Сәбіз типті тамыржемістерде (сәбіз, ақжелкен, балдыркөк, ботташық) тағамдық заттар жеміс бөлігінде жинақталады. Ол тамыржемістің көп бөлігін алады және ағаш бөлігіне қарағанда (өзекше) құнды болып табылады. Неғұрлым өзекшенің меншікті салмағы аз болса, соғұрлым тамыржеміс құнды.
Қызылша типтітамыржемістерде (асханалық, қант және мал азықтық қызылшалар) жемісті (қою) және ағаш (ашық түсті) сақиналар кезектесіп орналасады. Бұл тамыржемістерде де тағамдық заттар жемісті бөлігінде жинақталады. Яғни қызылшада неғұрлым ашық түсті сақиналар аз болса, соғұрлым тағамдық құндылығы жоғары болады.
