5. Түркия діни басқармасы дін істері жоғары кеңесі:
Кеңес, діни басқарманың жоғары ғылым, кеңес және шешім шығару органы болып табылады бір төраға және он бес мүшеден тұрады. Кеңес құрамында көптеген мамандар жұмыс жасайды. Кеңес жаңа туындаған маңызды діни мәселелерді көтеріп, тиісті шешімдер қабылдайды. Кеңес сонымен қатар діни ұйымдар мен академиялық топтардың ғалымдарымен бірлескен консультациялар өткізіп, мәселелерді жан-жақты талқылайды. Содан кейін осы кездесулерде қабылданған шешімдерді көпшілікке жариялайды.
Қазақстанда
Ғұламалар кеңесі:
Қазақстан мұсылмандары діни басқармасы жанындағы діни-ғылыми мәселелерді шешумен айналысатын консультативтік-кеңесші орган болып табылады. Кеңес өзінің қызметінде Құран Кәрімді, Пайғамбар хадисін, сүнниттік бағыттағы Әбу Ханифа мазһабы және имам Матуриди ақидасы ілімін, Қазақтан Республикасының Конституциясын, Заңдарын, ҚМДБ Жарғысын, сондай-ақ осы Ережені басшылыққа алады.
Мақсаты: Ислам негіздеріне сүйене отырып, қоғам өмірінде мұсылмандық ұстанымға қатысты туындап отырған өзекті мәселелерде пәтуалар шығарып береді. ҚМДБ-ның жалпы қызметі жүйесі және оның имамдары қызметінің негізгі бағыттарын зерттейді. Уағыз тақырыптары мен жұма уағыздары мәтіндерін бекітеді.
Кеңесті Қазақстан мұсылмандары діни басқармасының төрағасы басқарады. Кеңестің мәжілістері кемінде үш айда бір рет өткізіледі.
Кеңесті Қазақстан мұсылмандары діни басқармасының төрағасы басқарады. Кеңестің мәжілістері кемінде үш айда бір рет өткізіледі.
Кеңестің құрамы Қазақстан мұсылмандары діни басқармасы қызметкерлері, ғалымдар мен белгілі исламтанушы және теологтар қатарынан жасақталады.
Қазіргі таңда ғұламалар кеңесі аясында 18 мүше жұмыс жасауда.
