51
Хандәк соғысы
Түскен тағы бір аяттарда әдептілік қағидалары
тілге тиек етілді. Бұл қағидалар адамдарды үлгілі
болуға, өнегелі өмір сүруге шақырады. Мәселен,
мұсылмандарға өзге біреудің үйіне кірер алдында
рұқсат сұрау міндеттелді. Ал рұқсат берілмеген үйге
кіруге қатаң тыйым салынды. Осылайша, бұл мәселе
де реттелді.
Аталған мәселелердің бәрі әлеуметтік өмірдің
ислами тұрғыдан қалыптасқандығын көрсетті.
Аталған жылы Мекке қаласында халық санағы
өткізілді.
Жер бетінде түрлі апаттар, соның ішінде жер
сілкінісі, күн тұтылу секілді табиғи құбылыстар орын
алып, халықтың жүрегіне қорқыныш ұялады. Халық
қорыққандықтан құлшылық етіп, намаз оқуға ерекше
ден қоя бастады. Сол күндері халық ай мен күннің қатар
тұтылуына куә болып, Пайғамбарымыздың
(саллаллаһу
аләйһи уә сәлләм)
басшылығында «күсуф» және «хусуф»
намаздарын оқиды. Дәл сол жылы мұсылмандар
қуаңшылыққа байланысты Жаратушыдан жаңбыр
тілеп, арнайы намаз оқыды. Жоқшылық пен аштық
Меккеде де орын алғандықтан ол жердегі халыққа да
көмек қолы созылды. Осылайша, мұсылмандар өздері
зәру болса да, өздері секілді қиналып жатқан өзге
мүміндерге де қолдарынан келгенше көмек көрсетіп,
қайырымдылықтың ерен үлгісін көрсетті.
Осы кезде Мәдинаға Мүзәйнаның серігі келді.
Салман-ы Фариси де құлдықтан азат етілді.
Достарыңызбен бөлісу: