КӨРНЕКІ ҚҰРАЛДАРДЫ ҚОЛДАНУ ӘДІСІ

Көрнекілік – педагогикадағы дидактикалық тәсіл. Ол мұғалімнің шығармашылық ізденісі мен әдістеме жаңалықтарына сергек қарап, сабақ барысында шебер пайдалана білуді талап етеді. Көрнекіліктерді пайдалануға ғалымдар, ұлы ойшылдар мен атақты педагогтар зор көңіл бөлген. Қазақтың ұлы педагогы Ы.Алтынсарин: «Қазақ жастары ғылымды, оқу мен өнерді кітап сөзі деп қарамай, заттай, көзімен көріп, қолымен ұстап ажырата білулері керек», – деген сонымен қатар, ол: «балаға айтып түсіндіргеннен гөрі, қолымен ұстап, көзімен көріп, мұрнымен иіскеп түсіндірген сабақ ұғымды», – деген болатын. 

• 
  көрнекіліктің оқушылардың жасына сәйкестігі;
  
• 
  көрнекілікті сабақтың керек сәтінде қолдану;
  
• 
  демонстрацияланған затты барлық оқушылардың көруі;
  
• 
  иллюстрацияның ең бастысын, мәндісін нақтылау;
  
• 
  құбылыстарды демонстрациялау кезінде берілетін түсініктерді мұқият ойластыру;
  
• 
  сабақта көрнекіліктің алуан түрін қолдану, бірақ көп көрнекілік қолданбау, себебі балалардың назары басқа жаққа ауып, тақырып бойынша ең негізгіні түсінбей қалады;
  
• 
  көрнекілікті қолданып оқушының сезіміне қозғау салу, қалыптасқан түсініктерге сүйеніп, меңгерілетін ұғымды нақтылау;
  
• 
  оқушылардың өздері жасаған көрнекіліктердің әсері мол болатындықтан, көрнекілікті балалармен бірге жасау;
  
• 
  көрнекі құралдарды қолданып оқушылардың зейінін, ақыл-ой мәдениетін, жобалай білуін, оқуға деген қызығушылығын тәрбиелеу;
  
• 
  балалардың жас ерекшеліктеріне қарай заттық көрнекілікті азайтып, символдық көрнекіліктерді қолдану.
  

• 
  көрсетіліп отырған көрнекілік барлық оқушыларға тегіс көрінуі тиіс;
  
• 
  оқу материалын түсіндіру кезінде пайдаланып, соңынан нысана алынып тасталуы тиіс;
  
• 
  көрнекі құралдарды бақылау барысында әрбір оқушы мұғалімнің нұсқауы бойынша жұмыс істеуі тиіс;
  
• 
  көрсету кезінде мұғалімнің ауызша баяндауы оқушылардың бақылауын дамытуға және тілін дамытуға ықпал етуі тиіс;
  
• 
  оқушылардың бақылау жұмыстары нәтижесінде ой қорытындысын жасай білуге дағдыландыру.