Психологиялық ахуал. «Допты қағып ал» әдісі. Оқушылардың назарын жинақтап, өткен тақырыпты еске түсіру мақсатында бір – біріне допты лақтырып, сұрақтарды қояды.
1-тапсырма. Оқылым алдындағы тапсырма.
Тақырып атауына байланысты «Жануарлар мен өсімдіктер дүниесі» «Сұрақтар жаңбыры» әдісі арқылы топтар бір біріне сұрақтар қояды
Дәйектеме: Осы әдісті алуда еске түсіру мақсатын көздедім.
«Бас бармақ» әдісі арқылы бағалау барысында оқушылар өз білімдерінің қаншалықты деңгейде екендігін анықтайды.
2-тапсырма Оқылым тапсырмасы. Талдау.
«Алты неліктен?» әдісі. (Топтық жұмыс). Мәтінді оқи отырып, топтар «Неліктен?» сұрағынан басталатын 6 сұрақ дайындап, бір-біріне қояды.
Өсімдіктер туралы не білеміз? Жер шарында өсімдіктердің 500 миллионнан астам түрі бар. Өсімдіктер тұқым тобының ең үлкені - гүлдейтін немесе жабық тұқымды өсімдіктер. Олардың 250000-нан астам түрі бар. Өсімдіктер күн сәулесінің көмегімен өз қорегін табады. Саңырауқұлақтар бұрын өсімдіктер қатарына жатқызылатын, алайда өз қорегін өндірмейтін болғандықтан, қазір олар жеке класқа жіктелген.
20 ғасырдың ортасына дейін өсімдіктерді төмен сатыдағы және жоғары сатыдағы өсімдіктер ашықтұқымдылар және гүлді өсімдіктер жабықтұқымдылар деп бөлді. 20 ғасырдың аяғында бактериялар мен саңырауқұлақтар өз алдына жеке патшалық болып бөлінді. Соңғы жүйеленім бойынша өсімдіктер 3 патшалық тармағына жіктеледі:
қызыл балдырлар
нағыз балдырлар
ұрықты не жоғары сатыдағы өсімдіктер.
Өсімдіктердің де пайдасы мен зияны болады. Мысалы көк жуаның пайдасы – көк жуа суық тигеннен болатын аурулардың алдын алуға, ас қорыту жүйесін жақсартуға, тәбетті көтеруге көмектесіп, қырқұлаққа қарсы күреседі. Себебі, көк жуаның сабағындағы С дәрумені апельсин мен алмадағыдан да көп. – Оның құрамында хлорофилл болғандықтан, темір тапшылықты анемия кезінде пайдалы. Көк жуада кальций мен фосфор бар болғандықтан, тіс жағдайын жақсартады. Тіс қанауы азайып, тіс ауруларының ұлғаюына жол бермейді. Өсімдік сабағында цинктің мөлшері мол болғандықтан, әйел адамның репродуктивті жүйесіне, тырнаққа, шашқа және теріге жақсы әсер береді. Өсімдік пайдасына қарамастан, оны қолдануда қарсы көрсеткіштер бар. Егер асқазаныңыз бен ішектеріңіз ауырса, көк жуаны көп қолданбаған жөн. Көк жуаны көп мөлшерде жеу артериялық қысымды жоғарылатуы мүмкін. Бұл көк жуаны мүлде жемеу керек деген сөз емес, тек көп мөлшерде қолданбаңыз.
Халық медицинасында пайдаланып жүрген шипалы өсімдіктердің бірі - адыраспан. Қазақ халқы адыраспан тіл көзден сақтайды, лас, былғанышты қуады деп, түтінімен үй ішін, ошақ басын аластаған. Емдік қасиеті жағынан адыраспан Орта Азияда ертеден белгілі болған. Адыраспанды кавказ халқы ұйықтататын дәрі ретінде қолданған. Адыраспанның сипатына келетін болсақ, түйетабандар тұқымдас, тарамдалған бұтағы мол, көпжылдық өсімдік. Емдік мақсатта адыраспанның шөбін, яғни бұтақтарын, жапырақтарын пайдаланады. Халық медицинасында шөбін ревматизм, қышыма, безгек, қотыр және басқа тері ауруларына, тіс ауруында, буынның қабынуында қолданады.
