Сындарлы кері байланыс - ол қандай болуы керек? Кері байланыс - өзінің нақты ережелері бар технология. Ол мұғалімдерге мұғалім мен көшбасшы арасында сенімді және қауіпсіз қарым-қатынас орнатуға, сұрақтар қоюға және фактілерді талдауға мүмкіндік береді. Кейде мұғалімдерге сабақты бақылаудан кейінгі кері байланыс ұнамайды. Олардың пікірінше, бұл процесс «қауіпті» болып саналады және олардың беделіне нұқсан келтіруі мүмкін. Көп жағдайда сындарлы ережелерді сақтамау салдарынан кері байланыс бағалау сипатына ие болады. Сонымен қатар, егер бұл бағалау жағымсыз болса, онда эмоционалды жағынан қабылдау өте қиын және нәтижесінде реніш пайда болады. Осы жағдай сабаққа қатысқаннан кейін талдау кезінде мұғалімнің үрейленуіне себеп болуы мүмкін.
Конструктивті кері байланыстың негізгі ерекшеліктері Кері байланыс тек мақтау ғана емес (мысалы: «Бұл керемет сабақ болды!», «Сіз керемет ұстазсыз!»)
Кері байланыс тек мұғалімге ақыл айтып, үйрету ғана емес (мысалы: «Сабақта дарынды оқушыларға назар аудару керек еді», «Тапсырмаларда саралауды ескеру керек еді»)
Кері байланыс – бұл баға беру емес (мысалы: «Менің ойымша, бұл сабақ қанағаттанарлық деп бағаланды», «Сабақ өте нашар өтті!»)
Сындарлы кері байланыстың жеті белгісі: Өз көзқарасыңыз бен анықтамаларыңызға сүйене отырып емес, нақты фактілер негізінде сөйлеңіз.
Оқу мақсаттарына сәйкестігін міндетті түрде ескеру қажет.
Сыйластық, сенімді қарым-қатынасты сақтау керек.
Кері байланыс мұғалімге үстемдік жасамай, сұрақтарды қабылдауға және қоюға мүмкіндік бере отырып ұсынылуы керек. Кері байланыс екі жақты процесс екенін ұмытпаңыз, сондықтан мұғалімге мақсатқа жету жолдарын өз бетінше анықтай алатындай сұрақтар қойыңыз.
Кері байланыс болашаққа деген сенімділікті оятуы керек. Мұғалімнің болашақта алға қойған мақсатына жететініне сенімділік сезімі болуы керек.
Кері байланыс жүйелі болуы керек. Бұл бір реттік шара емес, жүйелі жұмыс. Кері байланыстан кейін мұғалім өз жұмысына түзетулер енгізіп, өзгерістер мен өзінің дамуын бағалай білуі керек.
