Әрбір ұстаздың ұлағатты қызметі тек
шәкірттерінің білім саласындағы жетістіктерімен
ғана
емес,
жас
әріптестерінің
кәсіби
мамандануына, шеберлігінің шыңдалуына қосқан
үлесімен бағаланса керек. Болашақтың білімді
оқушысын қалыптастыру кез-келген үлгілі
ұстаздың қолынан келеді, бірақ, дайын жас
маманды-білікті ұстаз деңгейіне көтеру тек ұлағат
иесі ғана атқара алатын үлкен жүк. Сондықтан,
жастары жалындап тұрған білім ордасының
тәлімгер ұстаздарының жауапкершілігі жоғары
болмақ. Әлбетте, бұл ретте жас маманның да өз
ісінің шебері болуға ұмтылысы негізгі рөлді
атқарады.
Қазақстандағы білім беруді дамытудың
2011-2020 арналған мемлекеттік бағдарламасында
Қазақстанда оқитындарды сапалы біліммен
қамтамасыз етіп, халықаралық рейтінгілерді білім
көрсеткішінің жақсаруы мен қазақстандық білім
беру жүйесінің тартымдылығын арттыру үшін, ең
алдымен педагог кадрлардың мәртебесін арттыру,
олардың бүкіл қызметі бойына мансаптық өсуі,
оқытылуы және кәсіби біліктілігін дамытуды
қамтамасыз ету, сондай-ақ педагогтердің еңбегін
мемлекеттік қолдаумен ынталандыруды арттыру
мәселелеріне үлкен мән берілген.
