Диффузия процесін бақылау. Диффузия сатысы, əсіресе ақауы
бар қызылшаны өңдеуде, микробтық инфекциялардың ену қауіпі өте
жоғары. Сондықтан мұнда мұқият жəне жүйелі түрде бақылау қажет.
Диффузиялық шырыннан сынамаларды мезгілдік əдіс жұмы-
сындағы барлық диффузорлардан алады, үздіксіз жұмыстағы аппа-
раттардан сынамаларды аппараттың барлық секцияларынан алады.
Сынамаларда: рН немесе қышқылдылық (2 сағаттан кейін),
инвертті қанттың құрамын жəне микроорганизмдер санын – көзге
көрінгендерін тікелей санау арқылы немесе санақ камерасы арқылы
санайды, қажет болған жағдайда – агарлы ортаның ішіне нақты
шырын мөлшерін егу арқылы анықтайды. Микроорганизмдерді
егу – олардың санын анықтап қана қоймай, сонымен бірге олардың
сапалық құрамын (талдау тəулігіне бір реттен кем емес жүргізіліп
тұрады) анықтауға мүмкіндік береді.
Процесс қалыпты жүріп отырса, шырынның рН 6,6-6,2
дəрежесінде қалып, өзгермейді; ондағы инвертті қанттың көлемі де
бастапқы шырынмен салыстырғанда өспеуі қажет. Микроскоппен
қараған уақытта бактерия саны 1-2 аспауы қажет.
Инфекция пайда болғанын келесідегідей көрсеткіштерден
байқауға болады: шырынның рН төмендеуі, немесе оның
қышқылдылығының жоғарылауы; инверт санының өсуі; 1 мл микро-
организмдер саны, кейде бірнеше миллиардқа жетіп, көбеюі.
Егер ортада инфекция табылса, онда аппарат температурасын
70-80°С-қа дейін көтеруге, диффузиялық аппаратқа жіберілетін
барометрлік суға формалин қосу ұсынылады. 0,01% формалинді
өңделудегі шикізат (қызылша) массасына қосады. Диффузиялық ба-
тареяларда газ пайда болған жағдайда, балғын жоңқаларды енгізуді
тоқтатып, сумен жуғаннан кейін, 2%-дық формалин ерітіндісімен за-
лалсыздандырады. Диффузияның үздіксіз процесі кезінде антисеп-
тикті шырынның көлеміне қарай 1%-ға дейінгі мөлшерде тəулігіне 1
немесе 2 рет енгізеді. Шырында термофильді бактерия ларды тапқан
жағдайда, формалин мөлшерін 1,5-2 есеге ұлғайту қажет.
