Фауналық аудандастыру, белгілі бір аумақта таралған жануарлар дүниесінің түр құрамына, олардың тарихи қалыптасуына, ондағы эндемик түрлердің сақталып қалуына және түрлердің таралу заңдылықтарына байланысты жүргізіледі.
Негізінен жануарлардың кеңістіктегі таралу ерекшеліктеріне сәйкес белгілі бір реттілікпен әрі бір-біріне тәуелді жүйелілікпен (алдымен ірі аумақтарға, одан соң жеке аймақтарға, кіші бөліктерге бөлініп) қарастырылады. Құрлықтағы Фауналық аудандастыру негізінен сол аумақта кеңінен таралған жануарлар дүниесінің (әсіресе құстар мен сүтқоректілерге) пайда болуына, олардың тарихи даму жолына және таралу заңдылықтарына негізделіп аудандастырылады.
Әр түрлі дәрежедегі фауналық аудандастыру категориясының бөлінуі негізінен эндемизмнің деңгейі бойынша, яғни эндемиктік топтар саны бойынша жүргізіледі: патшалықтар эндемиктік отрядтың болуымен (немесе жоқ болуы), облыстар - эндемиктік тұқымдастың таралуы бойынша, облысша-эндемиктік түрдің, кейде туыстың таралуымен анықталады.
Достарыңызбен бөлісу: |
