| Көршілерден кім бар?
Қазір ДСҰ-ға 149 ел мүше болса, олардың арасында жақын көршілерден ДСҰ қатарында Қырғызстан мен Қытай бар. Ал бұрынғы кеңестік елдерден Литва, Латвия, Эстония, Грузия, Армения, Молдова, Қырғызстан, Украинаны таба аласыз. Соңғы аталған ел ДСҰ-ға үш жыл бұрын ғана енді. Ресей биылғы жылдың соңына дейін енуді жоспарлап отыр. Тәжікстанның билік өкілдері жақын уақытта сол ұйымнан табылуды көздеп отыр. Айта кетерлігі, бірер жыл бұрын Украина саясаткерлері ДСҰ-ға ене отырып, Кедендік одаққа «жоламайтындарын» мәлімдесе, дәл сол ұстанымды жуырда Тәжікстан әкімшілігі де қайталады.
ДСҰ-ға кіретін елдердің үлесі әлемдік тауар айналымының 95%-ын құрайды, яғни Ресейді қоспағанда, бүкіл дүниежүзілік нарықты қамтып отыр деуге болады. Қазақстанның ДСҰ-ға кіруі жөніндегі жұмысшы топқа осы ұйымның 38 мемлекеті кіреді, сонымен бірге нарыққа тауарларды шығару жөніндегі келіссөздерге – 14 ел, ал қызмет нарығына қатысты 10 ел қатысады.
Достарыңызбен бөлісу: |
