Диплом жұмысы 5В020500 «Филология: қазақ тілі» мамандығы Нұр-Cұлтан, 2022 «Қорғауға жіберілді»
жүктеу/скачать 4,9 Mb.
|
Дипломдық жұмыс, Лаура (копия)
4-кестенің жалғасы
4-кестенің жалғасы
Медиа саласы әдебиетті назардан тыс қалдырмай, мүмкіндігінше бағдарламалар, деректі фильмдер, фильм мен хикаялар түсіруге тырысқан. Дегенмен біздің зерттеу барлауымыздың нәтижесінде әдебиеттегі жыраулар поэзиясының халыққа насихатталу деңгейінің төмен екенін байқадық. Жыраулар – ел басына күн туған қысылтаяң кезеңде сөз бастап қана қоймай, қол бастап, халқын, жерін сыртқы жаулардан қорғап, қара қылды қақ жарған әділдігімен, туралығымен халық пен хан арасына ынтымақты байланыс орната білген ұлт ардақтылары. Олардың насихатын кейінгі ұрпақ білуі қажет. Осы орайда медиа саласы жас жеткіншектерге, әсіресе, 6-14 жас аралығындағы оқушыларымызға оқу-танымдық анимация әзірлесе, тарихымыз қайта тіріліп, рухани мұрамыз бір жасап қалатын еді. Мұндай олқылықтардың орны толып, келешекте ұлт кәдесіне қызмет ететін рухты жыраулар жыры халыққа жол тартатынына сеніміміз мол. ХХІ ғасырда кез келген жаңа үрдістің өтімділігі, насихатталуы, таралуында әлеуметтік желілер көш бастап тұр. Әлеуметтік желілердің басқа сандық ресурстардан ерекшелігі – аудиторияның кеңдігінде және еркіндігінде, қолданушылардың белсенділігінде. Осы орайда көркем шығарманы мазмұны тұрғысынан болсын, оқу-танымдық құрал ретінде болсын белсенді насихаттаушы – youtube желісі. Аталмыш желіде «КІТАПQANA» (https://www.youtube.com/watch?v=rtVKwRR-GWg) атты арнайы юлог бар. Блогта том-томдық кітаптарды 5-10 минут аралығында түсіндіреді. «Алпамыс батыр», «Қыз Жібек» жыры, «Қобыланды батыр», «Айман-Шолпан», «Абай жолы» секілді шығармалар көрермен көңілінен шығып, оң бағасын алып үлгерген. Мұндай блогтар оқушыға өте қызықты. Өйткені кітапты мазмұндаушы адамның сөз саптауы, өз-өзін ұстауы, шығарма мазмұнына сай бет-жүзінің құбылуы, арасында өзіндік субъективті көзқарасын қоса айтуы өте шебер жеткізілген [27]. Цифрлық технология ұлттық рухани байлығымызды одан әрі жандандырып, заманауи бағытта қайта белең алуына зор мүмкіндігін береді. Көркем шығарма тақырыбы мен идеясы ұлт тарихы мен танымынан алыстамайды. Сондықтан да көркем шығарманы цифрлық технология тұрғысынан оқыту мектеп қабырғасынан бастау алуы қажет. Цифрлық технология оқушының өз бетінше ізденіп, білім алып, ақпаратты өздігінен түсінуіне, пікір білдіруіне, қателесуіне және оны қайта қалпына келтіруіне мүмкіндік береді. Нәтижесінде ертеңгі күні бәсекеге қабілетті, заманауи цифрлы сауаттанған, жаһандануға бейім, «ішкі мені» мен сенімі толық қалыптасқан жеке тұлға – «жаңа ұрпақ» пайда болады. жүктеу/скачать 4,9 Mb. Достарыңызбен бөлісу:
|