Вальс.
Мұғалім: Өсті міне, бойларың,
Өсті міне, ойларың.
Қуанышқа ортақпыз,
Құтты болсын тойларың!
Асланбек:
Армысыздар, мұғалімдер - әз жандар,
Білім іздеп инемен құдық қазғандар.
Құшақ жая қарсы аламыз сіздерді,
Би биленіп, ән де бүгін шырқалар.
Валентина:
Қош келіпсіз, ақ жаулықты аналар,
Жүздеріңнен мейірім мен нұр тамар.
Алдарыңда жауқазындай құлпырған,
Біз алаңсыз балғын шақты балалар.
1-оқушы:
Бізді үйреткен білімге жалықпастан,
Рақмет ұстазыма көзімді ашқан.
Біз – шәкірт, біз – отанның болашағы,
Білімнің басқышына қадам басқан.
2-оқушы:
Өзгеріп жатыр бүгін қала, қырым,
Құп алып ағалардың даналығын.
Бет алып бара жатыр болашаққа,
Аяулы жеті жасар балалығым.
3-оқушы:
Мен бүгін бұрынғыдан саналымын,
Қоңырау боп күмбірлейді жаңа күнім.
Дәптердің жазылмаған ақ парағы –
Ақ көйлек жеті жасар балалағым.
4-оқушы:
Өмірімнің көктемін,
Сенде өткізем деп келдім.
Алтын ұя – мектебім!
5-оқушы:
Оқып ғылым тектерін,
Ой аламын деп келдім,
Оттан ыстық мектебім!
7-оқушы:
Өнерпазың көп сенің,
Өнер табам деп келдім,
Өз бесігім -*мектебім!
Біздер әйбат баламыз.
Валентина: Ал балалар, осы білім ордасына алғаш келгенде алдымыздан күлімдеп қарсы алған алғашқы ұстаздарымызға не тілек айтамыз?
8-оқушы:
Сен менің әкемдейсің, анамдайсың,
Мен үшін армандайсың, алаңдайсың.
Ұстазым, сенен артық ақылшым жоқ,
Адалдық пен парасаттан жаралғансың.
9-оқушы:
Көңілін бар шәкірттің таба алатын,
Кеуделерге намыс отын жаға алатын.
Өзіңдей болса, шіркін, барлық ұстаз,
Жер таңдай, күміс көмей, көзі алтын.
Асланбек:
Ұстаз! Осы бір сөздің өзінде қаншама мән-мағына, құдыретті күш, қасиетті ұғым жатыр. Ұстаз алдынан өтпейтін ешкім жоқ. «Мұғалім-мектеп жүрегі» - деген Ыбырай Алтынсарин атамыз.
Барлығы бірге:
Алғыстарым көп менің,
Ұстаз – анам, мектебім!
Бақытты ел –Қазақстан,
Туған жерде көктедім.
Достарыңызбен бөлісу: |
