Сабақ дидактикалық принциптер мен оқу-тәрбиелік үрдістерге қойылатын талаптарға сәйкес келе ме?

Жоғарыда көрсетілген талдау үлгілерінің барлығын қысқаша түрде көрсетуге болады:

1. 
   Мектеп, сынып, пән, мұғалім, уақыты.
   
2. 
   Сабақ тақырыбы.
   
3. 
   Сабақтың мақсаттары мен міндеттері (сабақ басталмас бұрын мұғалімнен сұрап білу).
   
4. 
   Сабақ кезеңдері. Әр кезеңдегі мұғалім мен оқушының іс-әрекетін, оған жұмсалған уақытты нақты түрде жазып отыру.
   

Сабақты жоғары дәрежеде өткізу деңгейіне жету үшін тек жоғарыда көрсетілген сабақты талдаудың бір үлгісімен ғана шектеліп қалуға болмайды. Педагогикада әдіскерлер сабақты талдаудың әр түрлі жолдарын көрсетеді. Мысалы, В.П.Симонов әдісі бойынша талдау, И.М.Богданов әдісі бойынша талдау, сабақты талдаудың пәндік схемасы, сабақты талдаудың жалпы түрі немесе сабақты өздік талдау схемасы, сабақты талдаудың графиктік үлгісі және т.б. Ал информатика пәнінің мұғалімі өзінің талғамына қарай ұсынылған талдау әдістерінің ішінен өзіне ыңғайлы, тиімдісін таңдап, өз тәжірибесінде қолдана алады. Енді осы аталған талдау әдістерінің бірқатарына тоқталып өтейік.

Олардың ішіндегі ең белгілісі- В.П.Симонов бойынша талдау. В.П.Симонов сабақты талдаудың екі әдісін ұсынады:

1. 
   Сабақты мұғалім мен оқушының іс-әрекетіне қойылатын талаптар бойынша талдау.
   
2. 
   Сабақты жүйелі түрде талдау.