Посттарды күн сайын, бірақ күніне ең көбі 2 рет жариялау керек. Жариялау уақыты - әлеуетті клиенттердің әлеуметтік желілердегі барынша белсенді болатын кезеңі.
OQICO мектебі посттарды аптасына үш рет жариялайды. Посттар алдын ала дүйсенбі күні дайындалып, жүктеледі. Интербелсенді тапсырмалар мен сауалнамалардың түзетулері күн сайын таңертеңнен бастап қойылады, осылайша пайдаланушылар парақшада белсенділік таныта алады, бұл мектептің лентада және стористе бірінші болып пайда болу мүмкіндігін арттырады.
2-тапсырма
Өз стартап тобыңызда жұмыс істей отырып, өз тауарыңызды / өніміңізді алға бастыру үшін ең қолайлы платформаларды (әлеуметтік желілер) анықтаңыз.
3-тапсырма
Өз бизнесіңізді бір ай ішінде алға бастырудың медиа-жоспарын құрыңыз.
Сіздермен алтыншы сабақта талқыланған бизнес-модельдің арқауын естеріңізге саламыз Бір блоктан екіншісіне жылжи отырып, біз сіздермен бірге негізгі құндылықтарды, тұтынушылардың сегменттерін және өзара іс-қимыл арналарын егжей-тегжейлі талдадық. Клиенттермен қарым–қатынас туралы айтатын уақыт келді - яғни, клиенттік базаны қалай арттыруға болады? Жалпы айтқанда, "клиенттермен қарым-қатынас" дегеніміз - мына үш сұрақтың жауабын білдіреді: "Сіз өз клиенттеріңізді қалай табасыз?", "Оларды қалай ұстап тұрасыз?", "Сізге олардың санын арттыру үшін не істеу керек?".
