кезде Арманның ауытқуларын бастауыш мұғалімі анықтаған.
Тапсырма.
Оқу ресурсында берілген бағалаудың құралдарымен танысыңыз.
Сізге таныс немесе тәжірибеңізде қолданып жүрген бағалау құралдарын белгілеңіз (сызып немесе бояп).
Кестенің рубрикаларына сай бағалау әдістері туралы ойыңызды тұжырымдаңыз:
Арманның даму деңгейін анықтау үшін бақылау жүргізіңіз. Бақылау мақсатыңызды жазыңыз.
Бағалау әдісі
Мақсаты
Басымдықтары
Кемшіліктері
Ұсынымдар
Арманның үлгерімін жақсарту мақсатында қандай мониторинг түрін жүргізесіз және оны жүргізу мерзімі қандай болады?
