«Сауат ашу» әдістемесінің ғылыми негіздері,бағдарламамен байланыстылығы жоспары

«Сауат ашу» пәні оқушылардың:

• 
  Қазақ тілі фонетикасы, лексикасы,грамматикасы мен пунктуациясы туралы бастапқы білім негіздерін игеруіне;
  
• 
  Оқу мен жазуға деген қызығушылығының оянуына;
  
• 
  Айтылым, тыңдалым, оқылым және жазылым дағдыларын қалыптастыруға;
  
• 
  Жұппен,топпен, ұжыммен жұмыс жасауға дағдылануынажәне түрлі рөлді (көшбасшы, орындаушы) орындауға үйренуіне;
  
• 
  Өз ұлтының, Қазақстанда тұрып жатқан құрмет сезімінің басқада халықтардың мәдениетіне ізгілік және құрмет сезімініңқалыптасуына негіз қалаушы пән болып табылады.
  

Алға қойылған осы мақсатқа қол жеткізу үшін мынадай міндеттер шешілуі көзделеді:

• 
  Оқушыларды оқу әрекетіне психофизиологиялық тұрғыдан дайындау;
  
• 
  қазақ әліпбиіндегі әріптермен (баспа және жазба түрі, бас әріп және кіші әріп) таныстыру;
  
• 
  Әріптен буын, буыннан сөз, сөзден сөйлем құрап оқуға және жазуға дағдыландыру;
  
• 
  Оқу дағдысы (дұрыс және түсініп оқу) мен жазу дағдысын (қатесіз, сауатты, таза, каллиграфия ережелерін сақтай отырып жазу) қалыптастырып, жетілдіру;
  
• 
  Тілдік бірліктер (дыбыс, буын, сөз, сөйлем, мәтін) және орфография, пунктуация туралы қарапайым түсініктерді меңгерту; кітап оқуға қызығушылығын тәрбиелеу;
  
• 
  Қарапайым талдау жасау тәсілдерін меңгерту арқылы салыстыру, топтастыру, жүйелеу біліктерін дамыту;
  
• 
  Сөйлеу және қарым-қатынас жасау мәдениеті нормаларын сақтауға дағдыландыру;
  
• 
  Сөздік қорын байыту және белсендіру, байланыстыра сөйлеу тілін дамыту;
  
• 
  Танымдық қызығушылығы мен туған тіліне, тарихына, мәдениетіне, салт-дәстүріне деген сүйіспеншілігін қалыптастыру арқылы рухани-адамгершілік қасиеттерді қалыптастыру;
  
• 
  Қатысымдық дағдыларын (диалог барысында басқа адамның сөзін ести және тыңдай білуін, диалогке/сұхбатқа қатысуға дайын болуын, әркімнің өз көзқарасы мен пікірі болатынын түсінуін; өз пікірін айқын да дұрыс және толық жеткізе білуін) қалыптастыру;
  
• 
  Алған тілдік білімі мен дағдыларын жеке қарым-қатынас тәжірибесінде, күнделікті өмірлік жағдаяттарда қолдануға үйрету.