Фармацевтикалық технология кафедрасы
«AntiGen» ғылыми-өндірістік кәсіпорны» ЖШС
жүктеу/скачать 1,38 Mb.
|
| «AntiGen» ғылыми-өндірістік кәсіпорны» ЖШС
«AntiGen» ғылыми-өндірістік кәсіпорны» ЖШС кәсіпорнына кірген кезде иммунобиологиялық препараттармен, вакциналармен, химиялық реагенттермен, сондай-ақ шикізатпен жұмыс істеу кезіндегі қауіпсіздік техникасымен таныстық. Тамақ өнімдерін талдау, сұйық дәрілік препараттарға анализ жасау кезіндегі қауіпсіздік техникасының негізгі бағыттарын зерттеп, ЖҚҚ бойынша нұсқаулықтан өттік. Біз вирустарға, микоплазмаларға және модификацияланған хламидиозға арналған CVTR транспорттық жүйесін жеке оралған назофарингиальды тампондармен қаптадық. Сондай-ақ жиынтыққа клиникалық үлгілерді жинау орнынан зертханаға дейін жинауға және тасымалдауға арналған криопробирка (2 мл) кірді. Дайындалған CVTR транспорттық жүйелері Invivo зертханасына жеткізілді. Сондай-ақ, оқу тәжірибесіне жауапты маман-технолог Нурмухамбетова Анара Баубековнаның бақылауымен QazVac вакциналары мен сібір жарасына қарсы вакциналарды өндірудің технологиялық процесін зерттедік. Физика-химиялық зерттеу әдістері зертханасында қолданылатын аппараттармен және аспаптардың жұмыс принциптерімен таныстық. «AntiGen» ғылыми-өндірістік кәсіпорны» ЖШС 1998 жылы құрылған және Қазақстан Республикасы мен Орталық Азияда ветеринариялық, иммундық-биологиялық препараттарды, диагностикалық тест жүйелері мен медициналық бұйымдарды жетекші өндіруші болып табылады. Бірнеше жыл ішінде компания өз өндірісін GMP Еуропалық аккредиттеу Бюросының (тиісті өндірістік тәжірибе ережелері) талаптарына сәйкес модернизациялай алды. 2004 жылдың 06 қаңтарында ресми түрде тіркеуден өткен. Жетекшісі: Ахметсадыков Нурлан Нурдинович. «AntiGen» ғылыми-өндірістік кәсіпорны» ЖШС ұйымдық құрылымы сызықтық-функционалды. Кәсіпорын персоналы 122 қызметкерді құрайды, оның ішінде ветеринария, медицина, биология және химия ғылымдарының кандидаттары докторлары. Докторлардың біліктілігі: 6 медицина, биология және ветеринария ғылымдарының докторы, 21 phD және 15 магистр. Кәсіпорын Еуропалық банктің қайта құру және даму бағдарламасына кәсіпорынды еуропалық GMP стандарттары бойынша аккредитациялауға дайындауына қатысты. Чехиядан келген сарапшы-аудиторлар Еуропалық сапа стандарттарына сәйкес келу үшін кәсіпорынға консультативтік көмек көрсетті. Барлық өндірістік, зертханалық және қойма үй-жайлары да сертификаттаудан өтті және нормативтік талаптарға сәйкес келеді. GMP қолдануға қосылған өнеркәсіптердің барлығы дерлік медициналық препараттар мен диагностикалық мақсаттағы бұйымдарды, диеталық қоспалар мен тамақ өнімдерін, сондай-ақ оларды өндіруге қажетті қосалқы тауарларды нарыққа шығаруда стандартты қолданады. жүктеу/скачать 1,38 Mb. Достарыңызбен бөлісу:
|