141 — сурет. Безді қарынның кілегейлі қабығындағы үш түрлі түтікше бездер
А — қарын түбі (фундальды без) безі, Б — ішқақпалық (пилорустық) без, В —
кардиальды без
а — қарынның кілегейлі қабығын астарлайтын бірқабатты эпителий, б — түтікше
бездің мойны, в - түтікше бездің денесі, г — түтікше бездің түбі, д - бездің жеке
тармақтарының көлденең жəне қиғаш кесіндісі, е — негізгі жасушалар, ж — париетальды
(көмкерме) жасуша, з — мойындық жасушалар.
Негізгі жасушалардың цитоплазмасы базофилді боялады. Олардың
сопақтау келген ядролары жасушаның орталығында жатады. Жасуша
цитоплазмасында белокты ферменттің синтезін қамтамасыз ететін фанулалы
эндоплазмалық тор өте жақры жетілген. Негізгі жасушалардың сыртқы
жағында тұз қышқылын түзуге керекті хлоридтерді бөлетін көмкерме
жасушалар жанаса орналасады. Көмкерме жасушалардың цитоплазмасы
қышқылдық бояулармен қызыл түске боялған. Олардың мөлшері басқа безді
жасушаларға қарағанда үлкендеу келеді. Бұлардың дөңгелек келген ядролары
цитоплазманың орталығында жатады.
Достарыңызбен бөлісу: | 
